Rüfət Əhmədzadə

Rüfət Əhmədzadə
Rüfət Əhmədzadə
Doğum tarixi	25 mart 1933
Doğum yeri	Bakı, Azərbaycan SSR, SSRİ
Vəfat tarixi	15 dekabr 1988 (55 yaşında)
Vəfat yeri	Bakı, Azərbaycan SSR, SSRİ
Vətəndaşlığı	SSRİ
Milliyyəti	azərbaycanlı
Həyat yoldaşı	Mirvari Əhmədzadə
Uşaqları	Zülfüqar Rüfətoğlu, Vüqar Əhmədzadə,Rəşad Əhmədzadə
Atası	Zülfüqar Əhmədzadə
Təhsili	ali (ADU)
İxtisası	jurnalist
Fəaliyyəti	yazıçı, şair, jurnalist
Fəaliyyət illəri	1950–1988

Rüfət Əhmədzadə (25 mart 1933, Bakı – 15 dekabr 1988, Bakı) — Azərbaycan yazıçısı, satirik şair,^[1] ssenari müəllifi, jurnalist.^[2]^[3]

Həyatı

Rüfət Əhmədzadə 1933-cü ildə Bakıda anadan olub.^[4] Atası Zülfüqar Əhmədzadə^[5] xalq düşməni kimi həbs edilib və ailə Azərbaycanın Balakən rayonuna köçüb. Əmək fəaliyyəti də erkən yaşlarında Balakəndə başlayıb. 13 yaşında səyyar kinomexanik vəzifəsində çalışıb.

Bakıya döndükdən sonra pionerlər evində direktor vəzifəsində çalışıb və mətbuatda müxtəlif şerləri ilə çıxış edib.

"Kirpi" satirik jurnalının redaktoru Əvəz Sadıq onu jurnala dəvət edir və o, ömrünün sonuna qədər bu jurnalda çalışır.

Korrektor vəzifəsindən baş redaktorun müavini vəzifəsinə qədər yüksələn Rüfət Əhmədzadə 1988-ci il dekabrın 15-də 55 yaşında vəfat edib.

SSRİ Yazıçılar İttifaqının və SSRİ Jurnalistlər İttifaqının üzvü olmuşdur.

11 kitab, 4 musiqili komediya ("Sizin ilə, gülə-gülə", "Bildirçinin bəyliyi", "92 dəqiqə gülüş", "Hələlik"), 3 televiziya tamaşası ("Sonuncu məhəbbət", "Gülüş sanatoriyası", "Şirbalanın məhəbbəti") və yüzlərlə satirik televiziya novella-səhnəciklərin müəllifidir. Bir çox tanınmış mahnılar onun şerlərinə bəstələnmişdir. Sonuncu "Sizin ilə gülə-gülə" kitabı 2012-ci ildə dərc olunub.

Emin Sabitoğlunun bəstələdiyi "Sıravi Əhməd", Zeynəb Xanlarovanın ifasında məşhurlaşan "Necəsən?" kimi mahnıların sözlərinin müəllifidir.

Jurnalist, prodüser Zülfüqar Rüfətoğlunun atasıdır.
A. Şaiq adına Azərbaycan Dövlət Kukla Teatrının direktoru Əməkdar mədəniyyət işçisi Rəşad Əhmədzadənin atasıdır.

Kitabları

"Məhəbbətlə gülüşlə" "Sizin ilə, gülə-gülə", Bakı, "Elgün", 2012. 224 səh., 500 nüsxə.

Filmoqrafiya

Mənbə

"Ölməyə vaxtı olmayan adam", 525-ci qəzet.- 2012.- 24 fevral.- S.7.

Xarici keçidlər

Rüfət Əhmədzadə — Dünya gözəlləşdi mən qocalanda

İstinadlar

↑ Ağayar, Şərif. "Tanınmış satirikin oğlu: "Öləcəyi günü bilirdi..." - Müsahibə". kulis.az. 2024-08-11 tarixində arxivləşdirilib. İstifadə tarixi: 23.05.2025.
↑ Qiyas, Əyyub. "Rəşad ƏHMƏDZADƏ: "ONUN SİLAHI SÖZ İDİ"". anl.az. 2025-05-23 tarixində arxivləşdirilib. İstifadə tarixi: 23.05.2025.
↑ "RÜFƏT ƏHMƏDZADƏ – nadir yumor ustası, satirik şair və dramaturq". azpressmedia.az. İstifadə tarixi: 23.05.2025.
↑ "Azərbaycan yazıçısı, satirik şair, ssenari müəllifi Rüfət Əhmədzadənin anım günüdür". İstifadə tarixi: 23.05.2025.
↑ "Zülfiqar Əhmədzadə – Həyat və yaradıcılığı". 2020-03-26 tarixində arxivləşdirilib. İstifadə tarixi: 23.05.2025.

[1] Ağayar, Şərif. "Tanınmış satirikin oğlu: "Öləcəyi günü bilirdi..." - Müsahibə". kulis.az. 2024-08-11 tarixində arxivləşdirilib. İstifadə tarixi: 23.05.2025.

[2] Qiyas, Əyyub. "Rəşad ƏHMƏDZADƏ: "ONUN SİLAHI SÖZ İDİ"". anl.az. 2025-05-23 tarixində arxivləşdirilib. İstifadə tarixi: 23.05.2025.

[3] "RÜFƏT ƏHMƏDZADƏ – nadir yumor ustası, satirik şair və dramaturq". azpressmedia.az. İstifadə tarixi: 23.05.2025.

[4] "Azərbaycan yazıçısı, satirik şair, ssenari müəllifi Rüfət Əhmədzadənin anım günüdür". İstifadə tarixi: 23.05.2025.

[5] "Zülfiqar Əhmədzadə – Həyat və yaradıcılığı". 2020-03-26 tarixində arxivləşdirilib. İstifadə tarixi: 23.05.2025.

[1]

[2]

[3]

[4]

[5]