Qudyalçay körpüsü

Vikipediya, azad ensiklopediya
(Tağlı körpü səhifəsindən istiqamətləndirilmişdir)
Jump to navigation Jump to search
Tağlı körpü
WikiCamp Azerbaijan 2018 40.jpg
Ölkə Azərbaycan Azərbaycan
Şəhər Quba
Yerləşir Qudyalçay üzərində
Tikilmə tarixi 1894
Aşırımları 7
Vəziyyəti fəaliyyət göstərir
İstinad nöm.4598
Kateqoriyakörpü
ƏhəmiyyətiYerli əhəmiyyətli
Tağlı körpü (Azərbaycan)
Locator Dot2.gif
Tağlı körpü

Tağlı körpü (digər adı Qudyalçay körpüsü) — Quba rayonu ərazisində yerləşən körpü.

Keçmis mühəndis tikililərindən dövrümüzə qədər qorunub saxlanılan abidələr içərisində mühüm tarixi-memarlıq əhəmiyyətinə malik olanlardan biri də Tağlı körpüdür.

XIX əsrdə Quba qəzasında 7 körpü olmuşdur. Amma onlardan yalnız Tağlı körpü günümüzə qədər qorunub saxlanmışdır. Körpünün salınması zərurəti XVIII əsrin sonlarında, XIX əsrin əvvəllərində yaranmışdır. 1851-ci ildə Qudyalçayda dirəklər üzərində taxta körpü tikilmişdir. Lakin bu körpünün ömrü uzun olmamışdır. Bu səbədən onun yerində yeni körpü salmaq zərurəti yaranmışdır. Yeni körpünün tikintisinə 1894-cü ildə başlanmışdır. Körpünün tikintisi 78.000 manata başa gəlmişdir. Əvvəlcə körpünün 19 dirək üzərində tikilməsi nəzərdə tutulmuşdur. Lakin onun tikintisi zamanı aşırımlar ixtisar olunmuş və o 14 daş dayaq üzərində tikilmişdir. Yarımdairəvi biçimli tağlar sistemi bişmiş kərpicdən hörülmüş və bir-birindən 11,1 metr aralı olan dayaqlara soykənir. Körpünün tağları altından hər iki sahildəki yaşayış məntəqələrinin ecazkar mənzərəsi açılır. Körpünün 70 sm enində tağı əsas kərpic hörgüsü ilə birlikdə inşa edilmişdir. Tağ dayaqlar üzərində dayanan körpünün bünövrəsi yaxşı yonulmuş daşlardan hörülmüşdür. Körpü memarlıq abidəsi kimi dövlətin mühafizə etdiyi abidələr siyahısına daxil edilmişdir.

Poçt markası üzərində[redaktə | əsas redaktə]

Stamps of Azerbaijan, 2007-806.jpg

2007-ci ilin noyabr ayının 1-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan körpülərinə həsr olunmuş 5 ədəd poçt markası təqdim edilmişdir. Qiyməti 30 qəpik, tirajı isə 20 min ədəd olan həmin markalardan biri Qudyalçay körpüsünə həsr olunmuşdur[1].

İstinadlar[redaktə | əsas redaktə]

  1. 01.11.2007. “The Bridges of Azerbaijan”. azermarka.az  (azərb.)

Xarici keçidlər[redaktə | əsas redaktə]