Hüseyn Talıbov

Hüseyn Talıbov
Hüseyn Heydər oğlu Talıbov
Azərbaycan Respublikası Apelyasiya Məhkəməsinin sədri 2000 — 2007
Sələfi	vəzifə təsis olunub
Xələfi	vəzifə ləğv edilib
Azərbaycan Respublikası Ali Məhkəməsinin Sədri 1986 — 1992
Sələfi	İbrahim İsmayılov
Xələfi	Tahir Kərimli
Azərbaycan Respublikası Ali Məhkəməsi sədrinin birinci müavini 1985 — 1986
Azərbaycan Respublikası Ali Məhkəməsi sədrinin müavini 1980 — 1985
Azərbaycan Respublikası Ali Məhkəməsinin hakimi 1971 — 1980
Zaqatala Rayon Xalq Məhkəməsinin sədri 1970 — 1971
Qax Rayon Xalq Məhkəməsinin sədri 1965 — 1970
Xanlar Rayon Xalq Məhkəməsinin sədri 1964 — 1965
Şəxsi məlumatlar
Doğum tarixi	16 noyabr 1937
Doğum yeri	Gəncə, Azərbaycan SSR, SSRİ
Vəfat tarixi	2013
Təhsili	Azərbaycan Dövlət Universiteti (–1963)
Həyat yoldaşı	Lyudmila Talibova
Elmi fəaliyyəti
Elmi dərəcəsi	hüquq elmləri üzrə fəlsəfə doktoru[d]
Təltifləri

Talıbov Hüseyn Heydər oğlu (16 noyabr 1937, Kirovabad – 2013) — 1937-ci il noyabr ayının 16-da Gəncə şəhərində anadan olmuşdur. 1963-cü ildə Azərbaycan Dövlət Universitetinin (indiki Bakı Dövlət Universiteti) Hüquq fakültəsini bitirmişdir. 1964-1965-ci illərdə Xanlar Rayon Xalq Məhkəməsinin sədri, 1965-1970-ci illərdə Qax Rayon Xalq Məhkəməsinin sədri, 1970-1971-ci illərdə Zaqatala Rayon Xalq Məhkəməsinin sədri, 1971-1980-ci illərdə Azərbaycan Respublikası Ali Məhkəməsinin hakimi, 1980-1985-ci illərdə Azərbaycan Respublikası Ali Məhkəməsi sədrinin müavini, 1985-1986-ci illərdə Azərbaycan Respublikası Ali Məhkəməsi sədrinin birinci müavini, 1986-1992-ci illərdə Azərbaycan Respublikası Ali Məhkəməsinin sədri, 2007-2010-cu ildən Bakı Apelyasiya Məhkəməsinin hakimi. Hüquq elmləri namizədi. Azərbaycan Respublikası Prezidentinin 21 noyabr 2008-ci il tarixli sərəncamı ilə "Tərəqqi" medalı ilə təltif edilmişdir.

Həyatı

Hüseyn Talıbov 1937-ci il noyabr ayının 16-da Gəncə şəhərində anadan olmuşdur. 1963-cü ildə Azərbaycan Dövlət Universitetinin (indiki Bakı Dövlət Universiteti) Hüquq fakültəsini bitirmişdir. 1964-1965-ci illərdə Xanlar Rayon Xalq Məhkəməsinin sədri, 1965-1970-ci illərdə Qax Rayon Xalq Məhkəməsinin sədri, 1970-1971-ci illərdə Zaqatala Rayon Xalq Məhkəməsinin sədri, 1971-1980-ci illərdə Azərbaycan Respublikası Ali Məhkəməsinin hakimi, 1980-1985-ci illərdə Azərbaycan Respublikası Ali Məhkəməsi sədrinin müavini, 1985-1986-ci illərdə Azərbaycan Respublikası Ali Məhkəməsi sədrinin birinci müavini, 1986-1992-ci illərdə Azərbaycan Respublikası Ali Məhkəməsinin sədri ve Ali Sovetin deputati. Hüseyn Talıbov Ali Məhkəmənin sədri işlədiyi dövrdə xeyli məhkəmə qərarlarında yol verilmiş məhkəmə səhvlərinin düzəldilməsi üçün onların yuxarı məhkəmə instansiyalarında yenidən baxılmasına nail olub. Nəticədə yüzlərlə vətəndaşın pozulmuş hüquqları bərpa edilib. Belə vətəndaşların bir çoxu qanunsuz məhkum edildiklərinə görə həbsdən azad edilib, bəraətverici əsaslarla onların haqqında olan cinayət işlərinin icraatına xitam verilib. Onların sırasında 1937-ci və sonrakı illərdə repressiyaya məruz qalmış şəxslər də az olmamışdır.

