Fərhad Salmanov

Fərhad Salmanov
Fərhad Salmanov
Azərbaycan SSR pambıqtəmizləmə sənayesi naziri
	15 yanvar 1981 – 11 dekabr 1985
Əvvəlki	idarə nazirliyə çevrilib
Sonrakı	nazirlik ləğv edilib
Azərbaycan SSR Baş Pambıqtəmizləmə Sənayesi İdarəsinin rəisi
	27 mart 1980 – 15 yanvar 1981
Sonrakı	idarə nazirliyə çevrilib
Şəxsi məlumatlar
Doğum tarixi	13 yanvar 1935
Doğum yeri	Tovuz
Vəfat tarixi	9 sentyabr 2015 (80 yaşında)
Partiya	Sovet İttifaqı Kommunist Partiyası (1964-cü ildən);
Təhsili	Daşkənd Tekstil və Yüngül Sənaye İnstitutu;

Fərhad Rza oğlu Salmanov — Azərbaycan mühəndisi və dövlət xadimi, Azərbaycan SSR pambıqtəmizləmə sənayesi naziri (1980–1985).

Həyatı

Fərhad Rza oğlu Salmanov 1935-ci ildə qulluqçu ailəsində anadan olmuşdur. Daşkənd Toxuculuq İnstitutunu bitirmişdir.^[1]

1959–1960-cı illərdə Ləki pambıqtəmizləmə zavodunun növbə rəisi, Dəliməmmədli pambıq zavodunun böyük mühəndisi, 1961-ci ildən Azərbaycan SSR Pambıqtəmizləmə Sənayesi İdarəsində böyük mühəndis, istehsal-texniki şöbənin rəisi, baş mühəndis olmuşdur. 1980–1981-ci illərdə Azərbaycan SSR Baş Pambıqtəmizləmə Sənayesi İdarəsinin rəisi, 1981-ci ildən Azərbaycan SSR pambıqtəmizləmə sənayesi naziri vəzifəsində çalışmışdır.^[1]

Fərhad Salmanov 1964-cü ildən Sovet İttifaqı Kommunist Partiyasının üzvü olmuş, Azərbaycan SSR Ali Sovetinin X çağırış deputatı seçilmişdir. Azərbaycan Kommunist Partiyası Təftiş Komissiyasının üzvü olmuşdur.^[1]

İqtisadi cinayətlərin hüquqi müstəvidə əks-sədası kimi, mərkəzi mətbuatda ("Trud" qəzeti) Azərbaycan SSR Pambıqtəmizləmə Sənayesi naziri Fərhad Salmanovun məhkəmə prosesi barədə "Qara pambıq" adlı hesabatın dərc edildiyi bildirilmişdir. Bu fakt kağız üzərində rəsmiləşdirilən, lakin real istehsalat konveyerində mövcud olmayan saxta pambıq dövriyyəsinin müəyyən qruplar üçün qanunsuz varlanma mənbəyinə çevrildiyini sübut etmişdir. Bəxtiyar Vahabzadə "Haram tikə və ya "Ağ qızıl"ın qara ləkəsi" adlı məqaləsində qeyd etmişdir ki, respublikanın Ümumittifaq sosializm yarışlarında qazandığı uğurlar və "bir milyon ton pambıq" barədə bəyanatların mühüm bir qismi statistik manipulyasiya və saxtakarlıq üzərində qurulmuşdur.^[2]

İstinadlar

1 2 3 Салманов Фәрһад Рза оғлу // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 348.
↑ Vahabzadə, Bəxtiyar. Haram tikə və ya "Ağ qızıl"ın qara ləkəsi // M. Həsənov (redaktor). Gəlin açıq danışaq... məqalələr toplusu (az.). Bakı: Azərnəşr. 1988. 10–14.

[dep10-1] 1 2 3 Салманов Фәрһад Рза оғлу // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 348.

[vahabzadə-2] Vahabzadə, Bəxtiyar. Haram tikə və ya "Ağ qızıl"ın qara ləkəsi // M. Həsənov (redaktor). Gəlin açıq danışaq... məqalələr toplusu (az.). Bakı: Azərnəşr. 1988. 10–14.

[1]

[2]