The Empty Box and Zeroth Maria

The Empty Box and Zeroth Maria
Birinci cildin üzlüyü. Personaj: Mariya Otonaşi.
空ろの箱と零のマリア azərb. Boş qutu və sıfırıncı Mariya‎
Janr	döyüş, müəmma, triller
Manqa
Manqaka	Eyci Mikaqe
Rəssam	Tetsuo
Nəşriyyat	ASCII Media Works
Nəşr tarixi	10 yanvar 2009 – 10 iyun 2015
Cildlər	7 (cild siyahısı)

The Empty Box and Zeroth Maria, Yaponiyada tanınan adı ilə Utsuro no Hako to Zero no Maria (空ろの箱と零のマリア, azərb. Boş qutu və sıfırıncı Mariya‎) və ya qısaca Hakomari (箱マリ) — Tetsuonun rəssamlığı ilə Eyci Mikaqe tərəfindən yazılmış ranobe seriyası. 10 yanvar 2009-cu ildən 10 iyun 2015-ci ilə kimi ASCII Media Works nəşriyyatı tərəfindən 7 cildi buraxılmışdır. Polşada Waneko, Şimali Amerikada Yen Press nəşriyyatı tərəfindən lisenziyalaşdırılmışdır.

Məzmun

Kazuki Hoşino adi lisey tələbəsidir. Normal gündəlik həyat tərzi keçirir, dostları ilə əylənir. Lakin məktəb ilinin başa çatmasına bir gün qalmış – 2 martda onun sinfinə Aya Otonaşi adlı gözəl qızın gələcəyi məlum olur. Otonaşi sinfə daxil olar-olmaz üzünü Kazukiyə çevirərək bu sözləri deyir:

"Mən səni məğlub etməyə gəlmişəm. Bu mənim 13.118-ci məktəb transferimdir və mənim belə bu qədər təkrardan sonra narahat olmamam əldə deyil. Buna görə də dəyişiklik olsun deyə bu dəfə müharibə elan edirəm".

Bu başqarışdırıcı sözlərdən sonra Kazukinin həyatı tamamilə dəyişir. O, Otonaşinin əsl adının Mariya olduğunu, "qutular" adlandıran müəmmalı cihazların mövcudluğunu, Mariyanın günü minlərlə dəfə təkrarlamasının (Mariya bu hadisəni "Rədd edən sinif" adlandırır) səbəbkarının özünün olduğunu öyrənir.

Personajlar

Kazuki Hoşino (星野 一輝, Hoshino Kazuki)

Baş qəhrəmandır və adi lisey tələbəsidir. Ən sevdiyi yemək umaybodur. Lakin bir gün Aya Otonaşi adlı qızın onun sinfinə keçib ona müharibə elan etdiyini bildirir, lakin Kazuki onu ilk dəfə gördüyünü düşünür və çox təəccüblənir. Daha sonra ondan bütün bu müəmmalı hadisələrin səbəbkarının özünün olduğunu öyrənir.

Mariya Otonaşi (音無 麻理亜, Otonashi Maria)

Baş qadın qəhrəmandır və Hoşinonun sinfinə 2 martda – məktəb ilinin başa çatmasına bir gün qala keçmiş gözəl və müəmmalı qızdır. Əsl adı Mariya olsa da, özünü hər kəsə Aya adı ilə təqdim edir. Gələr-gəlməz bütün şagirdlərin önündə Hoşinoya müharibə elan etdiyini bildirir. Mariyanın dediyinə görə bu günü 13.118 dəfə təkrarlamasının səbəbkarı məhz odur. Buna görə də "Rədd edən sinif" adlandırdığı bu hadisəni dayandırmaq üçün "qutu" adlı müəmmalı cihazı ələ keçirmək istəyir.

Kokone Kirino (桐野 心音, Kirino Kokone)

Hoşinonun dostlarından biridir. Dostlarına böyük dəyər verən, lakin həddən artıq hər şeylə maraqlanan gülərüz və şən qızdır. Dayya ilə uşaqlıqdan tanışdır.

Dayya Oomine (大嶺 醍哉, Oomine Daiya)

Hoşinonun dostlarından biridir. Saçlarını gümüş rənginə boyayan, sağ qulağına 3 küpə taxmış arsız tələbədir. Bundan əlavə, sinif nümayəndəsidir.

Haruaki Usui (臼井 陽明, Usui Haruaki)

Hoşinonun dostlarından biridir. Şən, amma ağlı bir qarış havada olan beyzbol ulduzudur.

Kasumi Moqi (茂木 霞, Mogi Kasumi)

Hoşinonun aşiq olduğu qızdır. Səssiz, sakit və ifadəsizdir.

O (オー, O)

"Qutular"ı paylayan və hadisələrin arxasında dayanan müəmmalı varlıqdır.

Media

Ranobe

Ranobe seriyası Tetsuonun rəssamlığı ilə Mikaqe Eyci tərəfindən yazılmışdır. ASCII Media Works nəşriyyatı 10 yanvar 2009-cu ildən 10 iyun 2015-ci ilə kimi ranobe seriyasının 7 cildini buraxmışdır. Polşada isə Waneko nəşriyyatı tərəfindən 5 fevral 2016-cı ildə nəşr olunmağa başlamış və 6 oktyabr 2016-cı ilə kimi 5 cildi buraxılmışdır. Şimali Amerikada isə Yen Press ranobeni lisenziyalaşdırılmışdır.

Cild siyahısı

№	Yapon versiyasının nəşr tarixi	Yapon ISBN	Tərcümə versiyasının nəşr tarixi	Tərcümə ISBN
1	10 yanvar 2009	ISBN 978-4-04-867461-4	5 fevral 2016 31 oktyabr 2017	ISBN 978-83-65229-88-5 ISBN 978-03-16561-10-5
2	10 sentyabr 2009	ISBN 978-4-04-868012-7	8 aprel 2016 20 fevral 2018	ISBN 978-83-65229-89-2 ISBN 978-03-16561-11-2
3	10 yanvar 2010	ISBN 978-4-04-868275-6	8 iyun 2016	ISBN 978-83-65229-90-8
4	10 iyun 2010	ISBN 978-4-04-868595-5	8 avqust 2016	ISBN 978-83-65229-91-5
5	10 iyul 2012	ISBN 978-4-04-886733-7	6 oktyabr 2016	ISBN 978-83-65229-92-2
6	10 yanvar 2013	ISBN 978-4-04-891251-8	—	—
7	10 iyun 2015	ISBN 978-4-04-865121-9	—	—

Xarici keçidlər

• Waneko-nun rəsmi saytında  (pol.)