Hüseyn Talıbovun Ali Məhkəmədə işlədiyi ən çətin və mürəkkəb dövr 1988-1991-ci illəri əhatə edir. Söhbət 70 il dünyanı lərzəyə salmış totalitar bir sistemin çökməyə başlaması dövrundən gedir. Bunun ən aşkar göstəricisi Dağlıq Qarabağda baş qaldırmış separatçılıq tendensiyaları idi. 1988-ci ilin fevral ayında Dağlıq Qarabağ münaqişəsi başladıqdan sonra bununla bağlı çoxsaylı cinayət hadisələri olmuş, cinayət işləri qaldırılmışdı. Həmin işlərin istintaqını bir qayda olaraq SSRİ prokurorluğunun müstəntiqləri aparırdı. Cinayət işlərinə Azərbaycan məhkəmələri, əsasən Ali Məhkəmə tərəfindən baxılırdı.

SSRİ prokurorluğu və SSRİ Ali Məhkəməsi ermənilərin təzyiqi ilə tələb edirdilər ki, bu işlər üzrə məhkumlara ağır cəzalar, hətta müstəsna cəza tədbiri olan ölüm cəzası tətbiq edilsin. Azərbaycana və azərbaycanlılara daha çox zərbə vurmaq üçün ermənilər hər cür vasitədən istifadə edirdilər. O vaxt bunu respublika vətəndaşlarının əksəriyyəti bilmirdi. Moskvanın inadlı təkidləri təəssüf ki, ozamankı respublika rəhbərliyinə də sirayət etmiş, mərkəzdən gələn tələbləri yerinə yetirirdi. Lakin bütün təzyiq və təsirlərə baxmayaraq, belə cinayət işlərinin heç biri üzrə məhkumlara Azərbaycan məhkəmələri tərəfindən ölüm hökmü çıxarılmırdı. Hətta SSRİ Ali Məhkəməsi "nümunə" göstərmək üçün həmin işlərdən birini - Sumqayıtdan olan Musayevin işini öz icraatına götürdü, ona ölüm cəzası təyin etdi və bu hökm dərhal icra edildi. Lakin Azərbaycan məhkəmələri ittifaq Ali Məhkəməsinin bu "nümunəsinə" əməl etmədi, heç nədən çəkinməyərək sonrakı vaxtlarda da həmin işlər üzrə məhkumlara müstəsna cəza tədbirləri tətbiq edilmədi. Bu, Hüseyn Talıbovun xidmətlərinin nəticəsi idi. 1992-2000-ci illərdə Sumqayıt Şəhər Xalq Məhkəməsinin sədri. 1994-cü ildə H.Talıbov Sumqayıt Şəhər Məhkəməsinin sədri işlədiyi vaxt respublika məhkəmələri hakimlərinin konfransında Bakı şəhəri və respublikanın digər şəhər və rayon məhkəmələri hakimlərinin ixtisas kollegiyasının sədri seçilmişdir. Qanunun tələbinə görə, məhkəmələrə hakimlərin seçilməsi və onların vaxtından əvvəl geri çağırılması yalnız ixtisaslaşdırılmış kollegiyanın razılığı ilə olurdu. Həmçinin hakimlərə ixtisas dərəcəsi verilməsi və onların intizam məsuliyyətinə cəlb edilməsi məsələlərinə də həmin kollegiyada baxılırdı. 2000-2007-ci illərdə isə Azərbaycan Respublikası Apelyasiya Məhkəməsinin sedr vəzifələrində çalışmışdır. 2007-2010-cu ildən Bakı Apelyasiya Məhkəməsinin hakimi. Ümummilli lider Heydər Əliyev Hüseyn Talıbovun 3 dəfə müxtəlif vəzifələrə təyin edilməsinə öz xeyir-duasını vermişdir. 1971-ci ildə Azərbaycan Ali Məhkəməsinə üzv, 1980-ci ildə Ali Məhkəmənin sədr müavini seçilmiş, 2000-ci ildə ulu öndərimizin sərəncamı ilə Azərbaycan Respublikası Apellyasiya Məhkəməsinə sədr təyin edilmişdir. Azərbaycan Respublikası Milli Məclisinin 16 iyun 2007-ci il tarixli qərarı ilə Bakı Apellyasiya Məhkəməsinə hakim təsdiqlənmişdir. Hüseyn Talıbov müstəqil Azərbaycan Respublikasının Ali Məhkəməsinin ilk sədri olub. Həmkarları, tanışları arasında səmimi və nüfuzlu şəxs imicinə malik peşəkar hüquqşünas kimi tanınır. Bu uğurlarının əsasında onun şəxsi keyfiyyətləri - yüksək intellekti, mənəvi təmizliyi, müntəzəm olaraq üzərində çalışması, hüquqi biliklərini və dünyagörüşünü artırması, ədalətə və qanunun aliliyinə sadiqliyi durur. Hüseyn Talıbov hakim kürsüsünə insanlara layiqli xidmət vasitəsi kimi yanaşdığını 45 illik fəaliyyətində tam sübuta yetirib.

Hüquq elmləri namizədi.

Azərbaycan Respublikası Prezidentinin 21 noyabr 2008-ci il tarixli sərəncamı ilə"Tərəqqi" medalı ilə təltif edilmişdir.

Ailəlidir, 3 övladı var.

Xarici keçidlər

• 45 il ədalətin keşiyində
• H. H. Talıbovun Azərbaycan Respublikası Ali Məhkəməsinin sədri vəzifəsindən azad edilməsi barədə