Sədaqət Ulduz
| Sədaqət Ulduz | |
|---|---|
 | |
| Ümumi məlumatlar | |
| Doğum tarixi | 24 aprel 1974 (49 yaş) |
| Doğum yeri | |
| Vətəndaşlığı | |
| Anası | Ulduz Sönməz |
| Musiqiçi məlumatları | |
| Fəaliyyəti | musiqiçi, müğənni, solist[d] |
| Fəaliyyət illəri | 1980-ci ildən |
| Janrlar | pop musiqisi, klassik musiqi, aşıq musiqisi |
| Təhsili | |
| sedaqetulduz.com | |
Sədaqət Fəyaz qızı Quluyeva (Sədaqət Ulduz; 24 aprel 1974, Sumqayıt) — Azərbaycan müğənnisi;
Həyatı[redaktə | mənbəni redaktə et]
Sədaqət Ulduz 24 aprel 1974-cü ildə Sumqayıt şəhərində anadan olub. Orta məktəblə yanaşı musiqi məktəbinin qarmon sinfindən də məzun olmuşdur. Eyni zamanda musiqi, fortepiano və saz dərsləri də almışdır.
Soltan Hacıbəyov adına Musiqi Texnikumunu bitirmişdir. 1995-ci ildən etibarən "Unison" qrupu ilə addımlar atmağa başlamışdır. Daha sonra peşəkar səhnədə performans sərgiləməklə televiziya proqramlarında da çıxışlar etmişdir. O, yeni kliplər çəkmiş, mahnılar oxumuş və bunlarla yanaşı Space TV-nin "Onda Başladıq" adlı televiziya proqramının aparıcısı kimi də fəaliyyət göstərmişdir.
Sədaqət Ulduz əvvəllər Azərbaycan Dövlət Muğam Teatrında solist kimi fəaliyyət göstərmişdir.
Hal-hazırda Azərbaycan Dövlət Televiziyasında solist kimi fəaliyyət göstərir.
Mükafatları[redaktə | mənbəni redaktə et]
Altı yaşında Moskvada keçirilən Ümumittifaq festivalın mükafatını almışdır.
Anası Aşıq Ulduz Sönməzin rəhbərlik etdiyi "Sazçı Qızlar Ansamblı"nın ən gənc üzvü kimi bir çox diplom və mükafatlara layiq görülmüşdür.
1997-ci ildə Azərbaycan Dövlət Televiziyasının təşkil etdiyi "Qızıl Açar" müsabiqəsinin qalibi olmuşdur.
Ailəsi[redaktə | mənbəni redaktə et]
Sədaqət Aşıq Ulduz Sönməzin qızıdır. 2019-cu ilin mart ayında Bakıda Türkiyədə yaşayan azərbaycanlı iş adamı ilə toyu olub.[1]
İstinadlar[redaktə | mənbəni redaktə et]
- ↑ "Özünə bəysiz toy edən azərbaycanlı müğənni". 2020-02-12 tarixində arxivləşdirilib. İstifadə tarixi: 2022-04-18.