Seymur Orucov

Vikipediya, açıq ensiklopediya
Jump to navigation Jump to search
Seymur Orucov
Orucov Seymur Vaqif oğlu
1 fevral 2019-cu ildə Bakı Konqres Mərkəzində Azərbaycan Gəncləri Gününə həsr olunmuş respublika toplantısında çıxış edərkən[1] 1 fevral 2019-cu ildə Bakı Konqres Mərkəzində Azərbaycan Gəncləri Gününə həsr olunmuş respublika toplantısında çıxış edərkən[1]

Doğum tarixi 27 oktyabr 1984 (1984-10-27) (34 yaş)
Doğum yeri Naxçıvan, Flag of the Azerbaijan Soviet Socialist Republic.svg Azərbaycan SSR
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Milliyyəti azərbaycanlı
Təhsili Azərbaycan Dövlət İqtisad Universiteti

Seymur Orucov (tam adı: Orucov Seymur Vaqif oğlu; d. 27 oktyabr 1984, SSRİ, Naxçıvan MSSR, Naxçıvan) — YAP Gənclər Birliyinin və Rabitə İşçiləri Müstəqil Həmkarlar İttifaqı Respublika Komitəsinin sədri. İqtisad elmləri üzrə fəlsəfə doktoru. “Gənclərin İntellektual İnkişafına Yardım” İctimai Birliyinin İdarə Heyətinin sədri[2].

Həyatı[redaktə | əsas redaktə]

Orucov Seymur Vaqif oğlu 1984-cü il oktyabr ayının 27-də Naxçıvan MSSR-nın Naxçıvan şəhərində anadan olmuşdur.

Orta təhsilini 2001-ci ildə bitirərək, elə həmin ildə də Azərbaycan Dövlət İqtisad Universitetinin Maliyyə-kredit fakültəsinə daxil olmuşdur. 2005-ci ildə bakalavr təhsil pilləsini bitirərək universitetin maliyyə-kredit ixtisası üzrə magistr təhsil pilləsinə qəbul olunmuş və 2007-ci ildə həmin ixtisas üzrə magistr dərəcəsi almışdır.

2007-ci ildə qəbul imtahanlarını müvəffəqiyyətlə verərək, Azərbaycan Dövlət İqtisad Universitetinin maliyyə kafedrasına aspirant kimi qəbul olunmuşdur. 2010-cu ildə iqtisad elmləri üzrə fəlsəfə doktoru alimlik dərəcəsini almaq üçün “Müasir şəraitdə dövlət büdcəsinin gəlir və xərclərinin tənzimlənməsi problemləri” mövzusunda dissertasiya işini müvəffəqiyyətlə müdafiə etmişdir.

2006-cı ildən 2009-cu ilin iyun ayına kimi Azərbaycan Dövlət İqtisad Universitetinin Tələbə Həmkarlar İttifaqı Komitəsinin sədri vəzifəsində çalışmışdır.

2009-cu il martın 18-də keçirilən referendumda qeydə alınmış “Tərəqqi” referendum üzrə təşviqat qrupunun 12 fevral 2009-cu il tarixli iclasının qərarı ilə həmin qrupun vəkil edilmiş şəxsi təyin edilmişdir[3].

2009-cu ildən 2011-ci ilin aprel ayınadək Azərbaycan Dövlət İqtisad Universitetinin Həmkarlar İttifaqı Komitəsinin sədri və 2009-cu ilin noyabr ayından 2011-ci ilin aprel ayınadək tərbiyə işləri üzrə prorektor əvəzi vəzifəsində faəliyyət göstərmişdir.

29 yanvar 2011-ci ildə Yeni Azərbaycan Partiyasının Gənclər Birliyinin, 4 aprel 2011-ci ildə isə Rabitə İşçiləri Müstəqil Həmkarlar İttifaqı Respublika Komitəsinin sədri vəzifələrinə seçilmişdir.

4 mart 2017-ci ildən Azərbaycan Respublikasının Prezidenti yanında Gənclər Fondunun Müşahidə Şurasının üzvləri təyin edilmişdir[2]. 13 mart 2018-ci ildə[4] və 29 avqust 2018-ci ildə[5] də üzv kimi təsdiqlənmişdir.

Mükafatları[redaktə | əsas redaktə]

İstinadlar[redaktə | əsas redaktə]

  1. İlham Əliyev Azərbaycan Gəncləri Gününə həsr olunmuş respublika toplantısında iştirak edib. president.az, 01.02.2019  (azərb.)
  2. 2,0 2,1 "Azərbaycan Respublikasının Prezidenti yanında Gənclər Fondunun Müşahidə Şurasının üzvlərinin təyin edilməsi haqqında" Azərbaycan Respublikası Prezidentinin 4 mart 2017-ci il tarixli, 2710 nömrəli Sərəncamı. e-qanun.az  (azərb.)
  3. "2009-cu il martın 18-nə təyin edilmiş referendumda qeydə alınmış “Tərəqqi” referendum üzrə təşviqat qrupunun vəkil edilmiş şəxslərinin qeydə alınması barədə" Azərbaycan Respublikası Mərkəzi Seçki (Referendum) Komissiyasının 16 fevral 2009-cu il tarixli, 12/57 nömrəli Qərarı  (azərb.)
  4. "Azərbaycan Respublikasının Gənclər Fondu Müşahidə Şurasının tərkibinin təsdiq edilməsi haqqında" Azərbaycan Respublikası Prezidentinin 13 mart 2018-ci il tarixli, 3784 nömrəli Sərəncamı  (azərb.)
  5. "“Azərbaycan Respublikasının Gənclər Fondu Müşahidə Şurasının tərkibinin təsdiq edilməsi haqqında” Azərbaycan Respublikası Prezidentinin 2018-ci il 13 mart tarixli 3784 nömrəli Sərəncamında dəyişiklik edilməsi barədə" Azərbaycan Respublikası Prezidentinin 13 mart 2018-ci il tarixli, 444 nömrəli Sərəncamı  (azərb.)
  6. "Təhsil İşçiləri Azad Həmkarlar İttifaqının bir qrup əməkdaşının "Tərəqqi" medalı ilə təltif edilməsi haqqında" Azərbaycan Respublikası Prezidentinin 4 iyun 2010-cu il tarixli, 951 nömrəli Sərəncamı. e-qanun.az  (azərb.)
  7. "Azərbaycan gənclərinin “Azərbaycan Respublikası Prezidentinin fəxri diplomu” ilə təltif edilməsi haqqında" Azərbaycan Respublikası Prezidentinin 28 yanvar 2016-cı il tarixli, 1749 nömrəli Sərəncamı. e-qanun.az  (azərb.)