Sadıq Qurbanov

Vikipediya, azad ensiklopediya
Jump to navigation Jump to search
Sadıq Qurbanov
Sadıq Haqverdi oğlu Qurbanov
Sadıq Qurbanov.jpg
Doğum tarixi 12 iyul 1972(1972-07-12)
Doğum yeri Ələkli, Şərur rayonu, Naxçıvan MSSR
Vətəndaşlığı Azərbaycan Azərbaycan
Milliyyəti azərbaycanlı
Təhsili BDU-nun hüquq fakültəsi, Prezident yanında Dövlət İdarəçilik Akademiyasının «Dövlət və bələdiyyə idarəetməsi» fakultəsi
Fəaliyyəti Yeni Azərbaycan Partiyasının 54 saylı Şabran-Siyəzən Seçki Dairəsindən deputat

Sadıq Qurbanov (Sadıq Haqverdi oğlu Qurbanov; d.12 iyul 1972, Naxçıvan, Şərur, Ələkli) — Texniki elmlər namizədi. Yeni Azərbaycan Partiyasının üzvü, Azərbaycan Respublikası Milli Məclisinin VI çağırış deputatı (2020).[1]

Həyatı[redaktə | əsas redaktə]

Sadıq Qurbanov 12 iyul 1972-ci ildə Naxçıvan MR-nın Şərur rayonunun Ələkli kəndində anadan olmuşdur. 1989-cu ildə Ərəbyengicə kənd orta məktəbini bitirmiş, həmin ildə də Bakı Dövlət Universitetinin Mexanika-riyaziyyat fakultəsinə daxil olmuşdur. 1994-cü ildə təhsilini başa vuraraq həmin fakultənin dissertantı olmuş, eyni zamanda «Nəzəri mexanika və bütöv mühit mexanikası» kafedrasında laborant vəzifəsində çalışmışdır. 2005-ci ildə namizədlik dissertasiyasını müdafiə edərək texnika elmlər namizədi namizədlik dərəcəsini almışdır. 1997-2001-ci illərdə BDU-nun hüquq fakültəsində təhsil almışdır. 2001-2004-cü illərdə YAP-ın göndərişi ilə Prezident yanında Dövlət İdarəçilik Akademiyasının «Dövlət və bələdiyyə idarəetməsi» fakultəsində təhsil almışdır. Ailəlidir, iki övladı var.

Fəaliyyəti[redaktə | əsas redaktə]

1999-2006-cı illərdə YAP-ın icra katibliyində «Partiyalar arası əlaqələr şöbəsi»nin müdiri vəzifəsində çalışmışdır. 2010-cu ildə AR Əmək və Əhalinin Sosial Müdafiəsi Nazirliyinin «Yoxsulluq problemləri və ünvanlı sosial yardım siyasəti şöbəsi»ndə nəzarət sektorunun rəhbəri vəzifəsində çalışmışdır. İqtisad Universitetinin «İqtisadi hüquq» kafedrasının baş müəllimi vəzifəsində çalışmışdır. Eyni zamanda “Azərbaycan Respublikası Neft – qaz sənayesi işçilərinin respublika həmkarlar komitəsində” sədr müavini vəzifəsində çalışır. Mexanika-riyaziyyat sahəsində 11 elmi məqalənin, hüquq ixtisası sahəsində isə 15 elmi əsərlərin və «Əmək Məcəlləsinin kommentariyası» kitabının həmmüəllifidir.

9 fevral 2020-ci ildə Yeni Azərbaycan Partiyasının 54 saylı Şabran-Siyəzən Seçki Dairəsindən deputat seçilmişdir.[2]

İstinadlar[redaktə | əsas redaktə]

  1. "Qurbanov Sadıq Haqverdi oğlu". 10 Feb 2020 tarixində orijinalından arxivləşdirilib. İstifadə tarixi: 2020-02-04.
  2. "YAP-çı namizəd Sadiq Qurbanov Şabran və Siyəzən rayonlarında 41 görüş keçirib". 10 Feb 2020 tarixində orijinalından arxivləşdirilib. İstifadə tarixi: 2020-02-04.