Rafiq Bayramov (siyasətçi)

Vikipediya, azad ensiklopediya
Jump to navigation Jump to search
Rafiq Bayramov
Rafiq Yasin oğlu Bayramov
Rafig Bayramov.jpg
bayraqAzərbaycan Respublikasının
Mədəniyyət nazirinin müavini
bayraq
27 iyun 2018 — 9 may 2020
Şəxsi məlumatlar
Partiya
Təhsili Bakı Dövlət Universiteti
Doğum tarixi 10 noyabr 1972(1972-11-10) (48 yaş)
Doğum yeri
Vətəndaşlığı SSRİ SSRİ
Azərbaycan Azərbaycan

Təltifləri "Dövlət qulluğunda fərqlənməyə görə" medalı — 2011 "Fəxri Mədəniyyət İşçisi" döş nişanı — 2018

Rafiq Yasin oğlu Bayramov (10 noyabr 1972(1972-11-10), Bakı) — Fəxri mədəniyyət işçisi, Azərbaycan Respublikası mədəniyyət nazirinin müavini (2018-2020).

Həyatı və təhsili[redaktə | mənbəni redaktə et]

Rafiq Bayramov 10 noyabr 1972-ci il tarixində anadan olub. 1989-cu ildə Bakı şəhərinin 10 saylı orta ümumtəhsil məktəbini fərqlənmə medalı ilə bitirib, 1990-1995-ci illər ərzində Bakı Dövlət Universitetində təhsil almış, 1995-ci ildə BDU-nun tarix fakültəsini Fərqlənmə Diplomu ilə bitirmişdir. Ali təhsil ocağında oxuduğu müddətdə, BDU-nun "Tarixi tədqiqatlarda kompüterin və riyazi üsulların tətbiqi" elmi-tədqiqat laboratoriyasında laborant vəzifəsində işləyib, tarixi-tətbiqi araşdırmalarda iştirak edib və bir sıra elmi məqalələrin müəllifi olub. 1995-1997-ci illər ərzində ordu sıralarında — Azərbaycan Respublikasının Milli Qvardiyasında müddətli hərbi xidmətdə olub.[1]

Fəaliyyəti[redaktə | mənbəni redaktə et]

1998-1999-cu illər ərzində Bakı şəhəri Nizami rayon İcra Hakimiyyətinin Gənclər və İdman İdarəsində, 1999-2001-ci illərdə Bakı şəhəri İcra Hakimiyyətinin Aparatın ictimai-siyasi şöbəsində məsul vəzifələrdə işləyib. 2001-2003-ci illərdə Azərbaycan Respublikasının Gənclər, İdman və Turizm Nazirliyində baş təlimatçı, 2003-2006-ci illərdə Gənclər, İdman və Turizm Nazirliyində nazirin köməkçisi vəzifələrində çalışıb. 2006-2014-cü illər ərzində Azərbaycan Respublikasının Mədəniyyət və Turizm Nazirliyində nazirin köməkçisi vəzifəsində işləyib. 2014-cü ilin iyul ayından təyinatadək Mədəniyyət və Turizm Nazirliyinin Aparat rəhbəri vəzifəsində çalışıb. 2015-ci ilin yanvar ayından Mədəniyyət və Turizm Nazirliyində "Qeyri-hökumət təşkilatları tərəfindən mədəniyyət sahəsində keçirilən tədbirlərin dövlət maliyyələşdirilməsi Qaydası"na uyğun olaraq yaradılmış Müsabiqə Komissiyasının sədridir[1].

Azərbaycan Respublikası prezidenti İlham Əliyevin 27 iyun 2018-ci ildə imzaladığı sərəncamla Mədəniyyət nazirinin müavini təyin olunub.[2]

9 may 2020-ci ildə Azərbaycan Respublikası Mədəniyyət nazirinin müavini vəzifəsindən azad edilmişdir.[3]

Həbsi[redaktə | mənbəni redaktə et]

8 may 2020-ci ildə Dövlət Təhlükəsizlik Xidmətinin keçirdiyi əməliyyatla külli miqdarda korrupsiyada ittiham edilərək həbs edilmişdir.

17 Avqust,2021-ci ildə Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə Rafiq Bayramov 8 il müddətinə azadlıqdan məhrum edilib

Ailəsi[redaktə | mənbəni redaktə et]

Ailəlidir, 3 övladı var.

Mükafatları[redaktə | mənbəni redaktə et]

1993-1998-ci illər ərzində qeyri-hökumət gənclər təşkilatlarında, Gənclər Təşkilatlarının Milli Şurasında fəaliyyət göstərib, yerli və beynəlxalq tədbirlərin, ümumrespublika və regional layihələrin həyata keçirilməsində fəal iştirak edib, bir sıra fəxri fərman və diplomlarla təltif olunub. 2011-ci ildə Azərbaycan Respublikasının Prezidentinin Sərəncamına əsasən "Dövlət qulluğunda fərqlənməyə görə" medalı, 2018-ci ildə isə Mədəniyyət və Turizm Nazirliyinin "Fəxri mədəniyyət işçisi" medalı ilə təltif olunub.[1]

İstinadlar[redaktə | mənbəni redaktə et]

  1. 1 2 3 Rafiq Bayramov
  2. Nazir müavinləri və Dövlət Xidmətinə rəis təyin edildi
  3. "R.Y.Bayramovun Azərbaycan Respublikası Mədəniyyət nazirinin müavini vəzifəsindən azad edilməsi haqqında Azərbaycan Respublikası Prezidentinin Sərəncamı" (azərb.). president.az. 2020-05-09. İstifadə tarixi: 2020-05-13.