Sabir Sarvan

Vikipediya, açıq ensiklopediya
Jump to navigation Jump to search
Sabir Sarvan
Məlikov Sabir Soltan oğlu
Fotoqrafiya
Təxəllüsü Sarvan
Doğum tarixi 5 mart 1956(1956-03-05)
Doğum yeri Pirhəsənli, Ağsu rayonu, Flag of the Azerbaijan Soviet Socialist Republic.svg Azərbaycan SSR
Vəfatı 14 mart 2017(2017-03-14) (61 yaşında)
Vəfat yeri Bakı
Dəfn yeri Ağsu, Pirhəsənli kəndi
Həyat yoldaşı Məlikova Zərnigar Abbas qızı
Vətəndaşlığı Flag of Azerbaijan.svg Azərbaycan
Milliyyəti Azərbaycan türkü
Mükafatları Prezident təqaüdçüsü

Məlikov Sabir Soltan oğluşair, tərcüməçi, Prezident təqaüdçüsü Azərbaycan Yazıçılar Birliyinin üzvü, 1996-2016- cı ilə qədər AYB Sumqayıt bölməsinin sədri vəzifəsində çalışmışdır.

Həyatı[redaktə | əsas redaktə]

Sabir Soltan oğlu Məlikov 1956-cı il mart ayının 5-də Ağsu rayonunun Pirhəsənli kəndində anadan olmuşdur. Əsil anası Cəmilə xanım olsa da, bir yaşından ana nənəsi Səkinə xanım övladlığa götürmüş, onun himayəsində böyüyüb, təlim-tərbiyə almışdır. 1971-ci ildə Sarvan kənd səkkizillik məktəbini, 1973-cü ildə Növcü kənd orta məktəbini bitirmişdir. ”Vüqar” adlı ilk şeiri 1970-ci ildə Ağsu rayonunda çıxan “Birlik” qəzetində çap olunmuşdur.1977 -ci ildə M.A.Əliyev adına Azərbaycan Dövlət İncəsənət İnstitutunun (indiki Mədəniyyət və İncəsənət Universiteti) dram və kino aktyorluğu fakultəsini bitirmişdir. 1977–1978-ci illər ərzində Qərbi Ukraynanın Lvov şəhərində əsgərlikdə olmuşdur. 1977–1980-cı illərdə N.B.Vəzirov adına Lənkəran Dövlət Dram teatrında, 1981–1987-ci illərdə isə Bakıda Tədris teatrında aktyor işləmişdir. 1988–1993-cü illərdə jurnalist kimi fəaliyyət göstərmiş, demokratik mətbuatın ilk qaranquşu sayılan “Gənclik” – “Molodost” jurnalında ədəbi işçi, şöbə müdiri, baş redaktorun müavini vəzifələrində çalışmışdır.

Azərbaycan Yazıçılar Birliyinin Sumqayıt bölməsinin yaranması ideyasını irəli sürərək, 1996-cı ildə buna nail olmuş, həmin ildən 2017-ci ilin mart ayına kimi (20 il müddətində) Azərbaycan Yazıçılar Birliyi Sumqayıt bölməsinin sədri vəzifəsində çalışmışdır.

Şəhərdə artıq ənənə halını almış “Şəhər günü”, “Söz” bayramı məhz onun layihəsi əsasında həyata keçirilir.

Ailəsi[redaktə | əsas redaktə]

1984-cü ildə Ağsu rayonunun Pirhəsənli kəndindən olan Zərnigar (İslamova Zərnigar Abbas qızı) xanımla ailə qurmuş, Toğrul adlı bir oğulları dünyaya gəlmişdir. Lakin amansız xəstəlik yaş yarımlıq Toğrulu ona çox görmüşdür. Bu itkidən sarsılan və uzun zaman özünə gələ bilməyən şair nəhayət özünü toparlamış və ədəbi aləmdə öz fəaliyyətini yenidən davam etdirmişdir.

Yaradıcılığı[redaktə | əsas redaktə]

1987-cü ildə Gürcüstanda keçirilən Mayakovski günlərində iştirak edərək yer tutmuş və mükafatlandırılmışdır.1996-cı ilin iyul ayında Türkiyənin Çorm şəhərində keçirilən şeir şölənində iştirak etmiş, Türkiyədə çıxan “Kardeş kelemler” və “Çağrı” jurnallarında şeirləri dərc olunmuşdur. 2000 -ci ildə Sumqayıt şəhər İcra hakimiyyətinin təşkilatçılığı ilə Almaniyanın Lüdviqshafen şəhərində olmuş, orada yaşayan türk əsilli şair Hasan Özdəmirlə tanış olmuş, onun şeirlərini Azərbaycan türkcəsinə uyğunlaşdıraraq “Ulduz” jurnalında çap etdirmişdir.

Vaxtaşırı Azərbaycan Dövlət Televiziyasının Hərbi proqramlar redaksiyasının və həmin illərdə jurnalist kimi fəaəliyyət göstərdiyi “Fədai” qəzetinin dəvəti ilə cəbhə bölgələrinə səfərə çıxmış və əsgərlər qarşısında vətənpərvərlik ruhlu şeirlər oxumuşdur.

