Qafqaz Albaniyası: Əsrlərin dərinliklərindən gələn ölkə
| Qafqaz Albaniyası: Əsrlərin dərinliklərindən gələn ölkə | |
|---|---|
| ing. Caucasian Albania: Country from the Depths of the Centuries | |
.jpg) Kitabın 2021-ci il nəşrinin üz qabığı | |
| Müəllif | Peter Veres Tibor |
| Orijinalın dili | ingilis dili |
| Ölkə | |
| Orijinalın nəşr ili | 2021 |
| ISBN | 978-615-6136-03-9 |
"Qafqaz Albaniyası: Əsrlərin dərinliklərindən gələn ölkə" (ing. Caucasian Albania: A Country from the Depths of the Centuries) — Macarıstan etnoqrafı Peter Veres Tiborun 2021-ci ildə Qafqaz Albaniyası haqqında yazdığı kitab. Monoqrafiya Qafqaz tarixi ilə maraqlanan alimlər, tələbələr və digər şəxslər üçün nəzərdə tutulmuşdur.
Məzmun[redaktə | mənbəni redaktə et]
Monoqrafiya Cənubi Qafqazda mövcud olmuş Qafqaz Albaniyası dövləti haqqında məsələlərə toxunur. Müəllif əsərdə yazılı mənbələr, etnoqrafiya, linqvistika və digər sahələrdən istifadə edərək dövlətin siyasi tarixini, toponimlərin etimologiyasını, regiondakı tarixi prosesə təsir göstərən xalqların etnik mənşəyini araşdırır. Burada bütpərəst inanclar, xristianlığın formalaşması, Alban kilsəsinin beynəlxalq və mədəniyyətlərarası münasibətlərinə də toxunulmuşdur.[1]
Nəşrlər[redaktə | mənbəni redaktə et]
Əsər 2021-ci ildə Budapeştdə, "Z-füzetek Alapítvány" tərəfindən nəşr edilmişdir.[2] Azərbaycan Prezidenti İlham Əliyevin elan etdiyi "Şuşa ili" ilə əlaqədar tədbirlər planına müvafiq olaraq Azərbaycan Milli Kitabxanası tərəfindən Azərbaycan Respublikasının Mədəniyyət Nazirliyi ilə birgə həyata keçirdiyi "Azərbaycanı dünyaya tanıdaq" layihəsi çərçivəsində Qaçqınların və Məcburi Köçkünlərin işləri üzrə Dövlət Komitəsinin dəstəyi ilə nəşr olunan monoqrafiya dünyanın bir çox ölkələrinin kitabxanalarına göndərilmişdir.[3] Kitab ABŞ Konqres Kitabxanasına, Los-Anceles Universitet Kitabxanasına, Fransa, Britaniya, İsveç, İspaniya, İsrail, Estoniya, Belarus, Bolqarıstan, Çexiya, Çin, Qətər, Latviya, Litva, Macarıstan, Moldova, Polşa, Rumıniya, Slovakiya, Türkiyə, Yunanıstan, Cənubi Koreya, Rusiya Milli və Dövlət, Pakistan Milli Kitabxanalarına, eləcə də Roma Milli Mərkəzi Kitabxanasına, Kanada Milli Elmi Kitabxanasına, Makedoniya Kliment Ohrid Universitet və Milli Kitabxanasına, Danimarka Kopenhagen Kral Kitabxanasına, Serbiya Matice adına Elmi İnstitutunun Kitabxanasına, Yaponiya Milli Parlament Kitabxanası daxildir.[4]
İstinadlar[redaktə | mənbəni redaktə et]
- ↑ Tibor, Peter Veres. Caucasian Albania: Country from the Depths of the Centuries (ingilis). Budapeşt: Z-füzetek Alapítvány. 2021. səh. 4. ISBN 978-615-6136-03-9.
- ↑ "Szakmai beszámoló 2021 Z-füzetek Alapítvány" (PDF). ezredveg.vasaros.com (macar). 2021. 2022-08-03 tarixində arxivləşdirilib (PDF). İstifadə tarixi: 20 avqust 2022.
- ↑ ""Şuşanın irsi" və "Qafqaz Albaniyası: Əsrlərin dərinliklərindən gələn bir ölkədir" adlı kitablar dünya kitabxanalarına göndərilib". Mədəniyyət (az.). 25 iyul 2022. 2022-08-20 tarixində arxivləşdirilib. İstifadə tarixi: 20 avqust 2022.
- ↑ ""Şuşanın irsi" və "Qafqaz Albaniyası: Əsrlərin dərinliklərindən gələn bir ölkədir" adlı kitablar dünya kitabxanalarına göndərilib". Azərbaycan Dövlət İnformasiya Agentliyi (az.). 20 iyul 2022. 2022-08-20 tarixində arxivləşdirilib. İstifadə tarixi: 20 avqust 2022.