Süleyman Abbasov

Vikipediya, azad ensiklopediya
Jump to navigation Jump to search
Süleyman Abbasov
Süleyman Əsəd oğlu Abbasov
Süleyman Abbasov.jpg
Doğum tarixi 1910(1910-Şablondakı doğum və ya ölüm tarixində texniki yanlışlıq var!-01)
Doğum yeri Soltanlı, Qaryagin qəzası, Rusiya İmperiyası
Vəfat tarixi 25 fevral 1999(1999-02-25)
Vəfat yeri Bakı, Azərbaycan
Həyat yoldaşı Fitat Əsədova
Uşaqları Şəfiqə, Afət, Siyafət, Mehman, Məlahət, Nəzakət
Atası Əsəd Abbasov
Süleyman Abbasovun məqaləsi 08.05.1967

Abbasov Süleyman Əsəd oğlu — azərbaycanlı hüquqşunas, İkinci dünya müharibəsinin iştirakçısı, I dərəcəli Vətən müharibəsi ordeni mükafatçısı [1]

Həyat və fəaliyyəti[redaktə | əsas redaktə]

Süleyman Abbasov 1910-cu ildə Qaryagin qəzasının Soltanlı kəndində anadan olmuşdur. 1916-cı ildə Soltanlı kəndindəki 4 illik məktəbdə oxuyub Qaryagin bölgəsində sonradan 7 illik məktəbdə 7-ci sinfi bitirib. 1928-ci ildən 1930-cu ilədək ailənin təsərrüfatında əkinçiliklə məşğul olmuşdur. Əmək fəaliyyətinə Soltanlı kənd sovetinin katibi (1936-1937), Soltanlı kənd "Puşkin" adına kolxoz sədrliyi (1937-1939) ilə başlamışdır.

1939-cu ildə Bakı şəhərində Azərbaycan SSR-in Ədliyyə Nazirliyinin 2 illik hüquq məktəbində oxumuşdur. Bakıda hüquq məktəbində oxuyarkən 1941-ci il iyun ayının 22-də İkinci dünya müharibəsinin birinci günü ordu sıralarına səfərbərliyə alınmışdı. 22 iyun 1941-ci ildən noyabr 1945-ci ilədək müharibədə iştirak etmişdir.

1945-ci ilin dekabrından 1946-cı ilin fevralına qədər Bakıda Azərbaycan SSR-in Ədliyyə Nazirliyinin məhkəməsində təcrübə keçirmişdir. 1946-1950-ci illərdə Ümumittifaq Hüquq qiyabi institutu Bakı filialında oxumuş və hüquq ixtisası almışdır. 1946-cı ilin fevralından 1960-cı ilin dekabrına qədər Astara rayonu Xalq hakimi vəzifəsində çalışmışdır. Soltanlı kəndinə qayıtdıqdan sonra kəndin baş hüquq məsləhətçisi kimi çalışmışdır. 1953, 1955 və 1957-ci illərdə Astara şəhərinin Zəhmətkeş deputatları sovetinə, 1961 və 1967-ci illərdə Cəbrayıl rayonunun Soltanlı kəndinin Zəhmətkeş deputatları sovetinə deputat seçilmişdir.

1993-cü ilin avqustunda Cəbrayıl rayonu Ermənistan ordusu tərəfindən işğal ediləndən ailəsi ilə birgə Bakı şəhərinə köçüb. 25 fevral 1999-cu ildə 89 yaşında vəfat etmişdir.

Süleyman Abbasovun həyat yoldaşı Fitat Əsədovadır. Onların Şəfiqə, Afət, Siyafət, Mehman, Nəzakət, Məlahət adlı 6 övladı, 8 nəvəsi və 9 nəticəsi var.

S. Abbasov aşağıdakı cəbhə döyüşlərində iştirak etmişdir[redaktə | əsas redaktə]

  • Cənub cəbhəsi 6.08.1942 – 18.08.1942 kimi.
  • Şimali Qafqaz cəbhəsi 18.08.1942 – 3.09.1943
  • 4-cü Ukrayına cəbhəsi 3.09.1943 - 24.06.1944
  • 1-ci Belarusiya cəbhəsi 24.06.1944 – 20.10.1944
  • 3-cü Belarusiya cəbhəsi 20.09.1944 – 26.04.1945
  • 1-ci Ukrayına cəbhəsi 26.04.1945 – 9.05.1945

"3 may 1945-ci il tarixdə Berlin şəhərinin alınmasında iştirak etdik, hissəmiz döyüşünü davam etdirib parakəndə qalan alman qoşunlarının qalanlarını Çexoslovakiya torpağında döyüşərək onları məğlub etdik, alman komandanlığı danışıqsız təslim oldu. Elba çayı üzərində Vətən müharibəsinin Qələbə ilə qurtarması münasibəti ilə mitinq keçirib bayram etdik" Suleyman Abbasovun xatirəsindən.

S.Abbasov iştirak etdiyi ağır döyüşlərdə aşağıdakı vaxtlarda yaralanmışdır[redaktə | əsas redaktə]

  • Şimali Qafqaz - 24.06.1943
  • Baburski şəhəri ətrafında – 12.03.1944
  • Almaniya torpağında – 13.03.1945

Alman Faşist Ordusuna qarşı bu döyüşlərdə aşağıdakı orden – medallarla təltif edilib:

  • Şöhrət ordeni (орден Слава) 3 dərəcə. 24.06.1944
  • Vətən Müharibəsi 2 dərəcə 6.04.1945
  • Vətən Müharibəsi 1 dərəcə 1986

Medallar[redaktə | əsas redaktə]

  • Kenzberq şəhərinin alınması
  • Berlin şəhərinin alınması
  • Vətən müharibəsi
  • Baburski şəhərinin azad edilməsi

İstinadlar[redaktə | əsas redaktə]

  1. Süleyman Abbasov. Söhbət müharibə iştirakçılarından gedir. Qafqazdan Elbaya kimi. "Kolxozu" qəzeti, 8 may 1967-ci il

Mənbə[redaktə | əsas redaktə]