İnam Kərimov
| İnam Kərimov | |||||||
|---|---|---|---|---|---|---|---|
| İnam İmdad oğlu Kərimov | |||||||
 | |||||||
|
|||||||
| Prezident | İlham Əliyev | ||||||
| Sələfi | Heydər Əsədov | ||||||
|
|||||||
| Prezident | İlham Əliyev | ||||||
| Sələfi | vəzifə təsis edilib | ||||||
| Xələfi | Ülvi Mehdiyev | ||||||
| Şəxsi məlumatlar | |||||||
| Təhsili |
Bakı Dövlət Universiteti Strasburq Universiteti Paris Universiteti |
||||||
| Doğum tarixi | |||||||
| Doğum yeri | Bakı, Azərbaycan SSR, SSRİ | ||||||
| Vətəndaşlığı |
 Azərbaycan |
||||||
İnam İmdad oğlu Kərimov (6 iyun 1977, Bakı) — azərbaycanlı siyasətçi və hüquqşünas, Azərbaycan Respublikasının 5-ci Kənd təsərrüfatı naziri (2018-ci ildən),
Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 1-ci sədri (2012–2018).
Həyatı[redaktə | əsas redaktə]
1977-ci il iyunun 6-da Bakı şəhərində anadan olub.
1984-cü ildən 1994-cü ilə qədər S.C.Pişəvəri adına Humanitar fənlər Gimnaziyasında təhsil alıb.
1994-cü ildən 1995-ci ilədək Birləşmiş Ştatların İndiana ştatında yerləşən Riçmond Ali Məktəbində (ing. Richmond High School) təhsilini davam etdirib.
1995-ci ildə Bakı Dövlət Universitetinin beynəlxalq hüquq fakültəsinə qəbul olub.
1998-ci ildən 2000-ci ilə qədər Fransanın Strasburq Universitetində hüquq ixtisası üzə bakalavr təhsili alıb.
2000–2002-ci illərdə isə, Fransanın nüfuzlu universiteti hesab olunan Sorbonna Universitetində hüquq ixtisası üzrə magistr təhsili alıb.
2013-cü ildə Sorbonna Universitetində hüquq elmləri doktoru (docteur en droit) elmi dərəcəsi alıb.
İngilis, fransız, rus və fars dillərini bilir.
Fəaliyyəti[redaktə | əsas redaktə]
2002-ci ildən 2004-cü ilədək Azərbaycan Prezidentinin Administrasiyasında məsləhətçi, 2004–2012-ci illərdə isə baş məsləhətçi vəzifələrində çalışıb.
2005–2012-ci illərdə Azərbaycanın Korrupsiyaya qarşı mübarizə üzrə Komisiyyasının katibi və Avropa Şurasının Korrupsiyaya qarşı Dövlətlər Qrupunda (GRECO) Azərbaycanın nümayəndə heyətinin rəhbəri olub.
Azərbaycan Respublikasının Prezidenti İlham Əliyevin 7 sentyabr 2012-ci il tarixli 2426 nömrəli Sərəncamı ilə İnam Kərimov Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsinə təyin edilib.[1]
2016-cı ildən Azərbaycan Turizm Şurasının üzvüdür.
Azərbaycan Respublikasının Prezidenti İlham Əliyevin 21 aprel 2018-ci il tarixli 9 nömrəli Sərəncamı ilə İnam Kərimov Azərbaycanın Kənd təsərrüfatı naziri vəzifəsinə təyin edilib.[2]
Ailəsi[redaktə | əsas redaktə]
Ailəlidir, 2 övladı var.
Qardaşı, Mətin Kərimli 2014-cü ildən Əmək və Əhalinin Sosial Müdafiəsi nazirinin müavini vəzifəsində işləmiş, 2020-ci ilin yanvarından etibarən isə Beynəlxalq Əmək Təşkilatının (BƏT) Sakit Okean hövzəsi ölkələri üzrə ofisinin direktoru vəzifəsində çalışır.
İstinadlar[redaktə | əsas redaktə]
- ↑ "İnam İmdad oğlu Kərimovun Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri təyin edilməsi haqqında Azərbaycan Prezidentinin 7 sentyabr 2012-ci il tarixli 2426 nömrəli Sərəncamı. (azərb.)". www.e-qanun.com. 24.01.2019 tarixində arxivləşdirilib. İstifadə tarixi: 07.09.2012-ci il.
- ↑ "İnam İmdad oğlu Kərimovun Azərbaycanın Kənd təsərrüfatı naziri təyin edilməsi haqqında Azərbaycan Prezidentinin 21 aprel 2018-ci il tarixli 9 nömrəli Sərəncamı. (azərb.)". www.e-qanun.com. 24.01.2019 tarixində arxivləşdirilib. İstifadə tarixi: 21.04.2018-ci il.
 | |
|---|---|
| |