Srebırna (təbiət qoruğu)

Vikipediya, azad ensiklopediya
Jump to navigation Jump to search

Srebırna Təbiət Qoruğu
bolq. Природен резерват Сребърна
Srebırna gölü.
Srebırna gölü.
BTMB kateqoriyası — Ia (Ciddi Təbiət Qoruğu)
WLE blue Logo (no text).svg
44°06′52″ şm. e. 27°04′41″ ş. u.
Ölkə Bolqarıstan Bolqarıstan
VilayətSilistra
Yaxın şəhərSilistra
Sahəsi6 km2
Tarixi20 sentyabr 1948[1]
Leaf icon 07.svg
139 bitki növü
Herpétologie test.png
39 məməli növü, 21 sürünənsuda-quruda yaşayan növü, 10 balıq növü, 139 quş növü.
Srebırna (təbiət qoruğu) (Bolqarıstan)
Green pog.svg
Rəsmi adı ing. Srebarna Nature Reserve
Tipi Təbii
Kriteriya x
Tarixi 1983 (7-ci sessiya)
İstinad nöm. 219
Region Avropa və Şimali Amerika
Təhlükədə 1992-1993[1]
Commons-logo.svg Srebırna Təbiət Qoruğu Vikianbarda

Srebırna Təbiət Qoruğu (bolq. Природен резерват Сребърна / Priroden rezervat Srebarna) — Bolqarıstanın şimal-şərqində (Cənubi Dobruca), eyniadlı kəndin yaxınlığında, Silistra şəhərinin 18 km qərbində,[2] Danube çayının 2 km cənubunda[3] yerləşən təbiət qoruğu. Qoruq Srebırna gölünü və ətraf əraziləri əhatə edir, quşların Avropa ilə Afrika arasındakı miqrasiya marşutu olan Portika yolunun üzərində yerləşir.

Qoruğun sahəsi 6 km2, bufer zonasının sahəsi 5,4 km2 təşkil edir. Gölün dərinliyi 1-3 metr arasında dəyişir. Qoruqda muzey fəaliyyət göstərir, bu muzeydə qoruq ərazisi üçün nadir olan quş növlərinin doldurulmuş maketləri sərgilənir.

Tarix[redaktə | əsas redaktə]

Mənzərə.

Srebırna gölü keçmişdə bir çox əcnəbi bioloqlar tərəfindən bir çox dəfə tədqiq edilmişdir. Göl ilə maraqlanan ilk bolqar alim buranı 1911-ci ildə ziyarət etmiş Aleksi Petrov olmuşdur. 1913-cü ildə Cənubi Dobruca Rumıniyanın əlinə keçmişdir, amma Bolqarıstan 1940-cı ildə bu torpağı geri almışdır. Petrov gölün yaxınlığında yuvalayan quş koloniyalarını öyrənmək üçün gölü bir dəfə də ziyarət etmişdir.

Ərazi 1948-ci ildə təbiət qoruğu, 1975-ci ildə Ramsar yeri elan edilmişdir.[1] 1983-cü ildə isə YUNESKO tərəfindən Dünya irsi siyahısına daxil edilmişdir.[4]

Əfsanələr[redaktə | əsas redaktə]

Gölün adının mənşəyi ilə bağlı bir neçə əfsanə mövcuddur. Bir əfsanə peçeneqlərlə qeyri-bərabər döyüşdə gölün yaxınlığında ölən Srebrist adlı xan haqqındadır. İkinci əfsanə isə gölün sahillərində görünən və gümüşlə (bolqar dilində "srebro" "gümüş" deməkdir) dolu olan qayıq haqqındadır. Üçüncü və daha inandırıcı əfsanəyə görə isə göl bu adını Ayın bədirlənməsi zamanı səthinin gümüş rənginə çalmasıdır.

Ətraf mühit[redaktə | əsas redaktə]

Muzeydə sərgilənən qutanlar.

Flora[redaktə | əsas redaktə]

Gölün ətrafında qamış kimi hidrofitlər geniş yayılmışdır. Qoruq ərazisində 139 bitki növü müəyyən edilmişdir. Onlardan 11-i yox olmaq təhlükəsi ilə üz-üzədir.

Fauna[redaktə | əsas redaktə]

Qoruğun faunası zəngindir. Srebırna Təbiət Qoruğunda 39 məməli növü, 21 sürünənsuda-quruda yaşayan növü və 10 balıq növü yaşayır. Burada yuvalayan 139 quş növü müəyyən edilmişdir: qıvrımlələk qutan, fısıldayan qu quşu, boz qaz, bataqlıq belibağlısı, Luscinia svecica, vağ, qarabattaq və s.

Adlandırma[redaktə | əsas redaktə]

Antarktida materikinin Cənubi Şetland arxipelağının Livinqston adasındakı Srebırna buzlağı adını bu qoruqdan almışdır.

İstinadlar[redaktə | əsas redaktə]

Xarici keçidlər[redaktə | əsas redaktə]