Rəfiqə Hüseynzadə

Vikipediya, açıq ensiklopediya
Jump to navigation Jump to search
Rəfiqə Hüseynzadə
Rəfiqə Abdul Ağa qızı Hüseynzadə
Rəfiqə Hüseynzadə.jpg
Doğum tarixi 1952(1952-Şablondakı doğum və ya ölüm tarixində texniki yanlışlıq var!-00)
Doğum yeri Bakı şəhəri
Fəaliyyəti siyasətçi

Rəfiqə Hüseynzadə (Hüseynzadə Rəfiqə Abdul Ağa qızı) — Azərbaycan Respublikası Dövlət Neft Şirkətinin Ekologiya üzrə vitse – prezidenti

Həyatı[redaktə | əsas redaktə]

Hüseynzadə Rəfiqə Abdul Ağa qızı 1952-ci ildə Bakı şəhərində anadan olmuşdur. 1974-cü ildə M.Əzizbəyov adına Azərbaycan neft və kimya İnstitutunun (Azərbaycan Dövlət Neft Akademiyası) “Neft-qaz yataqlarının axtarışı və kəşfiyyatı” fakultəsini bitirmişdir. 1975-1985-ci illərdə İnstitutun aspirantı və əməkdaşı olmuşdur. 1981-ci ildə “Aşağı Küryanı neft-qaz yataqlarının geokimyəvi xüsusiyyətləri” mövzusunda namizədlik dissertasiyasını müdafiə etmişdir. 1985-1999-cu illərdə Azərbaycan Dövlət Universitetinin “İzotop tədqiqatları” laboratoriyasında elmi işçi, baş elmi işçi və laboratoriya rəhbəri vəzifələrində çalışmışdır. 1999-2011-ci illərdə ARDNŞ-nin təsis etdiyi “Azlab” MMC-nin Baş direktoru olmuşdur.

Azərbaycan Respublikasının Prezidenti İlham Əliyevin Sərəncamı ilə 2011-ci ildən Azərbaycan Respublikasının Dövlət Neft Şirkətinin Ekologiya üzrə vitse – prezidentidir. Eyni zamanda BDU-nun “Faydalı qazıntılar” kafedrasında 2001-ci ildən elmi fəaliyyətini davam etdirir. 60-a yaxın elmi məqalənin müəllifidir. 1997-ci ildə Hyustonun HARC elmi-tədqiqat Mərkəzində (TEXACO şirkətinin dəvəti ilə) çalışmışdır. Norveçdə Tronheym şəhərində “Geolab” şirkətində treyning keçmiş, “Statoyl” şirkətinin tədqiqat mərkəzində çalışmışdır. 2004-cü ildə “Bone and Robertson” şirkətinin təşkil etdiyi rəhbərlik kurslarının sertifikatını almışdır. Yeni Azərbaycan Partiyasının üzvüdür. Rus, ingilis və türk dillərini bilir.

İstinadlar[redaktə | əsas redaktə]