Qızbəs Əsədova

Vikipediya, açıq ensiklopediya
Jump to navigation Jump to search
Qızbəs Əsədova
Qızbəs Əsədova.jpg
Doğum tarixi 1916(1916-Şablondakı doğum və ya ölüm tarixində texniki yanlışlıq var!-00)
Doğum yeri Laçın rayonu
Vəfat tarixi 11 dekabr 2008 (92 yaşında)
Vəfat yeri Bakı şəhəri
Fəaliyyəti həkim
Mükafatları "Əməkdar həkim", "Qırmızı Əmək Bayrağı ordeni (Azərbaycan SSR)"

Əsədova Qızbəs Zülfüqar qızı (d.1916 - ö.11 dekabr, 2008) - Azərbaycan Respublikasının əməkdar həkimi.

Həyatı[redaktə | əsas redaktə]

Qızbəs Əsədova 1916-cı ildə Laçın rayonunda anadan olub.[1] 1937-ci ildə Azərbaycan Tibb İnstitutunun müalicə işi fakültəsini bitirib. Təyinatla Qusar rayonuna göndərilən Qızbəs Əsədova həkim kimi əmək fəaliyyətinə başlayıb. İkinci dünya müharibəsinin qara xəbəri bütün Azərbaycanı bürüyəndə gənc vətənpərvər həkim könüllü olaraq cəbhəyə getmiş, müxtəlif hospitallarda çalışmış minlərlə döyüşçüyə həyat bəxş etmişdir.

1951-ci il oktyabrın 8-dən Bakıdakı M.Hüseynov adına 3 saylı şəhər poliklinikasına baş həkim təyin olunub. 2002-ci il mayın 23-də işdən azad olunub. Poliklinikada baş həkim işlədiyi dövrdə eyni zamanda Yasamal rayon Veteranlar Şurasının sədri olub. Respublikanın əməkdar həkimi fəxri adına layiq görülüb. "Qırmızı Əmək Bayrağı ordeni (Azərbaycan SSR)", "II dərəcəli Böyük Vətən müharibəsi" ordenləri və müxtəlif medallarla təltif olunub.[2] 80 və 90 illik yubileyləri təntənəli keçirilib. 2006-cı ildə Azərbaycan Prezidentinin fərdi təqaüdünə layiq görülüb.

2008-ci il dekabrın 11-də vəfat edib. Qızbəs Əsədovanın ailəsi beş uşaqdan ibarət olub. O, iki yaşında olarkən ataları Zülfüqar 1918-ci ildə Zəngəzurda ermənilər tərəfindən öldürülüb.

1925-ci ildə Mir Cəfər Bağırov Laçına səfər edərkən 9 yaşlı Qızbəs Əsədova onun avtomobilinin qarşısına çıxır. Bağırov avtomobili saxlatdırıb soruşur ki, qızım niyə yolda durmusan, nə istəyirsən? Q.Əsədova cavab verir ki, oxumaq istəyir. Bağırov onu özü ilə rayon mərkəzinə gətirir və təhsil alması üçün rəhbərliyə tapşırıq verir.

İstinadlar[redaktə | əsas redaktə]