Teymur Mustafayev (xanəndə)

Teymur Mustafayev
Ümumi məlumatlar
Ləqəbi	Teymur əmi
Doğum tarixi	10 aprel 1939
Doğum yeri	Cəlilabad
Vəfat tarixi	11 iyun 2020 (81 yaşında)
Vəfat yeri	Bakı, Azərbaycan
Dəfn yeri	Alar
Vətəndaşlığı	SSRİ  Azərbaycan
Musiqiçi məlumatları
Fəaliyyəti	müğənni, xanəndə
Fəaliyyət illəri	1964-2020
Janrlar	muğam və təsniflər,xalq və bəstəkar mahnıları
Mükafatları
Vikianbarda əlaqəli mediafayllar

Mustafayev Teymur Ağaxan oğlu (10 aprel 1939(1939-04-10), Alar, Astraxanbazar rayonu – 11 iyun 2020(2020-06-11), Bakı) — müğənni, xanəndə, Azərbaycan Respublikasının xalq artisti (2005).

Həyatı

Teymur Mustafayev 10 aprel 1939-cu ildə Cəlilabad rayonunda anadan olmuşdur. Azərbaycan Dövlət Musiqi Məktəbində təhsil almışdır.

Sənət müəllimləri Seyid Şuşinski, Əhməd Bakıxanov olmuşdur. Azərbaycan Dövlət Mədəniyyət və İncəsənət Universitetində təhsilini davam etdirmişdir. 1964-cü ildən Azərbaycan Dövlət Filarmoniyasının solisti olmuşdur.

1978-ci ildən Azərbaycan Dövlət Konsert Birliyində, 1998-ci ildən Muğam Teatrında fəaliyyət göstərmişdir. Teymur Mustafayevin repertuarı muğam və təsniflərdən, xalq və bəstəkar mahnılarından ibarət olmuşdur.

Onun ifa etdiyi muğam və təsniflər AzTR Fondunda saxlanılır. Bir çox xarici ölkələrdə (Avropa ölkələrində, Ərəb ölkələrində, Rusiyada, Türkiyədə, İranda, Əfqanıstanda) qastrol səfərlərində olmuşdur.

Teymur Mustafayev 11 iyun 2020-ci ildə Bakı şəhərində vəfat edib.

Filmoqrafiya

• Teymur Əmi (film, 2002)
• Muğanın Sarvanı (film, 2002)
• Bitməyən ömür (film, 2013)

Xarici keçidlər

• Teymur Mustafayev Arxivləşdirilib 2012-01-07 at the Wayback Machine