Qasımağalı (Şınıx)
| YM | |
| Qasımağalı | |
|---|---|
| İsalı inzibati ərazi dairəsinin Qasımağalı kəndi | |
|
|
|
|
|
|
| Ölkə |
 Azərbaycan |
| Rayon | [[Gədəbəy]] |
| Əhalisi | |
| Əhalisi | 672 nəfər (2005) |
| Milli tərkibi | Azərbaycan türkləri |
| Rəsmi dili | Azərbaycan türkcəsi |
| Rəqəmsal identifikatorlar | |
| Telefon kodu | 994 22 232 |
| Poçt indeksi | Az 2128 |
| Nəqliyyat kodu | 21 |
QASIMAĞALI — Azərbaycan Respublikasının Gədəbəy rayonunun İsalı inzibati ərazi dairəsində kənddir. Gədəbəyin cənnətməkan, dilbər guşələrindən biri olan Şınıx zonasında gözəl Ərdağının ətəyində yerləşir.
Mündəricat
Tarixi[redaktə | əsas redaktə]
Qasımağalı kəndinin dəqiq salınma tarixi məlum deyil. Kəndin ağsaqqallarının ata-babalarından eşitdiklərinə görə kəndin adı 19-cu əsrin əvvəllərində bu yerlərdə yaşamış Qasım Ağa ilə bağlıdır. Qasım ağa bu yerlərdə varlı və nüfuzlu bir şəxs olub. Bir məlumata görə Qasım ağa Qazağın Çaylı kəndindən , digər məlumata görə Tovuzun Əlibəyli kəndindən gəlib və bu kəndinin əsasını qoyub, Kəndin sonrakı törəmələri Qasım ağanın oğlu Kərimin və Kərimin oğlu Eyyubun nəslindən davam edərək artmışdır. Kənddə ki, məhlələrdən biri "Qasım ağanın yurdu adlanır. Hal-hazırda kənddə iki nəslin nümayənələri yaşayır ki, bunları da qohumluq əlaqələri birləşdirir. Belə ki, Kalveyi Məmməd adlı ağa Eyyub bəyin qızı ilə evlənib və bu kənddə yerləşib, onun nəsli Sadıxlılar adlanır. Eyyub bəyin oğlanları Əliş bəy (1937-ci ildə Nargində güllələnib), Bağır bəy, Süleyman bəy və onların uşaqları bu kəndin əsas sakinləridi. Kəndin sakinlərindən biri söyləyir ki, Qazaxın Çaylı kəndinə toya getmişdim, buradakı uşaqların adları bizim adlarımızla eyni idi, bir yaşlı qadın mənim Qasımağalıdan olduğumu biləndə, bu uşaqlarla siz eyni kökdənsiniz, dedi... onların da soyadları Eyyubov idi. Kənddə maldarlıqla və əkinçiliklə məşğul olurlar. Kəndin ətrafındakı yer adları əhalinin maldarlıqla məşğul olduğunu təsdiqləyir: Cöngə dağı, Camışölən, Qancıquçan və. s..
1992-ci ilin 6 avqust tarixdə Ermənistan silahlı qüvvələrinin hücumu nəticəsində Şınıx bölgəsinin Qasımağalı kəndi işğal olunaraq yandırıldı. Lakin Azərbaycanın Milli ordusunun mərd və mübariz əsgərləri 8 avqust 1992-ci il tarixdə erməni quldurlarını Qasımağalı kəndindən və Şınıx bölgəsinin işğal olunmuş hissəsindən təmizlədilər və kəndi yenidən bərpa etdilər
SSRİ-nin dağılması ilə yaranan tarixi şərait nəticəsində Azərbaycanın müstəqilliyi bərpa olunandan sonra kənd əsasında 1993-cü ildə İsalı inzibati ərazi dairəsinin tərkibində Qasımağalı kənd inzibati ərazi vahidi yaradılmışdır.
Toponimikası[redaktə | əsas redaktə]
Qasımağalı Oykonim ,düzəltmə - Gədəbəy rayonunun İsalı i.ə.v.- də kənd.[1] Oykonim Qasım Ağaya məxsus mənasındadır.
Əhalisi[redaktə | əsas redaktə]
Tanınmış şəxsiyyətləri[redaktə | əsas redaktə]
- Osman Fərmanoğlu -şair, pedoqoq,
- Oruc İsgəndərov(1965- 2017), fizika üzrə fəlsəfə doktoru
İqtisadiyyatı[redaktə | əsas redaktə]
- Əhalinin əsas məşğuliyyətini kənd təsərrüfatı-əkinçilik, maldarlıq və heyvandarlıq təşkil edir.
Həmçinin bax[redaktə | əsas redaktə]
Xarici keçidlər[redaktə | əsas redaktə]
İstinadlar[redaktə | əsas redaktə]
- ↑ Azərbaycan Toponimlərinin Ensiklopedik Lüğəti-II cild. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.42
