Tağı Əhmədov

Vikipediya, azad ensiklopediya
Jump to navigation Jump to search
Tağı Əhmədov
Taghi Ahmadov 2.jpg
Şəxsi məlumatlar
Doğum tarixi 1 fevral 1949(1949-02-01) (73 yaş)
Doğum yeri
Partiya
Təhsili
Həyat yoldaşı

Təltifləri Fəxri dəmiryolçu
"Şöhrət" ordeni
Azərbaycan Respublikasının əməkdar mühəndisi

Əhmədov Tağı Məhəmməd oğlu (1 fevral 1949, Güney Qışlaq, Şahbuz rayonu) — Bakı Metropoliteninin sabiq rəisi (1998–2014), Azərbaycan Dama Federasiyasının vitse-prezidenti, Yeni Azərbaycan Partiyası Yasamal rayon təşkilatının sədri[1].

Həyatı[redaktə | mənbəni redaktə et]

Tağı Əhmədov 1 fevral 1949-ci ildə Naxçıvan Muxtar Respublikası Şahbuz rayonunun Yuxarı Remeşin (indiki Güney Qışlaq) kəndində anadan olmuşdur. 1965-ci ildə Naxçıvan Kənd Təsərrüfatı Texnikumunu, 1977-ci ildə Azərbaycan Politexnik İnstitutunu, 1987-ci ildə Azərbaycan İnşaat Mühəndisləri İnstitutunu bitirmişdir.

1965-ci ildən "Badamlı" zavodunda fəhlə, 1970–1994-cü illərdə Bakı Metropoliteninin tunel qurğuları və yol xidmətində tunel fəhləsi, böyük tunel ustası, distansiya rəisi, 1994–1998-ci illərdə tunel qurğuları xidmətinin rəisi işləmişdir.

1997-ci ildən Azərbaycan Memarlıq və İnşaat Universitetinin aspirantıdır. Texnika elmləri namizədidir.

1998–2014-cü illərdə Bakı Metropoliteninin rəisi vəzifələrində çalışmışdır. "Tunellərin zəlzələyə davamlılığı" mövzusunda tədqiqat işi aparır.

"Fəxri Dəmiryolçu", "Bakı meropoliteni veteranı" döş nişanları, "Şöhrət ordeni" və "Azərbaycan Resbulikasının Əməkdar mühəndisi" fəxri adı və nişanı ilə təltif edilib. 2005-ci ildən Beynəlxalq Nəqliyyat Akademiyasının həqiqi üzvüdür. Bakı metropolitenini dünya standartlarına çatdırılması sahəsində xidmətlərə görə "Qızıl Buta" müstəqil milli mükafatına layiq görülüb. 2012-ci ildə ölkənin iqtisadi inkişafında xidmətlərinə və Azərbaycan elminə verdiyi töhfələrə görə akademik Yusif Məmmədəliyev adına medalla təltif olunub. 2022-ci ilədək Yeni Azərbaycan Partiyası Yasamal rayon təşkilatının sədri olmuşdur.

Evlidir, 2 övladı var.

Əsərləri[redaktə | mənbəni redaktə et]

  • Tağı Sadiqin — poetik ruhu.
  • Tağı Sadiq — rübailər
  • Bir ömrün işığı

İstinadlar[redaktə | mənbəni redaktə et]

  1. "Tağı Əhmədov: "Birinin evində silahı varsa, qonşu bu barədə polisə xəbər verməlidir"". 2016-04-06 tarixində arxivləşdirilib. İstifadə tarixi: 2015-11-20.

Xarici keçidlər[redaktə | mənbəni redaktə et]