Murad Aşurov
| Murad Aşurov | |
|---|---|
 | |
Xanlar Rayon İcra Hakimiyyətinin başçısı | |
| noyabr 1991 – 30 sentyabr 1992 | |
| Əvvəlki | vəzifə təsis edilib |
| Sonrakı | Pənah Məmmədov |
Yevlax Rayon Xalq Deputatları Sovetinin sədri | |
| 1990 – 1991 | |
| Sonrakı | vəzifə təsis edilib |
Azərbaycan Kommunist Partiyası Yevlax Şəhər Komitəsinin birinci katibi | |
| ? – 1991 | |
Azərbaycan SSR Dövlət Üzümçülük və Şərabçılıq Komitəsinin sədri | |
| 21 may 1985 – 12 dekabr 1985 | |
| Əvvəlki | Yunis Rzayev |
| Sonrakı | vəzifə ləğv edilib |
Azərbaycan Kommunist Partiyası Xanlar Rayon Komitəsinin birinci katibi | |
| 1978 – 1985 | |
| Sonrakı | Feyruz Mustafayev |
| Şəxsi məlumatlar | |
| Doğum tarixi | 1941 |
| Doğum yeri | |
| Vəfat tarixi | may 2017 |
| Təhsili | |
| Fəaliyyəti | siyasətçi |
|
|
|
| Təltifləri |
  |
Murad Məmməd oğlu Aşurov (1941, Zod, Basarkeçər rayonu – may 2017) — Xanlar Rayon İcra Hakimiyyətinin başçısı, Yevlax Rayon Xalq Deputatları Sovetinin sədri, Azərbaycan Kommunist Partiyası Xanlar Rayon və Yevlax Şəhər Komitəsinin birinci katibi.
Həyatı
[redaktə | vikimətni redaktə et]Murad Aşurov 1941-ci ildə Ermənistan Sovet Sosialist Respublikasının Basarkeçər rayonunun Zod kəndində anadan olmuşdur. O, Xanlar pedaqoji məktəbində təhsil almışdır. 1960-cı ildə əmək fəaliyyətinə başlamışdır. O, Jdanov rayonunun Xələc kənd orta məktəbində müəllimlik etmişdir.
1962-ci ildə Azərbaycan Dövlət Universiteti yanında hazırlıq kursunu bitirərək Azərbaycan Dövlət İncəsənət İnstitutuna daxil olmuşdur. 1 il sonra qiyabi şöbəyə keçərək Xanlar rayonuna qayıtmışdır. 1968-ci ildə isə məzun olmuşdur. O, 1969-cu ildə Bakı Ali Partiya Məktəbinə təhsil almağa göndərilmişdir. Azərbaycan Kommunist Partiyası Xanlar Rayon Komitəsinin birinci katibi olduğu müddətdə Səməd Ağamalıoğlu adına Azərbaycan Kənd Təsərrüfatı Akademiyasında aqronomluq təhsili almışdır.
İctimai-siyasi fəaliyyəti
[redaktə | vikimətni redaktə et]Murad Aşurov Xanlar rayonuna qayıtdıqdan sonra Xanlar Rayon Xalq Deputatları Soveti İcraiyyə Komitəsinin mədəniyyət şöbəsinin təlimatçısı olaraq çalışmışdır. 1965–1968-ci illərdə Xanlar Rayon Komsomol Komitəsində məktəbli gənclər şöbəsinin müdiri vəzifəsində çalışmışdır.
1968-ci ildə Azərbaycan Kommunist Partiyası Xanlar Rayon Komitəsinin təlimatçısı vəzifəsinə təyin olunmuşdur. O, 1969-cu ilədək bu vəzifədə çalışmışdır. Ali partiya təhsilini aldıqdan sonra o, 1971–1975-ci illərdə Azərbaycan Kommunist Partiyası Xanlar Rayon Komitəsinin təbliğat və təşviqat şöbəsinin müdiri, daha sonra isə Azərbaycan Kommunist Partiyası Xanlar Rayon Komitəsinin ikinci katibi vəzifəsində işləmişdir.