Mükafatları[redaktə | əsas redaktə]

Ədəbiyyatın inkişafına göstərdiyi xidmətlərə görə müxtəlif vaxtlarda fəxri fərman və diplomlarla təltif olunmuş, Prezident təqaüdünə layiq görülmüşdür.

AYB Sumqayıt bölməsində fəaliyyəti[redaktə | əsas redaktə]

Bölməyə rəhbərlik etdiyi müddətdə “Turan”, “Zərif” qadın” ədəbi məclislərini, “Tumurcuq” uşaq klubunu, hal-hazırda onun adını daşıyan (Sabir Sarvan) Uşaq Poeziya teatrını yaratmış və onların fəaliyyət göstərməsində özünün bilavasitə iştirakı olmuşdur. Bölmə tərəfindən “Turan” ədəbi məclisinin fəaliyyətindən xəbər verən “Bizdən Sizə qalan sözdü” (üç almanax), “Zərif” qadın ədəbi məclisinin üzvlərinin şeirlərindən ibarət “Bənövşə pıçıltısı” və “Bizdən sizə qalan sözdü (dördüncü almanax) kitabları, “Tumurcuq” uşaq klubu üzvlərinin şeirlərindən ibarət “Qanadlandıq uçmağa” adlı 13 almanax, şəhər məktəbliləri üçün “Vətən deyən şeirlər”, “Vətənim, anam, dilim” kitabları çap edilmişdir.Həmçinin sumqayıtlı yazarların tərcümələrindən və dunyasını dəyişmiş qələm adamlarının yazdıqlarından nümunələr toplanmış almanaxlar işıq üzü görmüşdür.Bundan başqa mərhum yazıçı Feyzi Mustafayevin bir vaxtlar “Yazıçı” nəşriyyatı tərəfindən çap edilmiş “Dinmə, ey kədər” adlı kitabı bölmə tərəfindən yenidən latın qrafikası ilə çap edilmişdir.Sumqayıt şəhərinin 60 illiyi ilə əlaqədar Sumqayıt şəhər Təhsil Şöbəsi və Sumqayıt şəhər Gənclər İdman Baş idarəsi ilə birlikdə I-IV siniflər üçün çap edilən “Sinifdənxaric oxu”, “Təbiət düşünür, düşündürür” kitabı bölmənin təşəbbüsü ilə işıq üzü görmüşdür. Bu kitablarda sumqayıtlı müəlliflərin uşaqlar üçün yazdıqları şeirlərdən nümunələr toplanmışdır.

Bölmənin təşəbbüsü ilə hər il keçirilən “Şəhər günü”, “Söz” bayramı, 21 mart Beynəlxalq Poeziya günü və 28 may Respublika günü münasibəti ilə şəhər məktəbliləri arasında keçirilən bədii-qiraət müsabiqəsi artıq Sumqayıtda ənənə halını almışdır.

Bölmənin bir sıra tədbirləri telelayihələr şəklində də həyata keçirilmişdir. İctimai televiziya ilə yayımlanan “Öncə Vətən”, yerli DTV kanalı ilə S.Vurğunun və S.Rüstəmin 100 illikləri ilə bağlı dörd ay davam edən bədii-qiraət müsabiqələri buna misaldır.

Kitabları[redaktə | əsas redaktə]

  1. Gördüyüm göy, baxdığım işıq. Bakı: Yazıçı, 1989
  2. Çıx qaranlıqdan. Bakı: Ozan, 2001
  3. Gəldi qürub. Bakı: Adiloğlu, 2006
  4. Özümü sözə çevirdim. Bakı: Adiloğlu, 2007
  5. Dərdimi oxusun ney. Sumqayıt: Sumqayıt, 2011
  6. Yarandım, yaşadım. Sumqayıt: Sumqayıt, 2014
  7. Qibləm ürəyimd. Sumqayıt: Sumqayıt, 2015

Filmoqrafiya[redaktə | əsas redaktə]

  1. Mədəniyyət TV: Qobustan verlişi. Video izlə
  2. "Çağdaş Qələmlər" radio verlişinin 06 MART 2017-ci il buraxılışı. Video izlə
  3. Səyyarə Səyyafın "Ovqat" verlişi. Video izlə
  4. Nərgiz Nəzərlinin "Səhər ovqatı" verlişi. Video izlə

Həmçinin bax[redaktə | əsas redaktə]

  1. Şair Sabir Sarvanın qəbir üstü abidəsinin açılışı. Video izlə
  2. "Mən o bənövşəni niyə dərmədim" şeiri. Səsləndirən Ağalar Bayramov. Video izlə
  3. Türkiyənin MSBC KANAL 2000-də yayımlanan “Damla Damla Şiir” proqramında, aparıcı Müberra Gönen, Sabir Sarvanın şeirlərin səsləndirmişdir.. Video izlə
  4. QARABAĞLI UŞAQ (Karabağlı cocuk). Söz: Sabir Sarvan: Musiqi & ifa: Ayzer Büyüker: Klip: Fethi Akın. Klipə bax

Xarici keçidlər[redaktə | əsas redaktə]