Qazi ibn Əli əl-Haşimi

Vikipediya, açıq ensiklopediya
Jump to navigation Jump to search
Qazi ibn Faysal əl-Haşimi
ərəb. غازي ابن فيصل‎‎
Ġāzī bin Fayṣal
Ghazi3.jpg
bayraqİraq kralıbayraq
8 sentyabr 1933 — 4 aprel 1939
Sələfi Faysal ibn Hüseyn
Xələfi Faysal ibn Qazi

Doğum tarixi 21 mart 1912
Doğum yeri Məkkə, Osmanlı İmperiyası
Vəfat tarixi 4 aprel 1939
Vəfat yeri Bağdad, İraq
Atası Faysal ibn Hüseyn əl-Haşimi
Anası Huzayna bint Naser
Həyat yoldaşı Aliyə bin Əli
Uşaqları Faysal ibn Qazi
İmza
Commons-logo.svg Vikianbarda əlaqəli mediafayllar

Qazi ibn Faysal ibn Hüseyn (ərəb. غازي ابن فيصل‎‎ Ġāzī bin Fayṣal; d.21 mart 1912(1912-03-21), Məkkə, Hicaz, Osmanlı İmperiyası -4 aprel 1939(1939-04-04), Bağdad, İraq) — Haşimilər sülaləsindən İraqın ikinci kralı. İraq ordusunun feldmarşalı, donanma admiralı və İraq Hərbi Hava Qüvvələrinin marşalı.

Həyatı[redaktə | əsas redaktə]

Qazi, İraqın birinci kralı I Faysal ibn Hüseynin oğlu idi[1]. O, atası türklərə qarşı döyüşlərdə olarkən, babası Hüseyn ibn Əli ilə birlikdə qalırdı. Buna görə də, o, utancaq və təcrübəsiz bir gənc kimi böyüdü.

1924-ci ildə Əli ibn Hüseyn əl-Haşiminin rəhbərliyi altında Haşimilər sülaləsi ilə birlikdə Hicazdan Bağdada köçdü və o vəliəhd elan edildi. Sandhurstdakı İngiltərə Krallığı Hərbi məktəbində və Bağdad Hərb Akademiyasında təhsil aldı. 1933-cü ildə atası Faysal ibn Hüseynin ölümündən sonra hakimiyyətə gəldi. O atası kimi müstəqil siyasət yeritməyə çalışırdı.

1936-cı ilin oktyabrında "Əl-Axani" təşkilatının lideri Hikmət Süleymaninin dəstəyi və general Bəkir Sidqinin rəhbərliyi ilə həyata keçirilən dövlət çevrilişini dəstəklədi. Eyni zamanda İngiltərənin mühafizəsi altındakı Küveyt üzərində İraqın haqqı olduğunu müdafiə etdi.

Hicazın sonuncu Haşimi kralı, əmisi Əli ibn Hüseyn əl-Haşiminin qızı Aliyə Sultan ilə evləndi və bu evlilikdən bir oğlu dünyaya gəldi. 1939-cu ildə avtomobil qəzasında dünyasını dəyişdi. Yerinə oğlu Faysal ibn Qazi keçdi.

Həmçinin bax[redaktə | əsas redaktə]

İstinadlar[redaktə | əsas redaktə]

  1. "IRAQ – Resurgence in the Shiite World – Part 8 – Jordan & The Hashemite Factors" APS Diplomat Redrawing the Islamic Map. 2005.