Yunis Rzayev

Yunis Rzayev
Yunis Qəhrəman oğlu Rzayev
Azərbaycan SSR Dövlət Üzümçülük və Şərabçılıq Komitəsinin sədri 1973 — 24 yanvar, 1985
Şamaxı Rayon Partiya Komitəsinin birinci katibi 1970 — 1973
Ermənistan Dövlət Meşə Təsərrüfatı Komitəsinin sədr müavini 1968 — 1970
Basarkeçər Rayon Partiya Komitəsinin birinci katibi 1965 — 1966
Krasnoselo Rayon Partiya Komitəsinin birinci katibi 1957 — 1962
Şəxsi məlumatlar
Partiya	Sovet İttifaqı Kommunist Partiyası
Doğum tarixi	2 may 1924(1924-05-02)
Doğum yeri	Şişqaya Basarkeçər rayonu Göyçə mahalı
Vəfat tarixi	24 yanvar 1985 (60 yaşında)
Vəfat yeri	Bakı
Dəfn yeri	II Fəxri Xiyaban
Atası	Qəhrəman (?–1946)
Uşaqları	Müşgünaz Minarə Gülarə Vəsilə
Mükafatları

Yunis Rzayev (azərb. Rzayev Yunis Qəhrəman oğlu‎; d. 2 may, 1924, Şişqaya, Basarkeçər rayonu, Göyçə mahalı – ö. 24 yanvar, 1985, Bakı) — Azərbaycan ictimai və dövlət xadimi.

Həyatı

Yunis Rzayev 2 may 1924-cü ildə Göyçə mahalının Basarkeçər rayonunun Şişqaya kəndində anadan olub. 1943–1946–cı illərdə ordu sıralarında xidmət etmiş, Zaqafqaziya Hərbi Dairəsi nəzdində siyasi məktəbdə oxumuşdur.

1950-1953-cü illərdə Azərbaycan Dövlət Universitetinin tarix fakültəsində təhsil almış, həmçinin Azərbaycan KP MK nəzdində Ali Partiya məktəbini bitirmişdir. O, sonralar, 1960–1962–ci illərdə Moskva şəhərində keçmiş Sovet İttifaqı Kommunist Partiyası Mərkəzi Komitəsi yanında Ali Partiya məktəbində təhsilini davam etdirmişdir.

Ermənistan KP Basarkeçər rayon komitəsində təlimatçı kimi işə qəbul edilmiş, 1950-ci ildə Basarkeçər Rayon Partiya Komitəsində şöbə müdiri vəzifəsinə irəli çəkilmiş, 1953-cü ildən İcraiyyə Komitəsinin sədri olmuş, 1957–ci ildə Krasnoselo Rayon Partiya Komitəsinin birinci katibi seçilmişdir.

Yunis Rzayev 1962–1963–cü illərdə Martuni Rayon Kolxoz–sovxoz İstehsalat İdarəsində partiya təşkilatçısı, 1963–cü ildən 1965–ci ilə qədər Basarkeçər Rayon Kolxoz–sovxoz İstehsalat İdarəsi partiya komitəsinin katibi vəzifələrində çalışmışdır. 1965–1966–cı illərdə Basarkeçər Rayon Partiya Komitəsinin birinci katibi, 1968–1970–ci illərdə Ermənistan Dövlət Meşə Təsərrüfatı Komitəsinin sədr müavini vəzifəsində işləmişdir.

Yunis Rzayev 1954–1959–cu illərdə Ermənistan KP MK üzvlüyünə namizəd, 1959–cu ildən isə üzvü olmuş, Sov.İKP XXIII–XXIV qurultaylarının nümayəndəsi, VII çağırış SSRİ Ali Sovetinin, IV, V, VI çağırış Ermənistan SSR Ali Sovetinin deputatı və respublika Ali Soveti Rəyasət Heyəti sədrinin müavini seçilmişdir.

Heydər Əliyev və Yunis Rzayev şərab zavodunda müşavirədə

1970-1973–cü illərdə Şamaxı Rayon Partiya Komitəsinin birinci katibi, 1985–ci ilin 24 yanvarınadək Dövlət Üzümçülük və Şərabçılıq Komitəsinin sədri vəzifəsində işləmişdir.

Böyük ictimai xadim Yunis Rzayev VIII, IX və X çağırış Azərbaycan SSR Ali Sovetinin deputatı olmuş, əməyi dövlət tərəfindən "Lenin", "Oktyabr İnqilabı", üç "Qırmızı Əmək Bayrağı" ordenləri, 9 medal və fəxri fərmanlarla qiymətləndirilmişdir.

Yunis Rzayev 1985-ci il yanvarın 24-də Bakı şəhərində vəfat edib. II Fəxri Xiyabanda dəfn olunub.

Ədəbiyyat

1. Eldar İsmayıl. "Oğuz yurdun övladları", I kitab, Bakı, "Təbib", 1999. səh.69-70.
2. Tofiq Hüseynov. "Yaddaşlara həkk olunmuş mənalı ömür". "Respublika" qəzeti, 23 yanvar 2005.
3. Tofiq Hüseynov. "Dünyаnın şirnisin, аcısın dаddım", Bakı, "Təbib", 2006. səh.180-182.
4. Çingiz Fərəcov. "Həyatın burulğanında". "Ədəbi İrəvan-2006", Bakı, Nurlan nəşriyyatı, 2007. səh.449-460.
5. "Kənd həyatı" qəzeti, 3 may, 2010, №05(8581)
6. Qədir Aslan, "Qəlblərdə yaşayan insan", "Respublika" qəzeti. 2013.- 19 aprel.- Səh. 8.
7. Bayramov, Vaqif. "Şərəfli ömür yolu", Üzümçülük və Şərabçılıq Komitəsinin sədri - Yunis Qəhrəman oğlu Rzayev / V.Bayramov // Xalq qəzeti. - 2013. - 28 aprel
8. Məmməd, Əfşan. Mən görən kişilər / Ə. Məmməd. I kitab. - Bakı: Azərbaycan nəşriyyatı, 2002.

Həmçinin bax

• Ermənistan azərbaycanlıları
• Məhərrəm Musayev, Mikayıl Bayramov və Tapdıq Əmiraslanovun qudasıdır.
• 2004-2013-cü illərdə Azərbaycanın Kənd Təsərrüfatı naziri olmuş İsmət Abasovun qaynatasıdır.

Xarici keçidlər

• "YUNIS RZAYEV" (azərb.). goyche.info (09.01.2011).
• Çingiz Fərəcov. "Dünya, səndə nəyim qaldı" (azərb.). azerbaijan-news.az (30 Aprel 2013).