Teymur Bünyadov (general-mayor)
| Teymur Bünyadov | |
|---|---|
| azərb. Teymur Nağdalı oğlu Bünyadov | |
| Şəxsi məlumatlar | |
| Doğum tarixi | |
| Doğum yeri | Girətağ, Qafan rayonu, Zəngəzur mahalı |
| Vəfat tarixi | (62 yaşında) |
| Vəfat yeri |
.svg){kind=small} Azərbaycan SSR |
| Dəfn yeri | |
| Vətəndaşlığı |
 SSRİ |
| Hərbi fəaliyyəti | |
| Rütbə | general-mayor (1966) |
Teymur Bünyadov (azərb. Teymur Nağdalı oğlu Bünyadov; d. 25 dekabr 1911 – ö. 9 aprel 1974) — Azərbaycan hərbi xadimi, general-mayor (1966).
Həyatı[redaktə | əsas redaktə]
Teymur Bünyadov 25 dekabr 1911-ci ildə Zəngəzur mahalının Qafan rayonunun Girətağ kəndində anadan olub[1]
1941-ci ildə Qafan RHK-dan orduya çağırılmışdır. F.E.Dzerjinski adına Artileriya Akademiyası nəzdində artileriya birləşmələri üçün komissarlar hazırlayan birillik kursu bitirmiş, Stalinqrad və Cənub-qərb cəbhələri siyasi idarələrində baş təlimatçı olmuşdur.[2]
1946-1952-ci illərdə "Buzovnaneft" tresi rəisinin müavini, Azərbaycan SSR yeyinti sənayesi nazirinin birinci müavini və başqa vəzifələrdə çalışmışdır.[2]
1952-ci ildə yenidən hərbi xidmətə çağırılmış, diviziya siyasi idarəsinin rəisi təyin edilmiş, 1955-ci ilədək bu vəzifədə işləmişdir.[2]
1955-1960-cı illərdə Azərbaycan SSR Daxili İşlər Nazirinin müavini, 1960-1967-ci illərdə DİN-də komendant, 1967-1970-ci illərdə isə SSRİ DİN qoşunlarının Zaqafqaziya üzrə komendantının birinci müavini olmuşdur.[2]
1966-cı ildə general-mayor rütbəsi almışdır[2].
1970-1974-cü illərdə Azərbaycan SSR Daxili İşlər Nazirliyində işləmişdir.[2]
Teymur Bünyadov uzun sürən xəstəlikdən sonra 9 aprel 1974-cü ildə vəfat etmişdir. Fəxri Xiyabanda dəfn olunmuşdur.[2]
Mükafatları[redaktə | əsas redaktə]
- 2-ci dərəcəli Böyük Vətən Müharibəsi ordeni
- Qızıl Ulduz ordeni
İstinadlar[redaktə | əsas redaktə]
- ↑ O taylı-bu taylı tariximiz: 1813-2013: xronoqraf: 1906-1911-ci illər Arxivləşdirilib 2018-01-18 at the Wayback Machine — azerbaycanli.org saytı
- ↑ 1 2 3 4 5 6 7 Azərbaycan Respublikası Xatirə Kitabı, II cild, Bakı: Respublika Xatirə Kitabı redaksiyası, 2000. səh.443-444