Abdulla İbrahimov

Vikipediya, açıq ensiklopediya
Keçid et: naviqasiya, axtar

Abdulla İbrahimov
Abdulla Hacıbaba oğlu İbrahimov
Abdulla İbrahimov
Bayraq
Azərbaycan Respublikası Ali Soveti Rəyasət Heyətinin Hüquq Şöbəsinin müdiri
1980 — 1991
Bayraq
Azərbaycan SSR Ali Məhkəməsinin sədri
Bayraq
1962 — 1980
Sələfi: Sənan Musayev
Xələfi: İbrahim İsmayılov
Bayraq
Azərbaycan respublikası Daxili İşlər nazirinin müavini
Bayraq
1960 — 1962
Bayraq
Bakı şəhərinin prokuroru
Bayraq
1958 — 1960
Bayraq
Bakı şəhər milis idarəsi rəisinin müavini
Bayraq
 
Partiya: КПСС.svg Kommunist partiyası
Doğum tarixi: 1921
Doğum yeri: Dəvəçi rayonu Flag of the Azerbaijan Soviet Socialist Republic.svg Azərbaycan SSR
Vəfat tarixi: 2003
Vəfat yeri: Bakı


Abdulla Hacıbaba oğlu İbrahimov – Azərbaycan SSR Ali Məhkəməsinin sədri (1962 – 1980), əməkdar hüquqşünas.

Həyatı[redaktə | əsas redaktə]

Abdulla İbrahimov 1921-ci ildə Dəvəçi rayonunun Zöhrabkənd kəndində anadan olmuşdur.

Böyük Vətən müharibəsinin iştirakçısı olan A.İbrahimov 1948 – ci ildə Ümumittifaq Hüquq İnstitutunu bitirmişdir.

Abdulla İbrahimov 1944 – 1958 – ci illərdə Azərbaycan Dövlət Təhlükəsizlik Komitəsi və Daxili İşlər Nazirliyi sistemində müxtəlif vəzifələrdə çalışmış, o cümlədən Bakı şəhər milis idarəsi rəisinin müavini olmuşdur. 1958 – 1960 – cı illərdə isə o, Bakı şəhərinin prokuroru vəzifəsində işləmişdir.

1960 – 1962 – ci illərdə Azərbaycan respublikası Daxili İşlər nazirinin müavini işləmiş A.İbrahimov 1962 – ci ilin martında Azərbaycan SSR Ali Məhkəməsinin sədri seçilmişdir.

A.İbrahimov 1962-ci ildən 1980-ci ilədək fasiləsiz olaraq 18 il Azərbaycan SSR Ali Məhkəməsinin sədri vəzifəsində işləmiş, 1980-1991-ci illərdə Azərbaycan Respublikası Ali Soveti Rəyasət Heyətinin Hüquq Şöbəsinin müdiri olmuşdur. Təqaüdə çıxdıqdan sonra isə ali məktəblərdə pedaqoji fəaliyyətlə məşğul olmuşdur.

Abdulla İbrahimov çalışdığı bütün sahələrdə, xüsusilə Ali Məhkəmənin sədri vəzifəsində işləyərkən yüksək peşəkarlıq, böyük təşkilatçılıq qabiliyyəti və obyektiv prinsipiallıq nümayiş etdirmişdir. O, mənəvi cəhətcə büllur kimi saf və olduqca təmiz adam idi. Vətəninə, millətinə və xalqına məhəbbət, bir də Qanunun aliliyinə hörmət Abdulla müəllimin amalı, həyat qayəsi idi.

Abdulla müəllimə xas olan tələbkarlıq və məsuliyyət hissi, mənəvi saflıq, insanlara həssas münasibət respublikamızda ona böyük hörmət qazandırmışdır.

Bu keyfiyyətləri o, həmişə gənclərə aşılamağa çalışırdı. Hüquq mühafizə orqanları kadrlarının, xüsusilə də məhkəmə işçilərinin böyük bir nəslinin yetişdirilməsində Abdulla müəllimin xidmətləri əvəzsizdir. O, bir məktəb idi.

Alicənab bir insan olan Abdulla müəllim həm də Azərbaycanın klassik ədəbi və mədəni irsinə, dini-mənəvi dəyərlərinə yaxından bələd olan gözəl bir ziyalı idi.

Abdulla müəllimin böyük xidmətləri dövlət tərəfindən yüksək qiymətləndirilmişdir. O, "əməkdar hüquqşünas" fəxri adına layiq görülmüş, bir sıra orden və medallarla təltif olunmuşdur.

Böyük şəxsiyyət və görkəmli hüquqşünas Abdulla Hacıbaba oğlu İbrahimov 2003-cü il iyulun 5-də ömrünün 82-ci ilində vəfat etmişdir.