Salatın Əhmədli

Vikipediya, azad ensiklopediya
Naviqasiyaya keçin Axtarışa keçin
Salatın Əhmədli
Salatın Alı qızı Əhmədli
Doğum tarixi (67 yaş)
Doğum yeri Poylu, Ağstafa, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Elm sahəsi Ədəbiyyat
Elmi dərəcəsi filologiya üzrə fəlsəfə doktoru
Vikianbarın loqosu Vikianbarda əlaqəli mediafayllar

Salatın Alı qızı Əhmədli (18 oktyabr 1956-cı il, Poylu, Qazax) — ədəbiyyatşünas, filologiya üzrə fəlsəfə doktoru, Azərbaycan Yazıçılar Birliyinin üzvü.

Həyatı[redaktə | mənbəni redaktə et]

Salatın Əhmədli 18 oktyabr 1956-cı ildə Ağstafa rayonunun Poylu qəsəbəsində anadan olmuşdur. 1980-ci ildə Azərbaycan Dövlət Universitetini bitirmişdir.

Hazırda Azərbaycan Memarlıq və İnşaat UniversitetiAzərbaycan Dillər Universitetiin azərbaycan dili və ədəbiyyat müəllimidir. "Kitab Evi" İctimai Birliyinin sədridir. Eyni zamanda "Məhsəti" şairlər Məclisinin "Məhsəti" jurnalının baş redaktorunun müavinidir. Salatın Əhmədli "Turan" Qadınlar Mərkəzinin, "Bura Vətəndir" və DAMM-ın Qadınlar Şurası İdarə Heyətinin üzvüdür. 2007-ci ildə Hüseyn Cavidin 125 illiyi ilə əlaqədar "Тuran" Qadınlar mərkəzinin xətti və "Kazım Qara Bəkir Paşa" vəqfinin başqanı Timsal xanımın dəvəti ilə Türkiyə Cümhuriyyətində keçirilən tədbirlərdə olmuşdur.

Ailəlidir. Bakı metropoliteninin sabiq rəisi Tağı Əhmədovun həyat yoldaşıdır, iki övladı və beş nəvəsi vardır.

Yaradıcılığı[redaktə | mənbəni redaktə et]

S.Əhmədlinin 2008-ci ildə "Xalq şairi Nəriman Həsənzadəyə Poylu beşiyimdən məktub" (I–II nəşr), "Səfərnamə", "Ömrünü Qazaxda yaşayan şair", "Həcc ziyarəti", "Hüseyn Cavidin ev muzeyi", "Sənsiz" (tərtibçi), "Azərbaycan Poeziya çələngi" (iki müəlliflə), "Məhsəti" Ensiklopedik Toplu (iki müəlliflə), "XIX əsr Azərbaycan ədəbiyyatı" I cild, "Poeziya" (iki müəlliflə), "Şairlər vətəni bizim tərəflər" (Antologiya, iki müəlliflə) kitabları və "Heydər Əliyevin dil siyasəti" monoqrafıyası işıq üzü görmüşdür.

"Heydər Əliyevin dil siyasəyi" kitabı Türkiyədə çap olunmuşdur. Xeyli sayda elmi və publisistik məqalələri xaricdə və respublikanın dövrü mətbuatında çap edilmişdir.

Elmi fəaliyyəti[redaktə | mənbəni redaktə et]

2010-cu ildə "Heydər Əliyevin dil siyasəti" mövzusunda dissertasiya müdafıə edərək filologiya üzrə fəlsəfə doktoru elmi adını almışdır. Yaradıcılıq xidmətlərinə görə ictimai təşkilatların "Qızıl Qələm" və "Cəfər Cabbarlı"[1] mükafatlarına layiq görülmüşdür.

Azərbaycan Yazıçılar Birliyinin üzvüdür.

Əsərləri[redaktə | mənbəni redaktə et]

  • "Xalq şairi Nəriman Həsənzadəyə Poylu beşiyimdən məktub" (I, II nəşr) Bakı, MBM, 2008; 2009, 124 səh.
  • "Səfərnamə" Bakı, MBM, 2008, 256 səh.
  • "Ömrünü Qazaxda yaşayan şair", Bakı, Qanun, 2008, 408 səh.
  • "Hüseyn Cavidin ev Muzeyi", Bakı, Şirvannəşr, 2009, 168 səh.
  • "Həcc Ziyarəti" Bakı, Şirvannəşr, 2009, 64 səh.
  • "Heydər Əliyevin dil siyasəti", Bakı, MBM, 2008, 96 səh.
  • "Heydər Əliyevin dil siyasəti"(Rəsmi sənədlər), Bakı, Şirvannəşr,2009,136səh.
  • Müseyib Məmmədov "Sənsiz" (tərtibatçı), Bakı, Şirvannəşr, 2009, 94 səh.
  • "Azərbaycan poeziya çələngi" (iki müəlliflə), Ваkı, Qanun, 2008, 291 səh.
  • "Məhsəti". Ensiklopedik toplu (iki müəlliflə,) Вakı, MBM, 2008, 298 səh.
  • "XIX əsr Azərbaycan ədəbiyyatı" I cild. Poeziya (iki müəlliflə), Ваkı,"Nurlar", 2009, 704 səh.
  • "Heydər Əliyevin dil siyasəti" (monoqrafıya), Ваkı, "İncə" Nəşriyyat Evi, 2010, 212 səh.
  • "Haydar Aliyevin Dil Siyaseti", Türkiye, Eskişehir, 2010, 83 səh.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]