Pyotr Qavrilov

Pyotr Qavrilov
rus. Пётр Миха́йлович Гаври́лов
Pyotr Mixayloviç Qavrilov, 1940-cı il
Doğum tarixi	30 iyun 1900(1900-06-30)
Doğum yeri	Laişev qəzası, Kazan quberniyası, Rusiya imperiyası
Vəfat tarixi	26 yanvar 1979 (78 yaşında)
Vəfat yeri	Krasnodar, SSRİ
Vətəndaşlıq	SSRİ
Qoşun növü	atıcı
Xidmət illəri	1918—1947
Rütbə	mayor
Hərbi hissə	42-ci piyada diviziyası
Döyüşlər	Rusiya vətəndaş müharibəsi SSRİ-Finlandiya müharibəsi (1939-1940) Böyük Vətən müharibəsi: Brest qalasının müdafiəsi
Təltifləri
Vikianbarda əlaqəli mediafayllar

Pyotr Mixayloviç Qavrilov (rus. Пётр Миха́йлович Гаври́лов) — Brest qalasının müdafiəsində göstərdiyi şücaətə görə tanınmış sovet zabiti idi.

Bioqrafiya

"Brest qalası" filmində Qavrilov obrazını canlandıran Aleksandr Korşunov

O, etnik Kryaşen idi. 44-cü moto atıcı alayın komandanı olan Pyotr Qavrilov, 31 gün müqavimətdən sonra – 1941-ci ilin 23 iyulunda almanlar tərəfindən əsir götürülmüşdür. O, müharibə bitəndən sonra buraxılmışdır.

Rəsmi sovet məlumatına əsasən, əsirlikdən buraxılandan sonra o, eyni rütbədə orduya qaytarılmışdır. Onun partiya üzvlüyü, öz üzvlük biletini itirdiyinə və əsirlikdə qaldığına görə bərpa edilməmişdir. O, 1946-1947-ci illərdə Sibirdə yapon hərbi əsirləri üçün olan düşərgənin rəhbəri olmuşdur. Sonra isə, o Krasnodara köçmüşdür.

1956-cı ildə o, müharibənin ilk günündən bəri görə bilmədiyi həyat yoldaşını və övladlığa götürdüyü oğlunu yenidən tapmışdı. Həmin ili Sergey Smirnovun "Brest qalası" adlı kitabı nəşr olunandan sonra, Qavrilovun partiya üzvlüyü bərpa edildi. O, 1957-ci ildə Sovet İttifaqı Qəhrəmanı adı və Lenin ordeni ilə mükafatlandırıldı. 1968-ci ildən ölümünə qədər o, Krasnodar şəhərindəki Svetlaya küçəsi, 103 ünvanında yaşamışdır (1980-ci ildə küçə Pyotr Qavrilov adlandırılmışdır).

Pyotr M. Qavrilov, 1979-cu ilin 26 yanvarında Krasnodarda vəfat etmişdir. O, Brestdə dəfn edilmişdir.