Ramunas Karbauskis

Vikipediya, azad ensiklopediya
Jump to navigation Jump to search
Ramunas Karbauskis
Ramūnas Karbauskis.jpg
Doğum tarixi 5 dekabr 1969(1969-12-05) (50 yaş)
Vətəndaşlığı Litva Litva
Fəaliyyəti siyasətçi, fermer
Commons-logo.svg Vikianbarda əlaqəli mediafayllar

Ramunas Karbauskis (lit. Ramūnas Karbauskis; ana. 5 dekabr 1969) — Litvalı biznesmen, siyasətçi və filantrop.

Bioqrafiyası[redaktə | əsas redaktə]

Təhsili və işgüzar karyerası[redaktə | əsas redaktə]

Ramunas 5 dekabr 1969-cu ildə Şyaulyay rayonunun Naysyay kəndində anadan olmuşdur. 1987-ci ildə Şyaulyayda Yanonisa Yulius adına orta məktəbi bitirmişdir. Həmin il o, Litva kənd təsərrüfatı akademiyasının aqronomluq fakultəsinə daxil olmuş, 1992-ci ildə isə təhsilini başa vurmuşdur.[1]

Beynəlxalqrus daması üzrə idman ustasına namizəd olan Karbauskis gəncliyində damaya böyük maraq göstərirdi. 1987—1988-ci illərdə rus daması üzrə Litva gənclər yığmasının üzvü olmuşdur.

1993-cü ildə Karbauskis Agrokoncernas Qapalı Səhmdar Cəmiyyəti şirkətini yaratmışdır.[1] Növbəti iki onillik ərzində "Agrokoncernas" Litvada ən böyük aqrar qruplardan biri olmuşdur. Şirkətdə 800-dən çox insan işləyir.[2] Karbauskis şirkətin tam mülkiyyət hüququna malikdir. Karbauskis Litvanın ən zəngin insanlardan biri hesab olunur.[3]

Siyasi karyerası[redaktə | əsas redaktə]

Siyasətdə 1990-cı illərin ortalarından başlayaraq iştirak edən Karbauskis Seymə üç dəfə seçilmişdir.

1996-cı il seçkilərində o, müstəqil namizəd kimi iştirak edirdi və yeddinci Seym mandatlığına "Şyaulyay kəndi" № 45 seçki dairəsi üzrə seçilmişdir. 1998-ci ildə o "Litva Kəndliləri" partiyasına üzv seçilmiş və onun sədri olmuşdur. 1997-ci ildən 2000-ci ilə qədər Karbauskis həmçinin Şyaulyay rayonunun özünü idarə şurasının heyətinə daxil olmuşdur.[1]

2000-ci il seçkilərində Karbauskis "Litva Kəndliləri" partiyası tərəfindən təqdim edilərək, öz dairəsi üzrə yenidən seçilmişdir. Səkkizinci Seymdə o, 2000-ci ildən 2001-ci ilə qədər vitse-spiker postunu tutmuşdur.[1]

2009-cu ildən Karbauskis kəndli-xalqçılar Litva İttifaqının sədridir. 2012-ci ildə adı dəyişdirilərək "Kəndlilər İttifaqı və Yaşıl Litva" (SKZL) adlanmışdır.[4] 2012-ci il parlament seçkilərində partiya müvəffəqiyyətsizliyə uğradı. Seçicilərin səslərinin yalnız 3,88 %-ini toplaya bildilər. Lakin 2016-cı il seçkilərində partiya rekord həddə - 56 mandat alaraq birinci yeri tutdular.[5] Karbauskis parlament mandatlığına Şilaynyay (Kaunasda) seçki dairəsi üzrə keçmişdir.

Xeyriyyəçilik və ictimai fəaliyyəti[redaktə | əsas redaktə]

Karbauskis Naisiai (açıq səma altında alkoqolsuz yay əyləncə festivalı) ailə festivalını təşkil etmişdir. O həmçinin ssenarist və Naysyay kəndinin tarixinə əsaslanan Naisių vasara serialının prodüseri kimi çıxış edir. Karbauskis bu kənddə anadan olmuşdur.[6]

2013-cü ildə Karbauskis Švieskime Vaikus (gəlin uşaqları öyrədək) xeyriyyəçilik fondunun həmtəsisçisi olmuşdur. Fondu Litva müğənnisi və prodüseri Andryus Mamontovas ilə birlikdə təsis etmişdir.[6]

Karbauskis 2006-cı ildən dama üzrə Litva federasiyasının prezidentidir. 2009-cu ildən Jemaytukas at cinsinin (Litvanın tarixi qoşqu cinsi) Litva assosiasiyasının vitse-prezidentidir.[6]

Ailəsi[redaktə | əsas redaktə]

Karbauskis Lina ilə evlidir və iki oğlu var: Yustinas və Mantas.[1] Onun qardaşı Mindauqas Karbauskis Vladimir Mayakovski adına Moskva Akademik Teatrının bədii rəhbəridir.[7]

İstinadlar[redaktə | əsas redaktə]

  1. 1 2 3 4 5 "2000-2004 m. kadencijos Seimo narys Ramūnas Karbauskis" (litva). Сейм Литовской Республики. İstifadə tarixi: 14 March 2016.
  2. ""Agrokoncerno" apyvarta per metus smuko 29 proc. iki 159,2 mln. eurų". 15min.lt. December 1, 2015. İstifadə tarixi: 14 March 2016.
  3. "Ramūnas Karbauskis - Lietuvos Turtingiausi". Ekonomika.lt. TV3. İstifadə tarixi: 14 March 2016.
  4. "Lietuvos valstiečių ir žaliųjų sąjungos kandidatas LR Seimo rinkimuose 2012 m. Karbauskis Ramūnas" (litva). Союз крестьян и зелёных (Литва). İstifadə tarixi: 14 March 2016.
  5. Lithuania election: Farmers' party in shock triumph
  6. 1 2 3 "Ramūnas Karbauskis". Charity "Švieskime vaikus". İstifadə tarixi: 14 March 2016.
  7. Jančys, Artūras (February 2, 2014). "Iškentęs pažeminimą, M.Karbauskis bus įleistas į Rusiją" (litva). Lietuvos Rytas. İstifadə tarixi: 14 March 2016.

Xarici keçidlər[redaktə | əsas redaktə]