Tofiq Əliyev (rektor)

Vikipediya, açıq ensiklopediya
Jump to navigation Jump to search
Picto Info sciences exactes.png
Tofiq Əliyev
azərb. Tofiq Məmməd oğlu Əliyev
Doğum tarixi
1 iyul 1928(1928-07-01)
Doğum yeri Gəncə şəhəri
Vəfat tarixi 1993
Vətəndaşlıq Flag of Azerbaijan.svg Azərbaycan
Elm sahəsi energetika, informatika
Elmi dərəcəsi Texnika elmləri doktoru
Elmi vəzifəsi professor
TəhsiliAli
Mükafatları"Azərbaycanın Əməkdar elm və texnika xadimi” fəxri adı, “Şərəf Nişanı” ordeni

Tofiq Əliyev (Tofiq Məmməd oğlu Əliyev; 1928, Gəncə - 1993, Bakı) — Texnika elmləri doktoru, indiki Azərbaycan Dövlət Neft və Sənaye Universitetində rektor olmuşdur (1988-1993).[1]

Həyatı[redaktə | əsas redaktə]

Tofiq Məmməd oğlu Əliyev 1928-ci il iyun ayının 1-də Gəncə şəhərində anadan olmuşdur. 1945-ci ildə Gəncə şəhərində 4 saylı orta məktəbi qızıl medalla bitirmiş və həmin il Azərbaycan Sənaye İnstitutunun energetika fakültəsinə daxil olmuşdur. 1951-ci ildə həmin fakültəni fərqlənmə diplomu ilə bitirərək mühəndis elektrik ixtisasına yiyələnmişdir. 1967-ci ilin iyun ayında doktorluq dissertasiyasını müdafiə etmişdir.

Elmi fəaliyyəti[redaktə | əsas redaktə]

Tofiq Məmməd oğlu Əliyev 1988-ci ilin iyun ayından etibarən, indiki Azərbaycan Dövlət Neft və Sənaye Universitetində elmi işlər üzrə prorektor vəzifəsinə, həmin ilin dekabrından isə rektor vəzifəsinə təyin edilmiş və 1993-cü ilə kimi bu vəzifədə çalışmışdır.

Tofiq Məmməd oğlu Əliyev 227 elmi məqalənin, 213 ixtiranın, 40-a yaxın monoqrafiyanın, dərslik və dərs vəsaitlərinin müəllifi olmuşdur. Onun rəhbərliyi altında 5 elmlər doktoru, 38 elmlər namizədi hazırlanmışdır.

Digər fəaliyyətləri[redaktə | əsas redaktə]

Tofiq Məmməd oğlu Əliyev Azərbaycan “Cihazsənaye” Elmi-Texniki Cəmiyyətinin sədri, Sumqayıt şəhər Xalq Deputatları Şurasının deputatı seçilmiş, 1969-cu və 1983-cü illərdə 2 dəfə SSRİ və 1974-cü ildə 1 dəfə Azərbaycan SSR Dövlət Mükafatları laureatı olmuş, 1981-ci ildə “Azərbaycanın Əməkdar elm və texnika xadimi” fəxri adına, “Şərəf Nişanı” ordeninə layiq görülmüşdür. Akademik T.M.Əliyev xarici ölkələrdə keçirilən elmi forumlarda Azərbaycan elmini ləyaqətlə təmsil etmişdir.

Elmi əsərləri[redaktə | əsas redaktə]

1. Elektrik ölçmələri: ossiloqraflar, qeyrielektrik kəmiyyətlərinin ölçülməsi, informasiyaölçmə sistemləri[Mətn]: dərs vəsaiti /T.Əliyev, R.Mirsəlimov, T.Həsənov; red. M.Qasımzadə.- Bakı, 1986.- 104 s.

2. Mikroprosessorlu ölçmə cihazları, qurğuları və sistemləri [Mətn]: dərs vəsaiti /T.Əliyev, R.Mirsəlimov, T.Həsənov; red. T.Əliyev; Azərbaycan SSR Xalq Təhsili Nazirliyi, M.Əzizbəyov adına Azərbauycan Neft və Kimya İnstitutu.- Bаkı, 1989.-227 s.

Tofiq Məmməd oğlu Əliyev 1993-cü ildə vəfat etmişdir.

İstinadlar[redaktə | əsas redaktə]

Ədəbiyyat[redaktə | əsas redaktə]

Əlamətdar və tarixi günlər təqvimi - 2013 /baş red. K.Tahirov; red. G.Səfərəliyeva; məsul katib N.Alışova; M.F.Axundov adına Azərbaycan Milli Kitabxanası.- Bakı, 2012.- 440 s.