Rəşid Abdullayev (professor)

Rəşid Abdullayev
Doğum tarixi	12 yanvar 1913(1913-01-12)
Doğum yeri	Şamaxı, Şamaxı qəzası, Bakı quberniyası, Rusiya imperiyası
Vəfat tarixi	12 iyun 1997(1997-06-12) (84 yaşında)
Vəfat yeri	Bakı, Azərbaycan
Elm sahəsi	vulkanologiya
Elmi dərəcəsi	geologiya-mineralogiya elmləri doktoru
Elmi adı	professor
Təhsili	Azərbaycan Sənaye İnstitutu (–1938)
Mükafatları

Rəşid Abdullayev (12.01.1913, Şamaxı – 12.6.1997, Bakı) — Azərbaycanın ilk milli vulkanoloqu, geologiya-mineralogiya elmləri doktoru, professor, əməkdar elm xadimi.

Həyatı

Azərbaycan geoloqu və petroloqu, geologiya-mineralogiya e.d. (1961), professor (1966). Azərbaycan Respublikasının əməkdar elm xadimi (1991). 1938 ildə Azərbaycan Sənaye İnstitutunu bitirmişdir. 1945–88-ci illərdə həmin institutda pedaqoji fəaliyyət göstərmişdir. 1950–54-cü illərdə Azərbaycan SSR Geologiya İdarəsinin rəisi işləmiş, 1954 ildən Azərbaycan SSR EA-nın Geologiya İnstitutunda çalışmışdır. Tədqiqatları petrologiya, paleovulkanologiya, metallogeniya və radiogeoxronologiya sahəsindədir. Mezozoy vulkanizminin təzahürü qanunauyğunluqlarını, onların dərinlik fasiyalarını və formasion mənsubiyyətini müəyyən etmişdir. Tədqiqatlarının nəticələri əsasında Kiçik Qafqaz və Kür depressiyaları meqazonalarının struktur-formasiya rayonlaşdırılması həyata keçirilmişdir. Filiz və qeyri-filiz yataqlarının axtarışı və kəşfıyyatı üçün əsas olan bir sıra irimiqyaslı geoloji xəritələrin müəlliflərindən biri, 220-dən çox elmi əsərin, o cümlədən 7 monoqrafıyanın müəllifıdir.