Taleh Hacıyev

Vikipediya, azad ensiklopediya
Jump to navigation Jump to search
Taleh Hacıyev
Taleh Hacıyev.jpg
Sənətçi məlumatları
Doğum tarixi 14 avqust 1957(1957-08-14)
Doğum yeri Bakı
Vəfat tarixi 2008(2008-Şablondakı doğum və ya ölüm tarixində texniki yanlışlıq var!-00)
Vəfat yeri Bakı
Mənşə azərbaycanlı
Peşələri Bəstəkar,pianoçu,konsertmeystr

Taleh Hacıyev (1957-2008) -pianoçu, konsertmeystr,bəstəkar

Həyatı[redaktə | əsas redaktə]

Taleh Hacıyev 1957-ci il, avqustun 14-də Bakıda Azərbaycanın görkəmli bəstəkarı Şəfiqə Axundovanın ailəsində anadan olub.Anası ilə atası ayrıldığından kiçik Taleh anasının və onun yaxınlarının sevgisi, qayğısı ilə əhatələnib.Kiçik yaşlarından musiqiyə böyük həvəs göstərir və öz istedadı ilə diqqət çəkməyə başlayıb.Bülbül adına Orta İxtisas Musiqi Məktəbində və Üzeyir Hacıbəyov adına Azərbaycan Dövlət Konservatoriyasının, indiki Bakı Musiqi Akademiyası "bəstəkarlıq və pianoçuluq' fakültəsində təhsil alıb.Taleh Hacıyev 18-20 yaşlarından bəstəkar və pianoçu kimi fəaliyyətə başlayıb.İlk yazdığı “Belə qəmli dayanma” mahnısı, “Həyat sən nə şirinsən” mahnıları bu gün də sevilir.Xüsusi mahnı yazmaq istedadı olmasına baxmayaraq sonralar Taleh Hacıyev daha çox pianoçu kimi tanınmağa başlayıb.Anası Şəfiqə Axundovanın tərəfindən yazılan ilk operanın kosnertmeysteri də Taleh Hacıyev olmuşdur. Opera və Balet teatrında Şəfiqə Axundovanın "Gəlin qayası" operası səhnləşdirilərkən tamaşanın daxili baxışına qədər operanı Taleh Hacıyev müşayət etmişdir.[1]

Xalq artisti Flora xanım Kərimova Taleh Hacıyev haqqında danışanda onu "insan orkestr" adlandırırdı.Bu o deməkdir ki, Taleh Hacıyevin bir tək piano ifası böyük bir orkestri əvəz edə bilirmiş.Taleh Hacıyevin ən uğurlu işlərindən biri isə anası Şəfiqə Axundovanın "Həsrətindən" mahnısının pifano ifasıdı.Taleh Hacıyevin bəstəkar olduğu ən uğurlu iş isə hələ gənc yaşlarında bəstələdiyi “Belə qəmli dayanma” mahnısı olub və elə ilk dəfə 1976-cı ildə Flora Kərimova bu mahnını ifa edib.Mahnıları Xalq artistləri Flora Kərimova, Məmmədbağır Bağırzadə,Elmira Rəhimova,Gülyaz Məmmədova, Gülyanaq Məmmədova ifa etmişdir.Bir çox dövlət tədbirlərində konsertmeystr kimi çalışmışdır.Yaradıcılığının ən parlaq vaxtında gənc yaşlarında ruhi xəstəliyə tutulub.Bu da onun həm sağlamlığına, həm də psixoloji durumuna çox pis təsir edib.Uzun müddət bu xəstəliklə mübarizə aparsa da, o, 2008-ci ilin iyul ayında Maştağada yerləşən ruhi əsəb xəstəxanasında vəfat edib.[2]

Bəstəkar olduğu mahnılar

  • Belə qəmli dayanma
  • Qarabağa dolan bulud
  • Həyat, sən nə şirinsən!
  • Bəxtəvərlik nəğməsi
  • Sənsiz yaman darıxmışam
  • Bu sevda
Şəfiqə Axundova və Taleh Hacıyev

Xarici keçidlər[redaktə | əsas redaktə]

  1. https://www.youtube.com/watch?v=svK6zAKQF8M
  2. https://www.youtube.com/watch?v=pTmI7R3bBXU
  3. https://www.youtube.com/watch?v=so5OjYewQWY
  4. https://www.youtube.com/watch?v=HWOaLTnMvsU

İstinadlar[redaktə | əsas redaktə]