Salome Zurabişvili

Vikipediya, açıq ensiklopediya
Jump to navigation Jump to search
Salome Zurabişvili
gürc. სალომე ზურაბიშვილი
Salome Zurabishvili in 2018.jpg
bayraqGürcüstanın 5-ci prezidentibayraq
16 dekabr 2018
Sələfi Giorgi Marqvelaşvili
bayraqGürcüstanın 6-cı Xarici İşlər naziribayraq
18 mart 2004 — 19 oktyabr 2005
Sələfi Tedo Caparidze
Xələfi Qela Bejuaşvili

Təhsili Siyasi Araşdırmalar İnstitutu (Paris)
Kolumbiya Universiteti
Doğum tarixi 18 mart 1952 (1952-03-18) (67 yaş)
Doğum yeri Paris, Fransa Fransa
Atası Levan Zurabişvili
Anası Zeynəb Kediya
Həyat yoldaşı 1. Nikoloz Qorcestani
2. Janri Kaşiya
Uşaqları oğlu: Teymuraz Qorcestani
qızı: Ketevani Qorcestani

Təltifləri "Fəxri Legion" ordeninin Zabit dərəcəsi
Xidmətlərə görə ordeni (Fransa)
İmza
Commons-logo.svg Vikianbarda əlaqəli mediafayllar

Salome Zurabişvili (gürc. სალომე ზურაბიშვილი, 18 mart 1952(1952-03-18), Paris) — Fransız və gürcü siyasətçi və siyasi xadim. Gürcüstanın 2004-cü ilin mart ayından 2005-ci ilin noyabr ayınadək xarici işlər naziri olmuşdur. Gürcüstanın Mtatsminda rayonunun millət vəkilidir. 2018-ci ilin dekabrın 16-dan Gürcüstan prezidentidir.[1]

Gürcüstandakı xarici işlər naziri olaraq təyin edildiyi müddətdə, adı Rusiyanın Gürcüstandakı rus hərbi bazalarının geri çəkilməsi ilə əlaqələndirilir.[2]

Salome Zurabişvili, Fransanın Gürcüstandakı diasporunun sədri Levan Zurabişvilinin ailəsində, Gürcüstanın siyasi mühacirlərinin ailəsində anadan olub və böyüyüb.

Həyatı[redaktə | əsas redaktə]

Salome Zurabişvili 1952-ci il martın 18-də Parisdə, gürcü siyasi mühacirlərin ailəsində, Fransanın Gürcüstan diasporunun sədri Levan Zurabişvilinin ailəsində anadan olmuşdur. Levanın atası 1921-ci ildə Gürcüstandan SSRİ işğalına görə qaçan siyasi mühacirlərdən biri idi. 1972-ci ildə Salome Zurabişvili Paris Siyasi Elmlər İnstitutunu, 1973-cü ildə Kolumbiya Universitetini, 1981-ci ildə isə Parisin Milli Təhsil məktəbini bitirmişdir.

Siyasi fəaliyyəti[redaktə | əsas redaktə]

Salome 30 il Fransa XİN-də diplomat kimi fəaliyyət göstərib. Zurabişvili Gürcüstana ilk dəfə 2001-ci ildə Fransanın Gürcüstandakı səfiri kimi gəlib[3]. Lakin 2004-cü ilin martında Zurabişvili artıq prezident Mixail Saakaşvilinin sərəncamı ilə inqilabçı hökumətdə ölkənin xarici işlər naziri təyin edilib.

Elə həmin vaxt gürcü vətəndaşlığı alan Zurabişvili bununla yanaşı fransız vətəndaşlığını da qoruyub saxlayıb. Xarici işlər naziri vəzifəsində Zurabişvili bir ildən artıq fəaliyyət göstərib. Zurabişvili xarici işlər naziri postunda əsas uğurlarından biri kimi Rusiya hərbi bazalarının ölkədən çıxarılması haqqında qərarın qəbul edilməsini göstərirdi. Hətta çıxışlarının birində deyib ki, bunu tarixi nailiyyət hesab edir. 2005-ci ildə nazirlikdən kənarlaşdırılan Salome, Saakaşviliyə müxalifət mövqeyinə keçib. 2005-ci ildən 2010-cu ilə qədər o, fəal şəkildə Saakaşvili hakimiyyətinə qarşı durub, amma müxalifət lideri elə də ola bilməyib. 2010-cu ilə qədər "Gürcüstanın yolu" müxalifət partiyasına rəhbərlik edən Zurabişvili daha sonra BMT-nin İrandakı vəziyyət üzrə monitorinqinin ekspert qrupuna daxil olub. 2013-cü ildə keçirilən prezident seçkilərində iştirak etmək istəyən Zurabişvilinin qeydiyyatdan keçmək barədə müraciəti ikili vətəndaşlığa görə rədd edilmişdi.

2016-cı ildə keçirilən parlament seçkilərində Tbilisidəki majoritar dairələrdən birində müstəqil namizəd kimi iştirak edən Zurabişvili hakim partiyanın dəstəyilə parlamentə seçilib. 2018-ci il seçkilərinə qatılmaq üçün o Fransa vətəndaşlığından imtina edib.[4]

İstinadlar[redaktə | əsas redaktə]

Xarici keçidlər[redaktə | əsas redaktə]