Sadıq İbrahimov

Sadıq İbrahimov
Sadıq Əliabbas oğlu İbrahimov
Doğum tarixi	23 dekabr 1945
Doğum yeri	Bakı, Azərbaycan SSR, SSRİ
Vəfat tarixi	20 avqust 2010 (64 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Fəaliyyəti	Aktyor
Mükafatları

Sadıq Əliabbas oğlu İbrahimov (23 dekabr 1945 – 21 avqust 2010) — aktyor, Azərbaycan Respublikasının əməkdar artisti (2000).

Həyatı

İbrahimov Sadıq Əliabbas oğlu 23 dekabr 1945-ci ildə doğulmuşdur. 1970-ci ildə M. A. Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. 1970-ci ildən Akademik Milli Dram Teatrına artist heyətinə qəbul edilmişdir.

Sadıq İbrahimov 28 oktyabr 2000-ci ildə Azərbaycan Respublikasının əməkdar artisti fəxri adına layiq görülmüşdür.

Sadıq İbrahimov 20 avqust 2010-cu ildə ürək çatışmazlığından vəfat edib.

Əsas rolları

1. Antoni və Kleopatra (V. Şekspir) — Prokuley
2. Hacı Qara (M. F. Axundov) — Bədəl
3. Mahnı dağlarda qaldı (İ. Əfəndiyev) — Qüdrət
4. İnsan (S. Vurğun) — alman zabiti
5. Kəndçi qızı (M. İbrahimov) — Rəşid
6. Dəli yığıncağı (C. Məmmədquluzadə) — Hacı İslam
7. Fitnə (A. Şaiq) — Bəxtiyar
8. Maqbet (V. Şekspir) — yaralı əsgər
9. İblis (H. Cavid) — kiçik zabit
10. Torpağa sancılan qılınc (N. Xəzri) — Dəmirgüc
11. Lənkəran xanının vəziri (M. F. Axundov) — xan
12. Kərgədan buynuzu (M. İbrahimbəyov) — Nəcəfov
13. Şah Edip (Sofokl) — Fesey
14. Ulduz, yaxud Ədirnə fəthi (C. Cabbarlı) — Kamil Paşa
15. Skapenin kələkləri (J. B. Molyer) — Arqant
16. Xurşidbanu Natəvan (İ. Əfəndiyev) — Hidayət
17. Ölülər (C. Məmmədquluzadə) — Hacı Baxşəli
18. Mesenat (Ə. Əmirli) — Mirzə Abuturov

Filmoqrafiya

1. Qatır Məmməd (film, 1974) — rol: Səlim
2. Ömrün ilk anı (film) — rol: neftçi Qurban
3. Mehmanxana sahibəsi (film, 1978) — rol: Fabrisio
4. Sarıköynəklə Valehin nağılı (film, 1980)
5. Ölüm növbəsi (film, 2009)

Mənbə

• Sadıq İbrahimov