Ramazan Əliyev

Vikipediya, açıq ensiklopediya
Jump to navigation Jump to search
Ramazan Əliyev
Ramazan Alı oğlu Əliyev
Doğum tarixi 18 iyun 1951 (1951-06-18) (68 yaş)
Doğum yeri Poylu, Qazax rayonu, Azərbaycan, Azərbaycan SSR, SSRİ
Vəfat tarixi 2016
Vəfat yeri Bakı
Vətəndaşlığı SSRİ SSRİ
Azərbaycan Azərbaycan
Elm sahəsi Biologiya
Elmi dərəcəsi Ali, Elmlər doktoru
Elmi adı Professor
Təhsili Azərbaycan Pedaqoji İnstitutu
Tanınır Azərbaycanın şirinsu hövzələrinin amfipodları üzrə respuklikamızda müdafiə edən ilk alim.

Ramazan Əliyev (Əliyev Ramazan Alı oğlu; d. 18 iyun 1951, Qazax rayonu, Poylu) — Azərbaycan alimi, pedaqoq, biologiya elmləri doktoru, professor[1]., Azərbaycan Dövlət İqtisad Universitetində “Qida Məhsullarının Texnologiyası” kafedrasının müdiri (2005-2013), Azərbaycanın şirinsu hövzələrinin amfipodları üzrə respuklikamızda müdafiə edən ilk alim.

Həyatı[redaktə | əsas redaktə]

Ramazan Əliyev 18 iyun 1951-ci ildə Qazax rayonunun Poylu kəndində anadan olmuşdur. 1958-1968-ci illərdə Poylu kənd orta məktəbində oxumuşdur. Orta təhsilini doğma kənddə yüksək qiymətlərlə başa vuraraq Azərbaycan Pedaqoji İnstitutunun kimya-biologiya fakutəsinə daxil olmişdur. 1973-cü ildə həmin institutu fərqlənmə diplomu ilə bitirmişdir.

1973-1979-cu illərdə təyinatla Sabirabad rayonunda ixtisası üzrə müəllim vəzifəsində çalışmışdır.

1979-cu ildə Azərbaycan Elmlər Akademiyası Zoologiya İnstitutunun aspiranturasında təhsilini davam etdirmişdir.

1984-cü ildə Ukrayna Elmlər Akademiyasının Hidrobilogiya İnstitutunda "Kür çayı nizama salındıqdan sonra Hacıqabul və Naxalıqçala göllərinin dib faunası" mövzusunda dissertasiya yazaraq biologiya elmləri namizədi – alimlik dərəcəsi almışdır.

Aspiranturadan sonra 1990-cı ilə qədər Azərbaycan Elmlər Akademiyası Zoologiya İnstitutunda kiçik elmi işçi, elmi işçi, 1990-cı ildən 1997-ci ilə qədər isə baş elmi işçi vəzifəsində işləmişdir.

1997-2000-ci illərdə Bakı Dövlət Əmtəəşünaslıq Kommersiya İnstitutunun ərzaq malları əmtəəşünasliğı Dövlət İqtisad Universitetinin Ərzaq malları əmtəəşünaslığı kafedrasında dosent vəzifəsində çalışmışdır. 2004-cü ildən ömrünün axırına qədər İqtisad Universitetinin ət, balıq və süd məhsullarının texnologiyası kafedrasının müdiri olmuşdur.

2003-cü ildə "Azərbaycanın şirinsu hövzələrinin amfipodları (növ tərkibi, ekologiyası, biologiyası, mənşəyi və əhəmiyyəti)" mövzusunda doktorluq dissertasiyası müdafiə etmiş, 2009-cu ildə professor elmi adını almışdır.

2005-2013-cü illərdə Azərbaycan Dövlət İqtisad Universitetində “Qida Məhsullarının Texnologiyası” kafedrasının müdiri vəzifəsində çalışmışdır.

Bu illər ərzində o, 20-yə yaxın alimin yetişdirilməsində böyük rol oynamışdır.

Professor uzun illər AMEA-nın Zoologiya İnstitunda fəaliyyət göstərmişdir.

Azərbaycanın şirinsu hövzələrinin amfipodları üzrə respuklikamızda müdafiə edən ilk alimdir.

Çoxsaylı elmi məqalənin, 7 kitabın (monoqrafiya, dərslik, dərs vəsaiti, praktikum), 110-a yaxın elmi əsərin, xaricdə çap olunmuş 3 kitabın, 15 monoqrafiyanın müəllifidir.

2016-cı ildə yanvarın 7-də Bakı şəhərində vəfat etmişdir.

İstinadlar[redaktə | əsas redaktə]

Mənbə =[redaktə | əsas redaktə]

  • Salatın Əhmədli, Rövşən Babanlı. "Qazax mahalının alimləri" (ensiklopedik məlumat). "Günəş" nəşriyyatı. Bakı. 2017. 512 səh.