Skorpion (Mortal Kombat)

Vikipediya, açıq ensiklopediya
Keçid et: naviqasiya, axtar
Skorpion
Ümumi məlumatlar
Adı: Skorpion
Orijinal adı: ing. Scorpion
Yaradıcı: Con Tobias və Ed Bun
İlk görünüş: Mortal Kombat
Səsləndirən:
Xüsusiyyətləri
Ailə:
Cins: Kişi
Dostları:
Düşmənləri:
Silah: Kuanay, balta (UMK3, MKT), qəmə (MK4), Nindzyato (MK:DA, MK:D, MK:U, MK:A)
Ləqəbləri:
Görünüş: İnsan (əslində kabusdur)
Döyüş növü: Hapkido (MK:DA, MK:D, MKA), Pi Qua (MK:DA), Moi Fah (MK:D)
Dünya: Neytral
Doğum yeri: Yer (Yaponiya ölkəsi)
Məşğuliyyəti:
Qabiliyyəti:

Skorpion (ing. Scorpion ) - "Mortal Kombat" oyun seriyasının personajlarından biridir.

Həyatı[redaktə | əsas redaktə]

Skorpion sarı geyimdə olan, Şiray Ryu klanına məxsus döyüşçüdür. Onun əsl adı Hanzo Hanaşidir. Bu klanı tərk etmək istəyən Skorpion həyatını ailəsinə, xüsusilə, oğluna həsr etmək istəyir. Lakin Kuan Çi Skorpionu sonuncu tapşırığı yerinə yetirməyə məcbur edir. Bu tapşırıqda Bi Han (Sab-Ziro-böyük) tərəfindən öldürülür. Bir müddətdən sonra Skorpion kabusa dönür və qarşıdan gələn turnirə qatılır. Turnirdən əvvəl gəmidə Sab-Ziro ilə rastlaşır. Skorpion onu burada öldürmək istəsə də, qürurunu qoruyur və turniri gözləyir. Lakin onlar turnirdə qarşılaşmırlar. Çünki turnirdə Liu Kenqin Qoro üzərində qələbəsindən sonra Şanq Tsunq döyüşçülərinin Yer döyüşçülərinə qarşı döyüşməyə əmr verir. Skorpion, Sab-Ziro və Reyden Şanq Tsunqun döyüşçülərinə qarşı vuruşurlar. Bu hadisədən sonra Skorpion Sab-Ziro ilə döyüşür və onu öldürür.

Bir müddət keçdikdən sonra Skorpion eşidir ki, turnirdə yenidən Sab-Ziro peyda olub. Skorpion turnir zamanı Sab-Zironun rəqibinin həyatını bağışlamasının şahidi olur və onun Kuay Lianq (Sab-Ziro-kiçik) olduğunu başa düşür. Skorpion söz verir ki, yeni peyda olmuş Sab-Ziro-kiçiyi müdafiə edəcək. Çünki Skorpion hər zaman onun qardaşını öldürdüyü üçün özünü günahkar sayırdı. Bu səbəbdən Skorpion Yer döyüşçülərinə qatılır və sonda Şao Kannın döyüşçüləri məğlubiyyətə uğradılır. Bu hadisədən sonra Skorpion Yeratı dünyaya geri dönür. Şao Kann isə Yeraltı dünyanı ələ keçirmək niyyətindədir. Bu zaman Skorpion bu dünyadan xilas olaraq Şao Kann tərəfindən Yer döyüşçülərinə qarşı döyüşməyə başlayır. Lakin onların sırasında Kuay Lianqın olduğunu görüncə, Yer döyüşçülərinə qatılır. Yer dünyası xilas olunur və Skorpion Yeraltı dünyaya geri qayıdır.

Bir müddət sonra Kuan Çi Skorpiona onun ailəsinin qətli və Şiray Ryu klanının məhv edilməsi barəsində danışır və qatilin Kuay Lianqın olduğunu bildirir. Skorpion Kuay Lianqla qarşılaşır və əsl qatilin Kuan Çi olduğunu öyrənir. Bu zaman Kuan Çi qaçmağa başlayır və Skorpion onun ardınca gedir. Lakin Moloh və Drahmin adlı döyüşçülərlə vuruşaraq Kuan Çini tuta bilmir. Bu zaman Yeraltı dünyaya düşür. Buradan azad olduqdan sonra Kuan Çini mğlub etmək üçün Şanq Tsunqun sarayına gedir. Lakin burada yenidən Moloh və Drahminin müqaviməti ilə rastlaşır və digər dünyaya göndərilir. Bu dünyada isə boşluğa düşür və sağ qalır. Burada əfsanəvi şəxslərlə qarşılaşır və bu da onun həyatını dəyişir. Skorpion bundan sonra artıq Yer döyüşçüləri tərəfindən Şao Kannın döyüşçülərinə qarşı vuruşmağa başlayır. Onaqa məhv edildikdən sonra Skorpion başa düşürdü ki, yenidən Yeraltı dünyaya gedi dönəcəkdir. Lakin bu baş vermir və Skorpion buradan azad olunur.

Xarici keçidlər[redaktə | əsas redaktə]