Rəsul Sultanov

Vikipediya, açıq ensiklopediya
Jump to navigation Jump to search
Rəsul Sultanov
Rəsul Sultanov Hacı oğlu
Doğum tarixi 1899
Doğum yeri Qax rayonunun İlisu kəndi
Vəfat tarixi 1970
Vətəndaşlığı Azərbaycan Azərbaycan
Milliyyəti azərbaycanlı
Atası Sultanov Hacı
Elmi dərəcəsi coğrafiya elmləri doktoru[d]
Elmi adı coğrafiya elmlər doktoru

Rəsul Sultanov Hacı oğlu- (d.1899-ci il Qax rayonunun İlisu kəndi ö.1970-ci il) coğrafiya elmləri doktoru.

Həyatı[redaktə | əsas redaktə]

R.H.Sultanov Azərbaycan Respublikası Qax rayonunun İlisu kəndində doğulmuşdur. 1924-1929-cu illərdə indiki Neft Akademiyasının tələbəsi olmuşdur. 1939-cu ildə həmin Ali təhsil müəssisəsinin aspiranturasını bitirmişdir.

Elmi fəaliyyəti[redaktə | əsas redaktə]

Qafqazın ön dağlıq hissəsinin tufagen-vulkanik süxurlarının yaşı» mövzusunda, namizədlik 1955-ci ildə isə «Böyük Qafqazın Cənub yamacının tektonik və geomorfoloji quruluşu (faydalı qazıntı yataqlarının aşkar edilməsi ilə əlaqədar)» mövzusunda doktorluq dissertasiyası müdafiə etmişdir. 1930-1937-ci illərdə Respublika geoloji kəşfiyyat idarəsində goloji partiya rəisi, 1937-1950-ci illərdə Azərbaycan EA Geologiya institutunun böyük elmi işçisi, 1950-1952-ci illərdə Azərbaycan Pedaqoji institutunda dosent, 1952-1955-ci illərdə kafedra müdiri, 1955-1958-ci illərdə BDU-nun geologiya fakultəsində dosent vəzifəsində işləmişdir. 1958-1970-ci illərdə Azərbaycan EA Coğrafiya institutunda paleocoğrafiya şöbəsinin müdiri olmuşdur. 1946-cı ildə Azərbaycanda fosforit yatağının tapılması münasibətilə «Şərəf nişanı» ordeni ilə təltif edilmişdir. Azərbaycan ərazisində dördüncü dövr paleocoğrafi təkamülün elmi araşdırılması ilə ilk dəfə o məşğul olmuşdur. Bu sahədə bir neçə silsilə elmi əsərlərin müəllifi olmuşdur.[1]

Həmçinin bax[redaktə | əsas redaktə]

İstinadlar[redaktə | əsas redaktə]

  1. B.Budaqov Azərbaycan coğrafiyaçı alimləri "Elm" nəşriyyatı Bakı 2013 səh71