Murad Aşurov 1978-ci ildən 1985-ci ilədək Azərbaycan Kommunist Partiyası Xanlar Rayon Komitəsinin birinci katibi vəzifəsini daşımışdır. 1985-ci ildə Azərbaycan SSR Dövlət Üzümçülük və Şərabçılıq Komitəsinin sədri işləmiş, daha sonra Azərbaycan Kommunist Partiyası Yevlax Şəhər Komitəsinin birinci katibi vəzifəsinə seçilmişdir.
Müstəqillik dövründə Yevlax Şəhər İcra Hakimiyyətinin başçısı təyin olunmuşdur. Azərbaycan Prezidenti Əbülfəz Elçibəyin 30 sentyabr 1992-ci il tarixli 228 nömrəli fərmanı ilə bu vəzifədən azad edilmişdir.[1]
Parlamentdə
[redaktə | vikimətni redaktə et]Murad Aşurov Azərbaycan SSR Ali Sovetinin X çağırış və XII çağırış deputatı seçilmişdir.
XII çağırış ərzində Murad Aşurov Dövlət idarəetmə sisteminin təkmilləşdirilməsi ilə əlaqədar Azərbaycan Respublikasının Konstitusiyasına (Əsas Qanununa) dəyişikliklər və əlavələr haqqında Qanun layihəsinin işlənib tamamlanması üzrə Redaksiya komissiyasının,[2] DQMV-də vəziyyəti normallaşdırmaq tədbirləri haqqında Azərbaycan Respublikası Ali Sovetinin qərar layihəsini hazırlamaq üçün Redaksiya komissiyasının,[3] Qaçqınlar məsələsi ilə əlaqədar olaraq Azərbaycan Respublikası Ali Soveti komissiyasının[4] üzvü seçilmişdir.
Mükafatları
[redaktə | vikimətni redaktə et]Murad Aşurov 10 yanvar 1991-ci ildə respublikanın partiya və sovet orqanlarında uzun illər səmərəli işlədiyinə görə Murad Məmməd oğlu Aşurov Azərbaycan Sovet Sosialist Respublikasının prezidenti Ayaz Mütəllibovun 131 nömrəli fərmanı ilə Azərbaycan SSR-in Fəxri fərmanı ilə təltif olunmuşdur.[5]
O, həmçinin "Oktyabr inqilabı" və "Şərəf nişanı" ordenləri və SSRİ medalları ilə də təltif olunmuşdur.
İstinadlar
[redaktə | vikimətni redaktə et]- ↑ "Arxivlənmiş surət". 2022-04-20 tarixində arxivləşdirilib. İstifadə tarixi: 2022-04-20.
- ↑ "Arxivlənmiş surət". 2022-04-20 tarixində arxivləşdirilib. İstifadə tarixi: 2022-04-20.
- ↑ "Arxivlənmiş surət". 2022-04-20 tarixində arxivləşdirilib. İstifadə tarixi: 2022-04-20.
- ↑ "Arxivlənmiş surət". 2022-04-20 tarixində arxivləşdirilib. İstifadə tarixi: 2022-04-20.
- ↑ "Arxivlənmiş surət". 2022-04-20 tarixində arxivləşdirilib. İstifadə tarixi: 2022-04-20.
