Roald Amundsen

Vikipediya, azad ensiklopediya
Jump to navigation Jump to search
Rual Amundsen
Rual Engelbreqt Qravninq Amundsen
RoaldAmundsen.JPG
Doğum tarixi 16 iyul 1872(1872-07-16)
Doğum yeri Fredrikstad, Norveç
Vəfat tarixi 18 iyun 1928(1928-06-18) (55 yaşında)
Vəfat yeri Artika
Vəfat səbəbi Təyyarə qəzası
Vətəndaşlığı Norveç Norveç
Atası Yens Amundsen
Milliyyəti norveçli
Fəaliyyəti tədqiqatçı-səyyah[d], yazıçı, dənizçi[d], tədqiqatçı, qütb tədqiqatçısı[d], pilot
İmza
Commons-logo.svg Vikianbarda əlaqəli mediafayllar

Rual Engelbreqt Qravninq Amundsen (norv. Roald Engelbregt Gravning Amundsen;16 iyul 1872(1872-07-16)18 iyun 1928(1928-06-18)) — norveçli dəniz səyyahı, qütb tədqiqatçısı.

Cənub qütbünə çatan ilk şəxs (14 dekabr 1911), Oskar Vistinqlə birlikdə Yer kürəsinin hər iki coğrafi qütbündə olmuş ilk şəxs, Şimal-Qərb keçidindən keçən ilk dəniz səyyahı (Kanada Arktik arxipelaqının boğazları ilə), 1903-cü ildə "şimal maqnit qütbü"nü kəşf etmişdi. Dostları arasında "Vikinq" ləqəbi ilə tanınırdı.

Həyatı[redaktə | əsas redaktə]

Rual Amundsen (1875)

Amundsen 1872-ci ildə Fredrikstad/Sarpsborg şəhərində yerləşən Borge qəsəbəsində norveçli gəmi sahibləri və kapitan ailəsində dünyaya göz açıb. Onun atası Yens Amundsen idi. Amundsen ailənin 4-cü oğlu idi. Anası onun dənizçi olmasını istəmirdi və onu bu sahədən uzaq tutmağa çalışırdı. O, istəyirdi ki, oğlu həkim olsun. 21 yaşına kimi o təzyiq altında olur, ta ki, anası vəfat edənə qədər.[1]

Səyahətləri[redaktə | əsas redaktə]

Mühəndis diplomu alan kimi Amundsen ilk müstəqil ekspedisiyaya hazırlaşmağa başlayır. O, qərara alır ki, Şimali Amerika sahilləri boyunca hərəkət edərək Atlantik okeanından Sakit okeana şimal-qərbdən dəniz yolu tapsın.

Amundsenin ilk ekspedisiyasında az adam iştirak edirdi, onların xərci də bir o qədər çıxmamışdı. Buna baxmayaraq, Amundsen borc içində idi. Onun yelkənli gəmisi "Yoa" az qala müsadirə olunacaqdı. Odur ki, gənc səyyah çox təhlükəli bir qərar qəbul edir: o, altı dostu ilə birlikdə yağışlı qaranlıq bir gecədə öz gəmisinə minir və açıq dənizə çıxır. Onlar Qrenlandiyaya tərəf üzürlər. 1903-cü ildə başlayan bu ekspedisiya üç il çəkir. Bütün çətinliklərə baxmayaraq, səyahətçilər 1906-cı ildə sağ-salamat Kaliforniya sahillərinə yan aldılar. Onlar külli miqdarda məlumat toplamış, hətta maqnit qütbünün dəqiq yerini müəyyən etmişdilər. 400 il müddətində heç bir tədqiqatcı buna nail olmamışdı.

1911-ci il dekabrın 14-ü Amundsen dünyada ilk dəfə olaraq Cənub qütbünə çatdı.

12 may 1926-cı ildə "Norveç" dirijablında ilk dəfə Şimal qütbü üzərindən uçaraq Arktikanın hava yollarını tədqiq etdi.

Ölümü[redaktə | əsas redaktə]

18 iyun 1928-ci ildə Rual Amundsen, italyan səyyahı Umberto Nobileni xilas etmək üçün təşkil edilmiş xilasetmə əməliyyatı üçün təyyarə ilə Arktikaya yollanır. 23 may 1928-ci ildə Nobile "İtaliya" dirijablı ilə Şpitsbergen adasından yola çıxaraq Şimal qütbünə çatsa da, qayıdış yolunda ağır hava şəraiti səbəbindən güclü buzlanmaya məruz qalan dirijabl aşağı enərək buzun üzərinə düşmüşdü.[2][3] Ekspedisiyanın köməyinə Sovet buzqıran gəmisi "Krasin", İsveç, İtaliyaNorveç təyyarələri göndərilmişdi.

Amundsendən başqa daha 5 nəfəri daşıyan "Latham 47" hidroplanı pis hava şəraitində Barens dənizi üzərində qəzaya uğrayır. Çoxsaylı axtarışlara baxmayaraq təyyarənin düşdüyü yeri müəyyənləşdirmək mümkün olmamışdır. Bu hadisədən 5 gün sonra Umberto Nobile xilas edilir.

İstinadlar[redaktə | əsas redaktə]

  1. Amundsen, Roald (1927). My Life as an Explorer. Garden City, NY: Doubleday, Page & company.
  2. Tierney, John (7 September 2009). "Who Was First at the North Pole?". The New York Times. İstifadə tarixi: 20 March 2019.
  3. Holland, Eva (18 August 2017). "Flying to the North Pole in an Airship Was Easy. Returning Wouldn't Be So Easy". Smithsonian Institution. İstifadə tarixi: 20 March 2019.

Xarici keçidlər[redaktə | əsas redaktə]

Vikianbarda Roald Amundsen ilə əlaqəli mediafayllar var.