Ramil Qasımov (müğənni)

Vikipediya, azad ensiklopediya
Jump to navigation Jump to search
Ramil Qasımov
Ramil Adıgözəl oğlu Qasımov
Ramil Qasımov (2020).jpg
bayraqHeydər Əliyev Sarayının direktorubayraq
15 dekabr 2020 — indiyədək
bayraq"Mədəniyyət” kanalının direktorubayraq
4 noyabr 2015 — 15 dekabr 2020
bayraqAzərbaycan Televiziya və Radiosunun Səsyazma Evinin direktoru, Musiqi kollektivlərinin bədii rəhbəribayraq
5 yanvar 2012 — 4 noyabr 2015
Şəxsi məlumatlar
Doğum tarixi (36 yaş)
Doğum yeri Bakı, Azərbaycan SSR
Təltifləri Azərbaycan Respublikasının əməkdar artisti

Qasımov Ramil Adıgözəl oğlu (d. 1984, Bakı) – Heydər Əliyev Sarayının direktoru (2020), “Mədəniyyət” kanalının Baş direktoru (2015-2020), Azərbaycan Televiziya və Radio Verilişləri Qapalı Səhmdar Cəmiyyətində musiqi kollektivlərinin bədii rəhbəri və Səsyazma Evinin keçmiş direktoru, Akademik opera və Balet teatrının solisti, Azərbaycan Respublikasının əməkdar Artisti (2015).

Həyatı[redaktə | əsas redaktə]

Azərbaycanın klassik vokal sənətinin tanınmış nümayəndəsi ictimai xadim, Ramil Adıgözəl oğlu Qasımov 10 dekabr 1984-cü ildə Bakı şəhərində anadan olmuşdur.Ramil Qasımov, professional səhnə fəaliyyətinə 1999-cu ildə Azərbaycan Dövlət Akademik Musiqili teatrında teatrın aparıcı solisti kimi başlamışdır. 2011- ci ilə qədər onlarla tamaşada baş rollarda çıxış etmişdir.paralel olaraq, 2004-cü ildən Azərbaycan Televiziya və Radio verilişləri Qapalı Səhmdar Cəmiyyətinin Cahangir Cahangirov adına xorun solisti kimi fəaliyyətə başlayıb. Ramil Qasımov Ali Təhsilini,Azərbaycan Dövlət Mədəniyyət və İncəsənət Universitetini opera və kamera ifaçısı, musiqişünaslıq ixtisası üzrə bitirdikdən sonra Gürcüstan Respublikasında Musiqi Akademiyasını vokal ixtisası üzrə magistr pilləsində təhsilini davam etdirmişdir. Eyni zamanda, ikinci təhsil olaraq, Azərbaycan Respublikası Prezidenti yanında Dövlət İdarəçilik Akademiyasının Politologiya fakultəsinin "Siyasi idarəetmə" ixtisasını bitirmişdir.

Ramil Qasımov ilk opera tamaşasında iştrakı, 2010-ci ildə Firəngiz Əlizadə və Nərgiz Paşayevanın “İntizar” operası ilə olmuşdur. 2011-ci ildə Azərbaycan Dövlət Akademik Opera və Balet Teatrında müvəffəqiyyətlə tamaşaya qoyulmuş dahi Üzeyr Hacıbəylinin, «Koroğlu» əsərində baş qəhrəman «Koroğlu» rolunu uğurla, özünəməxsus debutu geniş kütlə tərəfindən böyük rəğbətlə qarşılanmışdır. Ramil Qasımov dünyanın bir çox ölkələrində keçirilən beynəlxalq musiqi festifallarında, müsabiqələrdə vətəndaşı olduğu Azərbaycan Respublikasını layiqincə təmsil etmişdir. İfaçının repertuarında xalq mahnıları, romanslar, bəstəkar mahnıları ilə yanaşı azərbaycan, italyan, ispan, fransız, ingilis, türk və rus klassiklərinin əsərləri yer alır. Dəfələrlə Azərbaycanı təmsil edərək, müxtəlif Beynəlxalq müsabiqələr laureatıdır. Ramil Qasımov eyni zamanda dirijorluq fəaliyyəti ilə tamaşaçılar tərəfindən rəğbətlə qarşılanmışdır. O, dirijor kimi 2017-ci ildə keçirilən Üzeyr Hacıbəyli Beynalxalq musiqi festivalında dünya və azərbaycan klassik nümunələrini orkestrin müşayiəti ilə, dirijorluq etmişdir.[1][2] Yaradıcılığının bir qolu isə onun ilk dəfə olaraq çayla rəsm işləridir.

