Sevindik bəy Avşar
| Sevindik bəy Avşar | |||||||
|---|---|---|---|---|---|---|---|
| fars. سوندوکبیگ افشار | |||||||
|
|||||||
| Monarx | |||||||
| Sələfi | ? | ||||||
| Xələfi | ? | ||||||
| Şəxsi məlumatlar | |||||||
| Doğum tarixi | 1468 | ||||||
| Vəfat tarixi | 1562 | ||||||
| Vəfat yeri | |||||||
| Dəfn yeri | Kərbəla | ||||||
| Sülalə | Səfəvilər | ||||||
| Uşaqları | Hüseyn bəy Avşar, Əlixan sultan Avşar | ||||||
| Hərbi xidmət | |||||||
| Rütbəsi | General | ||||||
Sevindik bəy Avşar (?-1562)— I Şah Təhmasibin qorçubaşısı.
Mündəricat
Həyatı[redaktə | əsas redaktə]
Sevindik bəy Avşar elinin Teymurlu oymağındandır. Atası Səfəvilər dövlətinin qurucularından olmuşdu.Gənc yaşlarından orduda xidmət etmişdi.Sıravi əsgərdən qorçubaşı vəzifəsinədək yüksəlmişdi.1538-ci ildən 1562-ci ilədək qorçubaşısı olmuşdu.
Sevindik bəy Avşar I Şah Təhmasibə sədaqətlə xidmət etmişdi. O, sarayda olurdu. Şahın yanında bir çox döyüşlərə qatılmışdı.
1546-cı ildə Alxaz (bəzi qaynaqlarda Əliqasib) mirzə Şirvan bəylərbəyi idi. Qiyam edib qardaşına qarşı çıxdı. I Təhmasib onunla danışıq aparmaq üçün qorçubaşı Sevindik bəy Avşarı göndərmişdi.
Şahqulu sultan böyük qoşunla Osmanlıların sərhəd-sınır bölgələrini viran qoymaq üçün göndərilir. Onlar Əxlat ərazisində tayfaları soyub taladılar və təqribən 5 min at, 100 min qoyun və 50 min qaramal sürüb gətirdilər. Sultan Süleyman Azərbaycandan geri çəkilən kimi I Şah Təhmasib Kiş qalasına sığınmış Dərviş Məhəmməd xanı cəzalandırmaq üçün Qarabağdan Sevindik bəy Avşarı 2500 qorçu ilə Şəkiyə göndərdi. Qızılbaşlar Şəkini dağıdıb çoxlu qənimət ələ keçirdikdən sonra geri döndülər.
1551-ci ildə I Şah Təhmasib Şəkinin müstəqilliyinə son qoymaq qərarına gəldi. Avşarların qatıldığı və Sevindik bəyin başçılıq Qızılbaş ordusu Şəkini tutub dövlətlərinə birləşdirdilər. Toygün bəy Qacar Şəkinin hakimi təyin edildi.
Faruq Sümer yazır: «Onlardan qorçubaşı Sevindik bəy 969-cu ildə (1561-1562) ölərkən yaşı 90-ı keçmişdi.
Oğlu Hüseyn bəy I Şah Təhmasibin və onun xələfi II Şah İsmayıl Səfəvinin dövründə Xorasanda, müxtəlif sancaqlarda vali olmuş, Şah Sultan Məhəmməd Xudabəndə zamanında isə vali olduğu Səbzivarda üsyan etdiyi üçün yaxalanıb öldürülmüşdü».[1]
Mənbə[redaktə | əsas redaktə]
- Ənvər Çingizoğlu, Aydın Avşar. Avşarlar. Bakı: Şuşa, 2008.
İstinadlar[redaktə | əsas redaktə]
- ↑ Oğuzlar (Türkmenler): tarihleri, boy teşkilâtı, destanları, Ankara Üniversitesi Basımevi, Ankara, 1967, 522 sayfa.
