Səftər Cəfərov

Vikipediya, azad ensiklopediya
Jump to navigation Jump to search
Səftər Cəfərov
Saftar Jafarov.jpg
bayraqAzərbaycan SSR Ali Soveti Rəyasət Heyətinin sədribayraq
26 noyabr 1959 — 16 noyabr 1961
Sələfi İlyas Abdullayev
Xələfi Məmməd İsgəndərov
bayraqAzərbaycan SSR Ali Soveti Rəyasət Heyətinin sədr müavinibayraq
1957 — 26 noyabr 1959
bayraqAzərbaycan SSR Ali Soveti Rəyasət Heyətinin katibibayraq
24 mart 1947 — 1957
Sələfi Kübra Fərəcova
Xələfi Zərifə Şükürova
bayraqAzərbaycan SSR torpaq naziribayraq
28 mart 1946 — 22 mart 1947
Sələfi vəzifənin adı dəyişdirilib
Xələfi vəzifə ləğv edilib
bayraqAzərbaycan SSR xalq torpaq komissarıbayraq
27 oktyabr 1940 — 28 mart 1946
Sələfi Ələkbər Əliyev
Xələfi vəzifənin adı dəyişdirilib
bayraqNaxçıvan MSSR Mərkəzi İcraiyyə Komitəsinin sədribayraq
1937 — 1937
bayraqAzərbaycan SSR xalq ədliyyə komissarıbayraq
1933 — 1935
bayraqAzərbaycan SSR prokurorubayraq
1932 — 1935
Şəxsi məlumatlar
Doğum tarixi 1900
Doğum yeri
Vəfat tarixi 16 noyabr 1961(1961-11-16)
Vəfat yeri
Dəfn yeri
Partiya
Təhsili

Təltifləri "Lenin" ordeni — 1960 "Lenin" ordeni — 1943 "Qırmızı əmək bayrağı" ordeni — 1940 "Qırmızı əmək bayrağı" ordeni
İmzanın şəkli
Vikianbarın loqosu Vikianbarda əlaqəli mediafayllar

Səftər Məmməd oğlu Cəfərov (1900, Pirşağı, Bakı qəzası16 noyabr 1961, Bakı) — Azərbaycan-sovet dövlət xadimi, Azərbaycan SSR Ali Soveti Rəyasət Heyətinin sədri (1959–1961).

Həyatı[redaktə | mənbəni redaktə et]

Səftər Cəfərov 1900-cü ildə Bakı qəzasının Pirşağı kəndində kəndli ailəsində anadan olmuşdur. 15 yaşından işləməyə başlamış, xüsusi sahibkarların yanında fəhləlik etmişdir.[1] Həmin illərdə fəhlə hərəkatına qoşulmuşdur.[2]

1920-ci ilin aprelində Azərbaycanda Sovet hakimiyyəti qurulduqda Səftər Cəfərov Qızıl Orduya daxil olmuş, həmin ilin oktyabrında isə Sov.İKP üzvlüyünə qəbul edilmişdir. O, Qızıl Orduda 1932-ci ilədək xidmət etmiş, sıravi əsgər rütbəsindən siyasi işçi vəzifəsinədək yüksəlmişdir. Batalyon və polk hərbi komissarı, diviziya qərargahı rəisinin siyasi hissə üzrə köməkçisi, sonra isə Styopin adına Azərbaycan ikinci Qafqaz atıcı diviziyasının və Xəzər hərbi donanmasının hərbi prokuroru olmuşdur.[1][3]

1932-ci ildən 1935-ci ilədək Azərbaycan SSR-in prokuroru, 1933-cü ildən eyni zamanda Azərbaycan SSR xalq ədliyyə komissarı vəzifəsində işləmişdir. Sonralar Naxçıvan MSSR Mərkəzi İcraiyyə Komitəsinin sədri, Moskvada SSRİ Xalq Komissarları Soveti yanında Azərbaycan SSR-in daimi nümayəndəsi olmuş, 1940-cı ilin oktyabrında isə Azərbaycan SSR xalq torpaq komissarı vəzifəsinə təyin edilmişdir.[1][4]

Səftər Cəfərov 1947-ci ilin əvvəlində Azərbaycan SSR Ali Soveti Rəyasət Heyətinin katibi, 1957-ci ildə sədr müavini, 1959-cu ilin noyabrında isə sədri seçilmişdir. 1959-cu ildən Azərbaycan KP MK siyasi bürosunun üzvü olmuşdur.[1]

Sov.İKP 22-ci qurultayının, Azərbaycan KP 19–25-ci qurultaylarının nümayəndəsi olmuşdur. Sov.İKP 22-ci qurultayında Sov.İKP mərkəzi təftiş komissiyasının üzvü seçilmişdir. Azərbaycan SSR Ali Sovetinin 1–5 çağırış deputatı olmuşdur.[2]

Səftər Cəfərov 16 noyabr 1961-ci ildə Bakıda ürək-damar xəstəliyindən vəfat etmiş[1][3] və 19 noyabrda Fəxri Xiyabanda dəfn edilmişdir.[5]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 3 4 5 Сәфтәр Мәммәд оғлу Ҹәфәров // Коммунист. № 271 (11830). 18 нојабр 1961-ҹи ил. С. 3.
  2. 1 2 Ҹәфәров Сәфтәр Мәммәд оғлу // Азәрбајҹан Совет Енсиклопедијасы: [10 ҹилддә]. X ҹилд: ФростШүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 432.
  3. 1 2 Fəxri Xiyaban. Bakı: Heydər Əliyev Fondu. 2007. səh. 37.
  4. Dzhafarov, Saftar Mamed ogly // Who was who in the USSR (ingilis). Metuchen, New Jersey: Scarecrow Press. 1972. səh. 151.
  5. С. М. Ҹәфәровун дәфни // Коммунист. № 273 (11832). 20 нојабр 1961-ҹи ил. С. 4.

Xarici keçidlər[redaktə | mənbəni redaktə et]