Məzmuna keç

Rahat Əliyev

Vikipediya, azad ensiklopediya
Rahat Əliyev
qaz. Raxat Älïyev
Rahat Əliyev, 30 aprel 2007-ci il.
Rahat Əliyev, 30 aprel 2007-ci il.
Doğum tarixi 10 dekabr 1962(1962-12-10)
Doğum yeri
Vəfat tarixi 24 fevral 2015(2015-02-24) (52 yaşında)
Vəfat yeri
Vəfat səbəbi asılma[d]
Dəfn yeri
  • Vyana mərkəzi qəbiristanlığı[d]
Vətəndaşlığı SSRİ SSRİ→
Qazaxıstan Qazaxıstan
Həyat yoldaşı
Uşaqları
Təhsili
Fəaliyyəti diplomat, iqtisadçı, siyasətçi, iş adamı
Elmi dərəcələri
Mükafatları Grand Cross of the Order of Honour for Services to the Republic of Austria "Qazaxıstan Respublikasının müstəqilliyinin 10 illiyi" medalı "Qazaxıstan Respublikası Parlamentinin 10 illiyi" medalı "Şöhrət" ordeni (Qazaxıstan)
Vikianbarın loqosu Vikianbarda əlaqəli mediafayllar

Rahat Muxtar oğlu Əliyev (qaz. Raxat Muxtarulı Älïyev; 10 dekabr 1962, Almatı – 24 fevral 2015, Yozefştadt məhkəmə həbsxanası[d]) — Qazaxıstanın Avstriyadakı keçmiş səfiri;[1] Qazaxıstan Prezidenti Nursultan Nazarbayevin keçmiş kürəkəni.[1]

Həyatı

[redaktə | vikimətni redaktə et]

Rahat Əliyev 10 dekabr 1962, Alma-Atada anadan olmuşdur.

1980-ci illərdə 2-ci Moskva Tibb İnstitutunda klinika ordinatoru işləmişdir.[2]

Qazaxıstandakı karyerası 1990-cı illərin əvvəlindən inkişaf etməyə başlayıb.[2]

Müxtəlif vaxtlarda Qazaxıstan Səhiyyə Nazirliyi Xarici İqtisadi Əlaqələr İdarəsinin müdir müavini, iki ticarət şirkətinin baş direktoru və Qazaxıstan Milli Təhlükəsizlik Komitəsi sədrinin müavini vəzifələrində çalışmışdır.[2]

2002-ci ildə Qazaxıstanın Avstriya səfiri vəzifəsinə təyin olunmuşdur.[2] 2005-ci ildə vətənə qayıtdıqdan sonra Əliyev karyerasını Xarici İşlər Nazirliyində davam etdirmiş, lakin 2007-ci ildə yenidən Avstriyaya ezam edilib.[2]

Həbsi və vəfatı

[redaktə | vikimətni redaktə et]

Rahat Əliyev Qazaxıstanda iki yüksək rütbəli bank menecerini oğurlatdıraraq qətlə yetirilməsi sifarişini verməkdə ittiham olunub.[1] Belə ki, 2007-ci ildə ölkənin ən iri kredit idarələrindən biri olan "Nurbank"la bağlı yaranmış qalmaqalda onun rolunun olduğu iddia edilmişdir.[2] Özü də "Nurbank"ın səhmdarı olan Rahat Əliyevi 2007-ci ildə həmin bankın rəhbərləri – idarə heyətinin sədri Əbilmajin Gilimov və idarə heyəti sədrinin sabiq birinci müavini Joldas Timirəliyevin oğurlanmasında ittiham edirlər.[2]

Onun barəsində Qazaxıstanda qiyabi məhkəmə keçirilmiş və 40 il müddətinə azadlıqdan məhrum edilmişdi.[3] O, 2007-ci ilin yazından xarici ölkələrdə gizlənirdi.[3]

Nəhayət 2014-cü il iyunun 5-də Vyanada tutulub[3] və həmin vaxtdan Avstriyada həbsdə idi;[4] Onun Qazaxıstana ekstradisiya edilməsi məsələsi Avstriya tərəfindən imtina edilib.[5] 2015-ci ilin fevral ayının 24-də Avstriya həbsxanasında intihar edib.[1]

Ailəsi

[redaktə | vikimətni redaktə et]

Qazaxıstan Prezidenti Nursultan Nazarbayevin qızı Dariğa Nazarbayeva ilə evli olub.[1] Onlar 1983-cü ildə evlənib.[2] Nurali (d. 1985), Aysultan (d. 1990) və Venera (d. 2000) adlı 3 övladları var.[6]

2007-ci Dariğa Nazarbayeva ilə ayrıldıqdan sonra Avstriya vətəndaşı olan Elnarə Şorazova ilə evlənmişdir.[5]

İstinadlar

[redaktə | vikimətni redaktə et]
  1. ↑ 1 2 3 4 5 Prezident: “Qızım ağlayaraq nəvələrimlə...” Arxivləşdirilib 2016-03-05 at the Wayback Machine axar.az, 01.07.2015  (az.)
  2. ↑ 1 2 3 4 5 6 7 8 Nazarbayevin keçmiş kürəkəni Vyana həbsxanasında özünü asıb Arxivləşdirilib 2023-07-06 at the Wayback Machine. bbc.com, 24.02.2015  (az.)
  3. ↑ 1 2 3 Prezident: "Niyə insanlar elə düşünür ki, 3 nəvəmin atasını mən tutdurmuşdum?" Arxivləşdirilib 2015-07-02 at the Wayback Machine atv.az, 01.07.2015  (az.)
  4. ↑ Nazarbayevin keçmiş kürəkəninin qalmqallı ölüm səbəbi[ölü keçid]. anspress.com, 27.02.2015  (az.)
  5. ↑ 1 2 Qazaxıstan prezidentinin eks qatil kürəkəni Kipr vətəndaşlığı almaq istəyir[ölü keçid]. anspress.com, 25.12.2013  (az.)
  6. ↑ "Алиев Рахат Мухтарович (персональная справка)" (rus). Zakon.kz. 10 dekabr 2017 tarixində arxivləşdirilib. İstifadə tarixi: 24 fevral 2015.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Rahat_Əliyev&oldid=7407233"