Süleyman Abdullayev (xanəndə)

Vikipediya, açıq ensiklopediya
Jump to navigation Jump to search
Süleyman Abdullayev
Süleyman Cümşüd oğlu Abdullayev
Süleyman Cümşüd oğlu Abdullayev
Ümumi məlumatları
Ləqəbi “Dədə Süleyman”
Doğum tarixi 14 fevral 1939 (1939-02-14) (79 yaş)
Şuşa, Flag of the Azerbaijan Soviet Socialist Republic.svg Azərbaycan SSR
Peşəsi Xanəndə
Mükafatları Əməkdar Artist

Süleyman Abdullayev — xanəndə, Azərbaycanın əməkdar artisti (2012).

Həyatı[redaktə | əsas redaktə]

Süleyman Cümşüd oğlu Abdullayev 1939-cu il fevral ayının 14-də Füzuli rayonunun Sərdərli kəndində anadan olmuşdur.

1959-cu ildə istedadlı musiqiçilər sorağıyla Füzuli rayonuna gələn böyük xanəndə Seyid Şuşinski, Süleyman Abdullayevin səsini yüksək qiymətləndirmiş və o, professional təhsil almaq üçün Bakıya dəvət edilmişdir.

1960-1964-cü illər ərzində S.Abdullayev ADMM-də Seyid Şuşinskinin sinfində bütün muğam dəsgahlarını tam şəkildə öyrənmişdir.

1964-cü ildən Süleyman Abdullayev Müslüm Maqomayev adına Azərbaycan Dövlət Filarmoniyasının solisti kimi fəaliyyətə başlamış, xalq çalğı alətləri ansamblları ilə çalışmışdır.

1969-cu ildə Türkiyənin İstanbul şəhərində keçirilən ümumdünya festivalının qalibi olmuşdur.

Seyid Şuşinskinin ənənələrini yaşadan xanəndə, eyni zamanda, özünəməxsus ifaçılıq üslubu, oxuma tərzi, bir çox muğamların yadda qalan təfsiri ilə tanınır.

Süleyman Abdullayev zəngin tembrli, yüksək tessituralı səsə malik xanəndədir. O, ifa etdiyi muğamda sözün düzgün tələffüzünə, qəzəlin mənasının dinləyiciyə çatdırılmasına çalışır.

Süleyman Abdullayevin ifasında “Segah”, “Dəşti”, “Çahargah”, “Şur” muğam dəsgahlarının lent yazıları AzTR Fonduna daxil olmuşdur.

Xanəndə oxuduğu muğamlarda klassik şairlərin – Füzulinin, S.Ə.Şirvaninin, Vahidin qəzəllərinə müraciət edərək, xüsusilə vətən haqqında şeirlərə üstünlük verir. Öz sənəti ilə böyük bir elin müdrik ağsaqqalı kimi sevilən xanəndə xalq tərəfindən “Dədə Süleyman” deyə çağırılır.

Həsən bəy Zərdabi adına Dünya Azərbaycanlıları Xeyriyyə Cəmiyyə-tinin “Qızıl səs” medalına layiq görülmüşdür.

Mükafatları[redaktə | əsas redaktə]

2012-ci il sentyabr ayının 14-də Azərbaycan mədəniyyətinin inkişafındakı xidmətlərinə görə Abdullayev Süleyman Cümşüd oğluna “Əməkdar artist” fəxri adı verilmişdir.[1]

Ədəbiyyat[redaktə | əsas redaktə]

  • “Əlamətdar və tarixi günlər təqvimi”- Azərbaycan Milli Kitabxanası, 2013.

İstinadlar[redaktə | əsas redaktə]