Əsgər Orucov

Vikipediya, azad ensiklopediya
Jump to navigation Jump to search
Əsgər Orucov
Əsgər Orucov.jpg
bayraqAzərbaycan SSR Nazirlər Soveti sədrinin birinci müavinibayraq
31 mart 1962 — 23 oktyabr 1965
Sədrlər Ənvər Əlixanov
Sələfi Rza Sadıqov
Xələfi Əli İbrahimov
bayraqAzərbaycan SSR Nazirlər Soveti sədrinin müavinibayraq
23 oktyabr 1965 — 20 oktyabr 1970
Sədrlər Ənvər Əlixanov
Əli İbrahimov
4 fevral 1960 — 31 mart 1962
Sədrlər Ənvər Əlixanov
bayraqAzərbaycan SSR kənd təsərrüfatı məhsulları istehsalı və tədarükü naziribayraq
31 mart 1962 — 10 mart 1965
Sələfi Ələkbər Quliyev
(kənd təsərrüfatı naziri kimi)
Məcid Hüseynov
(tədarük naziri kimi)
Xələfi Məmməd Xəlilov
(kənd təsərrüfatı naziri kimi)
Şəxsi məlumatlar
Doğum tarixi 1907
Partiya
Elmi fəaliyyəti
Elmi dərəcəsi kənd təsərrüfatı elmləri doktoru
Elmi adı professor

Təltifləri "Qırmızı əmək bayrağı" ordeni — 1966

Əsgər Qasım oğlu Orucov — Azərbaycan-sovet alimi və dövlət xadimi, kənd təsərrüfatı elmləri doktoru, professor, Azərbaycan SSR Nazirlər Soveti sədrinin birinci müavini (1962–1965) və müavini (1960–1962, 1965–1970), Azərbaycan SSR kənd təsərrüfatı məhsulları istehsalı və tədarükü naziri (1962–1965).

Həyatı[redaktə | mənbəni redaktə et]

Əsgər Orucov 1907-ci ildə kəndli ailəsində anadan olmuşdur. 1928-ci ildən məktəb direktoru vəzifəsində işləmiş, 1930-cu ildən Azərbaycan Kənd Təsərrüfatı İnstitutunun tələbəsi, aspirantı və dosenti olmuşdur. 1941–1943-cü illərdə kolxoz sədri, Ağstafa Rayon İcraiyyə Komitəsinin sədri vəzifələrində işləmişdir. 1943-cü ildən Azərbaycan SSR xalq yeyinti komissarının müavini olmuşdur.[1]

Əsgər Orucov 1948–1959-cu illərdə Azərbaycan Elmi-Tədqiqat Pambıqçılıq İnstitutunun direktoru, Azərbaycan SSR Kənd Təsərrüfatı Elmləri Akademiyasının baş elmi katibi işləmişdir. 1960-cı ildən Azərbaycan SSR Nazirlər Soveti sədrinin müavini, 1962-ci ildən birinci müavini və paralel olaraq Azərbaycan SSR kənd təsərrüfatı məhsulları istehsalı və tədarükü naziri olmuşdur. 1965-ci ildə isə yenidən Azərbaycan SSR Nazirlər Soveti sədrinin müavini təyin edilmişdir.[2]

Əsgər Orucov 1941-ci ildən ÜİK(b)P (Sov.İKP) üzvü olmuş, Azərbaycan SSR Ali Sovetinə (5–7-ci çağırış) deputat seçilmişdir.[1] 1960-cı ildən Azərbaycan Kommunist Partiyası Mərkəzi Komitəsinin və 1963–1964-cü illərdə paralel olaraq Mərkəzi Komitənin kənd təsərrüfatı bürosunun üzvü olmuşdur. "Qırmızı əmək bayrağı" ordeni ilə təltif edilmişdir (1966).[3]

İstinadlar[redaktə | mənbəni redaktə et]

  1. 1 2 Оруҹов Әсҝәр Гасым оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 275.
  2. Оруҹов Әсҝәр Гасым оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 250.
  3. Orudzhev, Asker Kasumogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 457.

Həmçinin bax[redaktə | mənbəni redaktə et]