Süngər Bob Kvadrat Şalvar (personaj)

Vikipediya, açıq ensiklopediya
Keçid et: naviqasiya, axtar
Süngər Bob Kvadrat Şalvar
SpongeBob SquarePants
Spongebob-1.png
Süngər Bob Kvadrat Şalvar
Doğum tarixi: 14 iyul 1986 (1986-07-14) (31 yaş)
Doğum yeri: Bikini Botom
Peşəsi: Aşpaz

Süngər Bob Kvadrat Şalvar (ing. SpongeBob SquarePants) — Süngər Bob Kvadrat Şalvar cizgi serialının əsas qəhrəmanıdır. Bu cizgi serial Nickelodeon telekanalında ilk dəfə olaraq 1 may 1999-cu ildə yayımlanmışdır. Personaj dəniz bioloquanimator olan Stiven Hillenberq tərəfindən yaradılmışdır. Süngər Bob Kvadrat Şalvar personajını aktyor Tom Kenni səsləndirir.

"Süngər Bob Kvadrat Şalvar" cizgi serialında rolu[redaktə | əsas redaktə]

Süngər Bob — dəniz süngəridir, lakin, mətbəx süngəri formasındadır. Cizgi serialın müəllifi Stiven Hillenberq ilk dəfə olaraq Süngər Bobu kvadrat formasında təsvir etməmişdi. Lakin daha sonra Stiven Hillenberq Süngər Bobu kvadrat formasında təsvir etmişdir. Bunun da səbəbi kvadrat formasında Süngər Bobun daha gülməli və maraqlı görünməsidir. Süngər Bob ananas evdə yaşayır. Süngər Bobun gözləri böyük və mavi rəngdədir. Onun bədənində çoxlu sayda dəliklər vardır. O istənilən vaxt formasını dəyişə bilər. Adətən Süngər Bob qısaqollu ağ köynək və qəhvəyi rəngdə kvadrat formasında olan şalvar geyinir. Məhz buna görə Süngər Bobun soyadı "Kvadrat Şalvar"dır. Kəmərinin rəngi qaradır. Həmçinin o həmişə qırmızı qalstukdan istifadə edir. Corabı göy və qırmızı zolağlıdır. Ayaqqabısının rəngi qaradır. Qalın və incə səslə danışa bilir.

Süngər Bob — Krasti Krab restoranında baş aşpazdır. O, bu restoranda 1000106 dəfə ayın ən yaxşı işçisi seçilmişdir. Süngər Bob Missis Paffın Qayıq Məktəbində təhsil alır. Lakin o sürücülük vəsiqəsi ala bilmir. Süngər Bobun dostu olan Patrik Süngər Bobdan fərqli olaraq Qayıq sürməyi bacarır. Süngər Bobun Qeri adlı ilbizi vardır. Onun qonşuları Patrik və Skvidvarddır. Patrik onun ən yaxın dostlarından biridir. Patrik dəniz ulduzudur. Skvidvard Süngər Bobla birlikdə Krasti Krabda işləyir. Skvidvard osminoqdur. Süngər Bob həmçinin ukuleledə çala bilir.

Süngər Bob — optimist, şən, zəhmətkeş və mehribandır. Lakin o çox sadəlöhvdür. Onun hobbisi meduza ovlamaq, sabun köpükləri üfürmək, Patriklə oyunlar oynamaqdır. Süngər Bob çox enerjilidir. "Skvidvardın aksiyası" seriyasında Mister Krabs onlara maaş vermədiyi üçün Skvidvard aksiya keçirməyi təklif etdi və Süngər Bob buna razılaşdı. Lakin Süngər Bob aksiya etməyin nə olduğunu bilmirdi. Süngər Bob həm də ambideksterdir.

Obrazın yaradılması[redaktə | əsas redaktə]

Tom Kenni

Stiven Hillenberq optimist süngər haqqında cizgi serial çəkmək istəyirdi və o kvadrat formada olan süngər barədə cizgi serial yaratdı. İlk dəfə personajın adını Spanç Boy (ing. SpongeBoy) qoymaq istəyirdilər. O zaman Süngər Bobun görünüşü fərqli idi. Lakin Spanç Boy adı artıq işlənmişdi. Stiven Hillenberq personajın adında Süngər sözünün qalmasına qərara gəldi. Çünki izləyicilər personajı "pendir insan"a (ing. Cheese Man) bənzədə bilərdilər. Buna görə də Stiven Hillenberq personajı Spanç Bob adlandırdı. Süngər Bobun soyadı "Kvadrat Şalvar" oldu. Çünki Süngər Bobun forması kvadrat idi və belə soyad insana maraqlı gəlir.

Süngər Bobu ingiliscə versiyada Tomas Kenni səsləndirir. Əvvəllər Tomas və Stiven "Rokkonun müasir həyatı" cizgi serialında işləyirdilər. Stiven Hillenberq Süngər Bob Kvadrat Şalvar cizgi serialını yaratdıqdan sonra Tomas Kennini əsas personaj olan Süngər Bobu səsləndirməyi təklif etdi. Stiven Hillenberq "Rokkonun müasir həyatı" cizgi serialında çalışan digər işçiləri də Süngər Bob Kvadrat Şalvar cizgi serialında işləməyi təklif etdi.

Personajın populyarlığı[redaktə | əsas redaktə]

"Süngər Bob Kvadrat Şalvar" cizgi serialının əsas personajı olan Süngər Bob uşaqlar və yeniyetmələr arasında populyarlıq qazanmışdır. Nickelodeonun məlumatına görə personaj 2-11 yaşlı uşaqlar, yeniyetmələr, tələbələr arasında böyük populyarlıq qazanmışdır. Bunun əsas səbəbləri də Süngər Bobun mehribanlığı, şənliyidir.

Maraqlı faktlar[redaktə | əsas redaktə]

  • Süngər Bob personajının şərəfinə göbələyin növü Spongiforma squarepantsii adlandırılmışdır. Bu növ 2011-ci ildə canlıların on ən yaxşı növlərindən biri seçilmişdir.
  • Cizgi serialın bir neçə işçiləri əvvəllər Rokkonun müasir həyatı cizgi serialının işçiləri olmuşlar.