Tahir Abdullayev (professor)

Vikipediya, açıq ensiklopediya
Jump to navigation Jump to search
Tahir Abdullayev
Tahir Həsən oğlu Abdullayev
Doğum tarixi 1904
Doğum yeri Qıraq Kəsəmən, Ağstafa rayonu, Azərbaycan, Azərbaycan SSR, SSRİ
Vəfat yeri Bakı
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Elm sahəsi Fizika-riyaziyyat
Elmi dərəcəsi Ali, Elmlər doktoru
Elmi adı Professor

Tahir Həsən oğlu Abdullayev — Alim, fizika-riyaziyyat elmləri doktoru, professor, Azərbaycan Politexnik İnstitutunun (indiki Texniki Universitet) Riyaziyyat kafedrasının müdiri.

Həyatı və elmi fəaliyyəti[redaktə | əsas redaktə]

Tahir Abdullayev 1904-cü ildə Qazax qəzasının Qıraq Kəsəmən kəndində anadan olmuşdur. Qıraq Kəsəmən kənd məktəbini bitirdikdən sonra ikiillik Pedaqoji İnstituta daxil olmuşdur. 1924-cü ildə institutu bitirib Qazax müəllimlər seminariyasında riyaziyyat müəllimi kimi əmək fəaliyyətinə başlamışdır.

1941-ci ildə Böyük Vətən müharibəsinə getmiş və müharibənin sonuna qədər döyüşən orduda qulluq etmişdir.

Müharibədən sonra ali təhsil almışdır. Dissertasiya müdafiə edərək fizika-riyaziyyat elmləri namizədi alimlik dərəcəsinə layiq görülmüşdür.

Azərbaycan Dövlət Universitetində müəllim işləmiş, sonralar isə Azərbaycan Politexnik İnstitutunun (indiki Texniki Universitet) Riyaziyyat kafedrasında əvvəlcə dosent, sonra professor, ömrünün axırına qədər isə kafedra müdiri vəzifəsində çalışmışdır.

100-dən çox elmi məqalənin, dərslik və dərs vəsaitinin müəllifidir. Onun rəhbərliyi ilə ona qədər elmlər namizədi və elmlər doktoru yetişmişdir.

1978-ci ildə Bakı şəhərində vəfat etmişdir.

İstinadlar[redaktə | əsas redaktə]


Mənbə[redaktə | əsas redaktə]

  • Salatın Əhmədli, Rövşən Babanlı. "Qazax mahalının alimləri" (ensiklopedik məlumat). "Günəş" nəşriyyatı. Bakı. 2017. 512 səh.