Rəşid Hüseynov
| Rəşid Hüseynov | |
|---|---|
| Rəşid Hüseyn оğlu Hüseynov | |
 | |
| Şəxsi məlumatlar | |
| Doğum tarixi | 1962 |
| Doğum yeri | |
| Vəfat tarixi | 26 fevral 1992 |
| Vəfat yeri | |
| Dəfn yeri | |
| Milliyyəti | azərbaycanlı |
| Uşaqları | Samir, Azadə |
| Atası | Hüseyn Fərəc оğlu Hüseynov |
| Anası | Zinət Yunis qızı Hüseynova |
| Hərbi fəaliyyəti | |
| Döyüşlər | |
Rəşid Hüseyn oğlu Hüseynov (1962, Mollabayramlı, Kəlbəcər rayonu – 26 fevral 1992, Naxçıvanik, Xocalı rayonu) — Xocalı soyqırımı şəhidi, döyüşçü.[1]
Həyatı[redaktə | mənbəni redaktə et]
Hüseynov Rəşid Hüseyn oğlu 1962-ci ildə Kəlbəcər rayonunun Əli Bayramlı (indiki Mollabayramlı) kəndində anadan olmuşdur. 1978-ci ildə Zar kənd orta məktəbini bitirmişdir. 1978-ci ildə ailəsi ilə birlikdə Xocalıya köçmüşdür. Orta məktəbi Xocalıda bitirmişdir.[2]
1980–1982-ci illərdə sovet ordusu sıralarında xidmət etmişdir. Hərbi xidmətdən qayıtdıqdan sonra Şuşa texniki peşə məktəbində oxumuşdur.
1989-cu ildən Xocalı milis bölməsində ictimai asayişin keşikçisi olaraq işləməyə başlamış, şəhid olana qədər DİN-nin polis sıravisi olmuşdur. Gecə-gündüz Xocalı, Xankəndi dəmiryolu vağzalında növbədə durmuş, erməni təxribatlarının qarşısını almağa səy göstərmişdir.
Xocalı mühasirədə olduğundan həyat yoldaşını və uşaqlarını 19 noyabr 1991-ci ildə Xocalıdan köçürmüş, ata-anası Xocalıda qalmış, özü isə Xocalıda xidmətinə davam etmişdir.
Rəşid Hüseynov 26 fevral 1992-ci ildə baş verən Xocalı soyqırımı zamanı xocalıları müdafiə edə-edə Naxçıvanikə (Naxçıvanlı) qədər gəlmiş, orada şəhid olmuşdur. Rəşidin atası Hüseynov Hüseyn Fərəc oğlu və anası Hüseynova Zinyət Yunis qızı da həmin soyqırımı zamanı şəhid olmuşdur. Hər üçünün (ata, ana və oğul) meyitləri 2 mart 1992-ci ildə Ağdamdan gətirilərək Bərdə rayonunun Yeni Daşkənd kəndində dəfn olunmuşdur.[3]
Rəşid Hüseynov 1988-ci ildə Tacirə Qaçay qızı ilə ailə həyatı qurmuşdu. Samir və Azadə adlı iki övladı var.[4]
Xatirəsi[redaktə | mənbəni redaktə et]
3 oktyabr 2023-cü ildə dəfn olunduğu Yeni Daşkənd kəndində 60 illik yubileyi keçirilmişdir.
İstinadlar[redaktə | mənbəni redaktə et]
- ↑ Qənirə Paşayeva. "Xocalı", 2011. səh.85.
- ↑ Yaquboğlu, Araz. Daşkənddən Yeni Daşkəndə (PDF) (az.). Bakı: Elm və təhsil. 2023. səh. 267-268. ISBN 978-9952-568-22-6.
- ↑ Rəşid Hüseynov // Azərbaycan Respublikası Xatirə Kitabı (20 cilddə).
- ↑ Səyyad Şairov. "Yaralı Göyçə" Bakı. Nurlan-2006.