Qan Turalı

Vikipediya, açıq ensiklopediya
Jump to navigation Jump to search

Qan Turalı (Tural Oqtay oğlu Cəfərov) - Azərbaycan yazıçısı, jurnalist.

Həyatı[redaktə | əsas redaktə]

1984-cü ildə Azərbaycan SSR-nin Əli Bayramlı şəhərində anadan olub. 2001-ci ildə Bakı Özəl İqtisadiyyat litseyini bitirib. 2005-ci ildə Bakı Dövlət Universitetinin "Sosial elmlər və psixologiya" fakültəsinin fəlsəfə ixtisasının bakalavriatını, 2007-ci ildə BDU-nun sosial fəlsəfə üzrə magistraturasını bitirib.

2005-ci ildən bədii yaradıcılıqla məşğul olur. "Elektronik sevdalar" adlı şeir kitabı 2006-cı ildə çap edilib. İlk irihəcmli nəsr əsəri "Çiyələkli gecənin pornoqrafiyası" adlı uzun hekayəsi "Alatoran" jurnalının 13-cü nömrəsində çap edilib. 2011-ci ildə "Mustafa" romanı, 2012-ci ildə "Polis qorxusuyla öpüşmək" adlı esselər toplusu çap edilib. 2014-cü ilin may ayında hekayələri "Doqquz hekayə" adı ilə çap olunub.

"Mustafa" romanı 2011-ci ildə "Əli və Nino" kitab mağazalarında ayın ən çox satılan kitabı seçilib.

"Ədalət", "525-ci qəzet", "Reytinq" qəzetlərində çalışıb. Abzas.net adlı internet jurnalının qurucusu və redaktoru olub. "Azadlıq" qəzetinin köşə yazarı (2006-2011) kimi çalışıb.

2011-ci ildən Kulis.Az internet jurnalının baş redaktoru olub.

Azərbaycan Dillər Universitetinin Fəlsəfə və ictimai elmlər kafedrasının müəllimidir.

Kitabları[redaktə | əsas redaktə]

  • "Elektronik sevdalar" (şeirlər) 2006-cı il
  • "Mustafa" 2011-ci il, (roman) 154 səh.
  • "Polis qorxusuyla öpüşmək", (esselər)2012-ci il
  • "Doqquz hekayə" 2014
  • "Fələk qırmancı"[1] 2016
  • "Ayna" 2019

İstinadlar[redaktə | əsas redaktə]