Stiq Daqerman

Vikipediya, azad ensiklopediya
Jump to navigation Jump to search
Stiq Daqerman
isv. Stig Dagerman
Stig Dagerman ca 1950.jpg
Doğum tarixi 5 oktyabr 1923(1923-10-05)[1][2][3][…]
Vəfat tarixi 4 noyabr 1954(1954-11-04)[1][2][3][…] (31 yaşında) və ya 5 noyabr 1954(1954-11-05)[4] (31 yaşında)
Vəfat yeri
Vəfat səbəbi boğulma
Vətəndaşlığı
Fəaliyyəti jurnalist, tərcüməçi, sindikatçı[d], yazıçı, müəllif, şair
Əsərlərinin dili İsveç dili
Vikianbarın loqosu Vikianbarda əlaqəli mediafayllar

Stiq Halvard Daqerman (isv. Stig Halvard Dagerman, 5 oktyabr, 1923 - 4 noyabr, 1954) - isveçli jurnalist və yazıçı. İkinci Dünya müharibəsindən sonra yazan ən görkəmli İsveç müəlliflərindən biri idi.

Həyatı[redaktə | mənbəni redaktə et]

Stiq Daqerman 1923-cü ildə İsveçrənin Uppsala şəhərinin kiçik bir bölgəsində anadan olmuşdu. Anası o doğulduqdan qısa müddət sonra evi tərk etmişdi, atası isə işinə görə daim gəzməli olduğundan Stiq uşaqlığını öz baba və nənəsi ilə birgə keçirtmişdi. Gənc yaşlarından işçi qəzetində siyasi mövzularda şeirlər və məqalələr yazmağa başlayır. 1943-cü ildə Almaniya qaçqını olan Annemarie Götze ilə evlənir və bundan sonra Hitler Almaniyasına və militarizmə qarşı nifrətini bildirən əsərlər yazır. İkinci Dünya müharibəsindən sonra 1945-ci ildə müharibənin faciəvi təsirindən bəhs edən "İlan" adlı ilk romanını yazır. Tənqidçilər tərəfindən müsbət rəy alan Stiq növbəti il "Lənətlənmiş ada" adlı ikinci əsərini də yayımlayır. Frans Kafka, Alber Kamü, Vilyam Folkner kimi yazıçılardan olduqca təsirlənən ekzistensialist yazıçı əsərlərində qorxu, günahkarlıq, yalnızlıq hislərinə xüsusi yer verir, insan varlığının əzablı həqiqətlərini araşdırırdı. Qısa hekayələri ilə də tanınan yazıçının "Uşaq öldürən adam" hekayəsi dünya miqyasında məşhurluq qazanır. Uzun bir müddət depressiya ilə mübarizə aparan yazıçı 1952-ci ildə həyatının son illərindəki öz ağrı dolu mübarizəsi və həyatda qalmağın yollarını axtarması ilə bağlı "Təsəlli ehtiyacımız doymur" adlı avtobioqrafik roman yazır. Yaşadığı ağır depressiya ilə mübarizəyə dözməyən Stiq Daqerman 1954-cü ilin payızında maşınının mühərrikini açıq qoyaraq özünü qaraja kilidləyir və intihar edir.

  1. 1 2 Дагерман Стиг // Большая советская энциклопедия (rus.): [в 30 т.]. / под ред. А. М. Прохорова 3-е изд. Москва: Советская энциклопедия, 1969.
  2. 1 2 Bibliothèque nationale de France BnF identifikatoru (fr.): açıq məlumat platforması. 2011.
  3. 1 2 Stig Dagerman // Encyclopædia Britannica (ing.).
  4. IMDb (ing.). 1990.
  5. 19231005-101 Dagerman, Stig Halvard // Swedish death index.
  6. 1 2 LIBRIS. 2014.