 Göygöl rayonunun rəhbərləri | |||||
|---|---|---|---|---|---|
| Azərbaycan SSR |
| ||||
| Azərbaycan Respublikası |
| ||||
Qeyd 1: Göygöl rayonu 8 avqust 1930-cu ildə dövlət xadimi Nəriman Nərimanovun şərəfinə Nərimanov rayonu adı ilə təşkil olunmuşdur. 29 noyabr 1938-ci ildə isə Nərimanov rayonunun adı Xanlar rayonu olaraq dəyişdirilmişdir. 4 yanvar 1963-cü ildə Daşkəsən rayonu ləğv olunaraq Xanlar rayonuna birləşdirilmişdir. 6 yanvar 1965-ci ildə Daşkəsən rayonu yenidən müstəqil rayon olaraq təşkil olunmuşdur. 28 fevral 1992-ci ildə rayonun ərazisi iki yerə bölünərək Samux rayonu yaradılmışdır. 7 may 2008-ci ildə Xanlar rayonunun adı Göygöl rayonu olaraq dəyişdirilmişdir. Qeyd 2: Xalq Deputatları Soveti 1977-ci ilədək Zəhmətkeş Deputatları Soveti adlanmışdır. | |||||
Yevlax şəhərinin və Yevlax rayonunun rəhbərləri | |||||||||
|---|---|---|---|---|---|---|---|---|---|
| Azərbaycan SSR |
| ||||||||
| Azərbaycan Respublikası |
| ||||||||
Qeyd 1: Yevlax rayonu 20 fevral 1935-ci ildə təşkil edilmişdir. 1 fevral 1939-cu ildə Yevlaxa şəhər statusu verilmişdir. 4 yanvar 1963-cü ildə Yevlax rayonu ləğv edilərək Qasım İsmayılov rayonuna birləşdirilmişdir. Həmçinin Yevlax şəhəri mərkəz olmaqla Yevlax Şəhər Soveti və Naftalan Qəsəbə Sovetinin daxil olduğu Yevlax sənaye rayonu da təşkil edilmişdir. Eyni tarixdə Yevlax şəhəri respublika tabeli şəhərə çevrilmişdir. 6 yanvar 1965-ci ildə Yevlax sənaye rayonu ləğv edilmiş, əvəzinə yenidən Yevlax rayonu təşkil edilmişdir. Qeyd 2: 9 mart 1966-ci ildə Yevlax sənaye rayonuna xidmət etmiş Yevlax Şəhər Soveti və Yevlax Rayon Soveti vahid Yevlax Şəhər Soveti adı altında birləşdirilmişdir. Bu tarixdən Yevlax rayonu və Yevlax şəhərinə Yevlax Şəhər Soveti xidmət göstərmişdir. 1991-ci ildən etibarən isə Yevlax Şəhər İcra Hakimiyyəti həm Yevlax rayonuna, həm də Yevlax şəhərinə xidmət göstərir. Qeyd 3: Xalq Deputatları Soveti 1977-ci ilədək Zəhmətkeş Deputatları Soveti adlanmışdır. 29 noyabr 1991-ci ildə Yevlax rayon və Yevlax şəhər xalq deputatları sovetləri vahid Yevlax Şəhər Xalq Deputatları Soveti adı altında birləşdirilmişdir. | |||||||||
- 1941-ci ildə doğulanlar
- Zodda doğulanlar
- 2017-ci ildə vəfat edənlər
- Azərbaycan Dövlət Mədəniyyət və İncəsənət Universitetinin məzunları
- Bakı Ali Partiya Məktəbinin məzunları
- Azərbaycan Dövlət Aqrar Universitetinin məzunları
- "Oktyabr inqilabı" ordeni ilə təltif edilənlər
- "Şərəf nişanı" ordeni ilə təltif edilənlər
- Əlifba sırasına görə vəzifəli şəxslər
- Azərbaycan Kommunist Partiyası Xanlar Rayon Komitəsinin birinci katibləri
- Azərbaycan Kommunist Partiyası Mərkəzi Komitəsinin üzvləri
- Azərbaycan SSR Ali Sovetinin X çağırış deputatları
- Azərbaycan Respublikası Ali Sovetinin XII çağırış deputatları
- Azərbaycan Kommunist Partiyası Yevlax Şəhər Komitəsinin birinci katibləri
- Göygöl Rayon İcra Hakimiyyətinin başçıları
- Azərbaycan SSR-in Fəxri fərmanı ilə təltif edilənlər