Rafael Alberti

Vikipediya, açıq ensiklopediya
Jump to navigation Jump to search
Rafael Alberti
Rafael Alberti Merello
Fotoqrafiya
Doğum tarixi 16 dekabr 1902(1902-12-16)
Doğum yeri İspaniya, Kadis əyalətinin Puerto-de-Santa-Mariya k.
Vəfatı 29 oktyabr 1999 (96 yaşında)
Vəfat yeri Madrid
Vətəndaşlığı Flag of Spain.svg İspaniya
Milliyyəti ispan
Təhsili
  • Institución Libre de Enseñanza[d]
Fəaliyyəti şair, dramaturq
Fəaliyyət illəri 19241989
Əsərlərinin dili ispan
İstiqamət realizm
Janr dram
Mükafatları "Xalqlar arasında sülhün möhkəmləndirilməsinə görə" Lenin mükafatı ıaureatı (1965); "Milli teatr" mükafatı (1981); "Servantes" mükafatı (1983)
İmza
Commons-logo.svg Vikianbarda əlaqəli mediafayllar

Rafael Alberti (d.16.12.1902, Kadis əyalətinin Puerto-de-Santa-Mariya k. — ö.29.10.1999, Madrid) — XX əsrin ispan şairidramaturqu.

Həyatı və yaradıcılığı[redaktə | əsas redaktə]

Rafael Alberti yaradıcılığa rəssam kimi başlamış, sonra isə poeziyaya yönəlmişdir. Onun "Dənizçi quruda" adlı ilk şeirlər kitabı 1925-ci ildə çap olunub. Həmin ildə gənc şair ədəbiyyat üzrə "Milli" mükafata layiq görülmüşdür. Bu illərdə Rafael sürrealist və avanqard ruha yaxın olan əsərlər yaradır. Avanqardizmin təsirilə yazdığı şeirləri "Möhkəm hörgü" (1927), "Mələklər haqqında" (1930) və s. kimi kitablarında toplanmışdır. Yaradıcılığının erkən dövründə folklordan bəhrələnmişdir: "Dənizçi quruda" (1925), "Məşuqə" (1926) topluları və s. göstərmək olar.

1927-ci ildə 27-ci ədəbi hərəkatının yaradıcılarından biri olmuşdur. 1931-ci ildə Alberti İspaniya Kommunist Partiyasına daxil olmuşdur. 1934-cü ildə həyat yoldaşı Mariya Telesa Leon ilə birlikdə Moskvada keçirilən Sovet yazıçılarının I qurultayında iştirak etmişdir. 1936-39-cu illərdə İspaniya antifaşist ziyalılar ittifaqında görkəmli rol oynamışdır. İspaniyada respublikaçıların məğlubiyyətindən sonra şair ölkəni tərk etmişdir; o, əvvəlcə Fransada (1936-40-cı illərdə), sonra isə 1977-ci ildə ArgentinadaRomada yaşamışdır. 1977-ci il Frankonun ölümündən sonra şair siyasi mühacirətdən vətəninə qayıtmış və qayıtdıqdan qısa müddət sonra Kadisin millət vəkili seçilmişdir.

Alberti bütün həyatı boyu Rusiyanın və Sovet İttifaqının böyük dostu olmuşdur. Şair SSRİ-yə 1932, 19341964-ci illərdə üç dəfə gəlmişdi. Şair 1934-cü ildə Bakıda olmuşdur. 1995-ci ildə Valensiya Universitetinin fəxri doktoru adına layiq görülmüşdür.

Əsərləri[redaktə | əsas redaktə]

Prado muzeyində hərb gecəsi” (1956) pyesi ispan xalqının azadlıq uğrunda mübarizəsinə həsr olunmuşdur. 1956-cı ildə “Unudulmuş meşəcik” adlı xatirələrini çap etdirmişdiR.[1]

Şeir kitabları[redaktə | əsas redaktə]

  • Şüarlar” (1933)
  • Şair küçədə” (1936)
  • Ləpədöyən” (1944)
  • Xuan Panaderonun kupletləri” (1949)
  • Parana çayının ballada və nəğmələri” (1954)
  • Yalnız dəniz” (1983)
  • Santa Kasilda” (1990)

Mükafatları[redaktə | əsas redaktə]

  • "Xalqlar arasında sülhün möhkəmləndirilməsinə görə" Lenin mükafatı ıaureatı (1965)
  • "Milli teatr" mükafatı (1981)
  • "Servantes" mükafatı (1983)

İstinadlar[redaktə | əsas redaktə]

  1. Rafael Alberti // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2009. — I  cild. — Səhifələrin sayı:  608. — Səh.: 301-302. — 10 000 nüsx. — ISBN 978-9952-441-02-4.

Xarici keçidlər[redaktə | əsas redaktə]

Vikianbarda Rafael Alberti ilə əlaqəli mediafayllar var.