Ramil Qasımov yaradıcılığı ilə yanaşı ölkənin ictimai - siyasi, mədəni həyatında da fəal iştrak edir. O, 2011-ci ildə Azərbaycan Televiziyasının Musiqi kollektivlərinin bədii rəhbəri, 2012-ci ildə Səsyazma Evinin direktoru vəzifəsində çalışmışdır. Musiqi kollektivlərinə rəhbərlik etdiyi dövrdə müasir repertuar siyasətinin formalaşmasında müstəsna xidmətləri olmuşdur. 4 noyabr 2015-ci il tarixindən isə Azərbaycan Televiziyası "Mədəniyyət" kanalının direktoru vəzifəsinə təyin edilmişdir. “Mədəniyyət” kanalında fəaliyyətə başladığı müddətdən ölkədə bir çox irimiqyaslı layihə, festival və telemüsabiqələri təşkil etmişdir, “Əbədi Musiqi”, “Ötən illərin nəğmələri”, “Bakı gecələri”, “Mən də əsgərəm”, “Bura vətəndir”, “Romans axşamı”, “Bizi birləşdirən mədəniyyət” kimi verilişlərin ideya müəllifi olmuşdur. Onun təşəbbüsü və rəhbərliyi ilə həyata keçirilən Azərbaycan bəstəkarlarının “Romans müsabiqəsi”, “Xalq mahnıları” festivalı, Beynəlxalq “Orqan musiqisi” festivalı, “Azərbaycan vokalçıları”, “Milli nəfəs alətləri” festivalları ölkənin mədəni həyatında böyük rezonans doğurmuşdur. Ramil Qasımov eyni zamanda Mədəniyyət kanalının təşkilatçılığı ilə keçirilən müxtəlif yaradıcılıq gecələri, tele-musiqili tamaşaları, “Məhsəti” operası, Milli qəhrəman Mübariz İbrahimova həsr olunan “Mübariz” musiqili tamaşasının təşəbbüskarı və ideya müəllifidir. O, milli mədəniyyətimizin, xalq sənətinin, klassik irsimizin inkişafı üçün böyük layihələrə imza atıb və hər zaman bu işi davam etdirir. Mədəniyyət kanalında çalışdığı müddət ərzində Ramil Qasaımov sənətin bütün növlərinin inkişafı və təbliği üçün əlindən gələn bilik-bacarığı əsirgəmir. Yüksək peşəkarlığı və təşkilatçılıq qabiliyyəti, kollektivdə sıx işbirliyi yaratmaq bacarığı, hər bir işçinin rəhbər kimi qeydinə qalması sayəsində kollektivdə böyük hörmət və rəğbət qazanıb.

