Rəsul Mirhəşimli

Vikipediya, azad ensiklopediya
Jump to navigation Jump to search
Rəsul Mirhəşimli
Rəsul Mirhəşimli
Rəsul Mirhəşimli.jpg
Doğum tarixi
Doğum yeri Qubadlı rayonu, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti Azərbaycanlı
İxtisası Filologiya
Təhsili Bakı Dövlət Universiteti
Fəaliyyəti Araşdırmaçı-jurnalist
Fəaliyyət illəri 1993-cü il - günümüz

Rəsul Mirhəşimli (Rəsul Mirhəşimli; d. 1968 . Qubadlı rayonu, Azərbaycan SSR, SSRİ) — Müxbir, redaktor, araşdırmaçı-jurnalist. Azərbaycan torpaqlarının müdafiəsində, Qarabağ uğrunda gedən döyüşlərin könüllü iştirakçısıdır.

Həyatı[redaktə | mənbəni redaktə et]

Rəsul Mirhəşimli 1968-ci ildə Qubadlı rayonunda anadan olub. 1985-ci ildə Qara İlyasov adına Qubadlı şəhər 1 saylı orta məktəbi bitirib. 1986–88-ci illərdə sovet ordusu sıralarına hərbi xidmətdə olub. 1991-ci ildə Sumqayıt Politexnik Texnikumunu, 2000-ci ildə Bakı Dövlət Universitetinin filologiya fakültəsini bitirib. Qarabağ uğrunda gedən döyüşlərdə Azərbaycan Ordusunun sıralarında Qubadlı rayonunun müdafiəsində, Laçın rayonunun işğaldan azad edilməsi ilə bağlı keçirilən əməliyyatlarda iştirak edib.

Fəaliyyəti[redaktə | mənbəni redaktə et]

1993-cü ildən Azərbaycan mətbuatında məqalələrlə çıxış edir. Jurnalistlik fəaliyyəti zamanı Azərbaycanda nəşr olunan müxtəlif mətbuat orqanlarında müxbir, parlament müxbiri, redaktorbaş redaktor vəzifələrində işləyib. "Qafqazinfo" saytında çalışıb. Qafqaz Müsəlmanları İdarəsində (QMİ) şöbə müdirinin müavini vəzifəsində işləyib. 1989-cu ildən 2014-cü ilə qədər Azərbaycan Xalq Cəbhəsi Partiyasının (AXCP) üzvü olub, partiya sədrinin müşaviri olaraq çalışıb[1]. 2012-ci ildən "Avropa.info"[2] Xəbər Portalında baş redaktor vəzifəsində işləyir. Azərbaycan mətbuatında araşdırmaçı-jurnalist olaraq tanınır. Çalışdığı müddət ərzində müxtəlif tədbirlərdə Bolqarıstanda, Türkiyədə Azərbaycan mətbuatını təmsil edib. Qarabağ münaqişəsi ilə bağlı məqaləsi Vaşinqtonda Azərbaycan diasporunun nəşr etdirdiyi jurnalda çap olunub. Bu illər ərzində Azərbaycan telekanallarında, internet televizayalarında və müxtəlif mətbuat orqanlarında araşdırmaçı-ekspert olaraq dəvət olunub, müxtəlif məsələ və problemlərə düşüncələrini açıqlayıb.

İşlədiyi mətbu orqanlar[redaktə | mənbəni redaktə et]

  • "Azadlıq",
  • "Cümhuriyyət",
  • "Ulus"
  • "Məkan",
  • "Üç nöqtə",
  • "Mərkəz"
  • QMİ-nin nəşri olan "İslam" (baş redaktor kimi)

Kitab və tərcümələri[redaktə | mənbəni redaktə et]

"Allah dostları" adlı kitabın müəllifidir. Müxtəlif illərdə yazdığı araşdırma yazılarını 2005-ci ildə ayrıca kitab şəklində nəşr etdirib. Kitabda təsəvvüf dünyagörüşünün tanınmış şəxsləri barədə elmi-maarifləndirici ensiklopedik bilgilər toplanıb. 2013-cü ildə XIII əsrin böyük Azərbaycan mütəfəkkiri Şəmsəddin Təbrizinin "Məqalat" əsərini dilimizə tərcümə edib.[3]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. https://apa.az/az/daxili_siyaset/xeber_axcp_sedrinin_musaviri_resul_mirhesimli__-351792
  2. "Avropa.info". 2018-06-28 tarixində orijinalından arxivləşdirilib. İstifadə tarixi: 2018-06-28.
  3. "Məqalat (söhbətlər)". 2018-07-01 tarixində arxivləşdirilib. İstifadə tarixi: 2018-06-28.