Sadıq İbrahimov
| Sadıq İbrahimov | |
|---|---|
| Sadıq Əliabbas oğlu İbrahimov | |
 | |
| Doğum tarixi | 23 dekabr 1945 |
| Doğum yeri | Bakı, Azərbaycan SSR, SSRİ |
| Vəfat tarixi | 20 avqust 2010 (64 yaşında) |
| Vəfat yeri | Bakı, Azərbaycan |
| Vətəndaşlığı |
 SSRİ→ Azərbaycan |
| Peşəsi | Aktyor |
| Mükafatları |
 |
Sadıq Əliabbas oğlu İbrahimov (23 dekabr 1945 – 20 avqust 2010) — aktyor, Azərbaycan Respublikasının əməkdar artisti (2000).
Həyatı[redaktə | əsas redaktə]
İbrahimov Sadıq Əliabbas oğlu 23 dekabr 1945-ci ildə doğulmuşdur. 1970-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. 1970-ci ildən Akademik Milli Dram Teatrına artist heyətinə qəbul edilən S.İbrahimov, teatrın səhnəsində Prokuley ("Antoni və Kleopatra" V.Şekspir), Bədəl ("Hacı Qara" M.F.Axundov), Qüdrət ("Mahnı dağlarda qaldı" İ.Əfəndiyev), Alman zabiti ("İnsan" S.Vurğun), Rəşid ("Kəndçi qızı" M.İbrahimov), Hacı İslam ("Dəli yığıncağı" C.Məmmədquluzadə), Bəxtiyar ("Fitnə" A.Şaiq), Yaralı əsgər ("Maqbet" V.Şekspir), Kiçik zabit ("İblis" H.Cavid), Dəmirgüc ("Torpağa sancılan qılınc" N.Xəzri), Xan ("Lənkəran xanının vəziri" M.F.Axundov), Nəcəfov ("Kərgədan buynuzu" M.İbrahimbəyov), Fesey ("Şah Edip" Sofokl), Kamil Paşa ("Ulduz, yaxud Ədirnə fəthi" C.Cabbarlı ), Arqant ("Skapenin kələkləri" Molyer), Hidayət ("Xurşidbanu Natəvan" İ.Əfəndiyev), Hacı Baxşəli ("Ölülər" C.Məmmədquluzadə), Mirzə Abuturov ("Mesenat" Ə.Əmirli) kimi rollar oynamışdır.
Aktyor "Azərbaycanfilm" kinostudiyasında istehsal olunmuş "Ömrün ilk anı" filmində Neftçi Qurban, "Qatır Məmməd" filmində Səlim və Azərbaycan Dövlət televiziyasında hazırlanmış "Mehmanxana sahibəsi" teletamaşasında Fabrisio rollarına çəkilmişdir.
Sadıq İbrahimov 28 oktyabr 2000-ci ildə Azərbaycan Respublikasının əməkdar artisti fəxri adına layiq görülmüşdür.
Sadıq İbrahimov 20 avqust 2010-cu ildə ürək çatışmazlığından vəfat edib.[1]
Filmoqrafiya[redaktə | əsas redaktə]
- Qatır Məmməd (film, 1974)
- Mehmanxana sahibəsi (film, 1978)
- Sarıköynəklə Valehin nağılı (film, 1980)
- Ölüm növbəsi (film, 2009)