Ramil Qasımov 14 sentyabr 2015-ci ildə Azərbaycanın əməkdar artisti fəxri adına layiq görülmüşdür.[3]

4 noyabr 2015-ci ildə "Mədəniyyət” kanalının Baş direktoru təyin edilmişdir.[4]

6 may 2016-cı ildə1 may 2017-ci il tarixlərində Prezident Mükafatına layiq görülmüşdür.[5][6]

Ramil Qasımov 18 dekabr 2020-ci il tarixində Azərbaycan Respublikası mədəniyyət nazirinin birinci müavini, mədəniyyət nazirinin vəzifələrini müvəqqəti icra edən Anar Kərimovun müvafiq əmri ilə Heydər Əliyev Sarayının direktoru vəzifəsinə təyin olunub.[7]

Diskoqrafiya[redaktə | əsas redaktə]

Operalar[redaktə | əsas redaktə]

Mahnılar[redaktə | əsas redaktə]

Albomlar[redaktə | əsas redaktə]

  • Operalar Vol.1 (2020)

Filmoqrafiya[redaktə | əsas redaktə]

  1. Qızlar (film, 2007)

Mükafatlar[redaktə | əsas redaktə]

  • 1995 - Bakı şəhəri məktəblərarası keçirilən gənc istedadlar müsabiqəsi - 1-ci yer
  • 1998 - Respublika məktəblərarası keçirilən gənc istedadlar müsabiqəsi - 1-ci yer
  • 1999 - ”Pöhrə” Respublika müsabiqəsi – laureat
  • 1999 - Moskva şəhərində keçirilən “86 Ümumrespublika” gənc vokalçılar arasında -2-ci yer
  • 2000 - ilin Vətənpərvər ifaçısı
  • 2002 - Silahlı qüvvələr günü - Fəxri Fərman
  • 2009 - AMEA Milli Azərbaycan Tarixi Muzeyi – Diplom
  • 02.02.2009 - il-Azərbaycan Respublikasının Gənclər və İdman Nazirliyi - İlin ən fəal gənci – Diplom
  • 02.02.2009 - Səbail Rayon Gənclər və İdman İdarəsi - Fəxri Fərman
  • 26.06.2009 - Silahlı Qüvvələrin yaradılmasının 91–ci ildönümü – Fəxri Fərman
  • 24.07.2009 - Səbail Rayon Gənclər və İdman İdarəsi – Diplom
  • 25.10.2009 - Şəxsi Heyət Baş İdarəsi -Tərbiyə İşləri İdarəsi - Fəxri Fərman
  • 2009 - Azərbaycan Dövlət Musiqili Komediya Teatrı - Fəxri Fərman
  • 12.11.2009 - Azərbaycan Ali Hərbi Dənizçilik Məktəbi - Fəxri Fərman
  • 17.11.2009 - Heydər Əliyev adına Azərbaycan Ali Hərbi Məktəbi - Fəxri Fərman
  • 10.12.2009 - Azərbaycan Mədəniyyət İşçiləri Müstəqil Həmkarlar İttifaqı Respublika Komitəsi. İlin ən işgüzar gənci - Fəxri Fərman
  • 31.12.2009 - FHN Mülki Müdafiə Qoşunları - Fəxri Fərman
  • 02.02.2010 – Hərbi Dəniz Qüvvələri Komandanlığı- Fəxri Fərman
  • 12.04.2011 - Azərbaycan Mədəniyyət Assosasiyası -Fəxri Fərman
  • 17.06.2011 - Rusiyanin Bakıdakı İnformasiya-mədəniyyət mərkəzi - Minnətdarlıq məktubu
  • 18.10.2011 - Dövlət müstəqilliyinin bərpasının 20 illik yubileyi Zərdab rayonu İcra hakimiyyətinin Fəxri Fərmanı
  • 28.01.2014 - "Əfqanıstanda döyüş əməliyyatlarının bitməsinim 25 illik xatirəsinə" medal
  • 14.09.2015 - Azərbaycan Respublikasının "Əməkdar artisti" adına layiq görülüb
  • 15.02.2016 - "Fədai" medalı[8]
  • 04.03.2016 - "Veteran həmrəyliyi" medalı[9]
  • 03.12.2020 - Macarıstanın “Qızıl Ləyaqət Xaçı” mükafatı[10]

İstinadlar[redaktə | əsas redaktə]

Xarici keçidlər[redaktə | əsas redaktə]

Portalkino.jpg
Azərbaycan kino sənəti portalı